Digiqole ad

Christine NYATANYI yasezeweho kuri uyu wa mbere

Ni kuri uyu wa mbere mu gitondo  mu ngoro y’Inteko Ishinga Amategeko ku Kimihurura nibwo abayobozi bakuru b’igihugu na President Kagame bari baje gusezera kuri nyakwigendera Christine NYATANYI.

Umurambo wa nyakwigendera umaze gusezerwa n'Abayobozi bakuru
Umurambo wa nyakwigendera umaze gusezerwa n'Abayobozi bakuru

Nyatanyi yitabye imana azize uburwayi tariki 26/09/2011 mu bitaro bya  Saint Luc university Hospital i Brussels mu Bubiligi.

Mu muhango wo kumusezeraho bwanyuma, President Kagame yavuze ko atari umunsi w’akababaro gusa kuko u Rwanda n’abanyarwanda bashimishijwe n’ibikorwa by’agaciro yakoreye igihugu cye.

President Kagame ati:”Yujuje imirimo ye nkuko yabisabwaga, imyaka 8 yayibayemo ingirakamaro, igihugu cyose kifatanyije n’umurayango we mu kababaro”

Umwirondoro wa Nyakwigendera muri make: 

–          Yavutse kuwa 16/7/1965 i Nyarugenge

–          Yari afite impamyabumenyi y’ikiciro cya gatatu cya Kaminuza “Masters of Sciences in Economy of Odessa(Ukraine) mu cyahoze ari URSS. Aho yize kuva muri 1987 kugeza 1991.

–          Kuva mu Ukuboza 1997 kugeza mu Kwakira 2003 yari umuyobozi ushinzwe ibibazo by’Ubuhunzi muri sosiyete  y’Ububirigi yitwa ICIV-VZW.

–           Kuva muri Nyakanga 1995 kugeza muri Nzeri 1996 yakoreye Komite Mpuzamahanga y’Umuryango utabara imbabare (ICRC) akorera i Nairobi muri Kenya ashinzwe gukurikirana amakuru ku bibazo by’impunzi zo mu karere k’ibiyagabigari.

–          Kuva muri Kanama 1994 kugeza mu Ugushingo 1994 yakoreraga umuryango w’abanyamakuru batagira umupaka Reporters sans Frontieres(RSF) akorera i Goma,DRC nk’umusemuzi.

–          Kuva muri Gicurasi 1992 kugeza muri Mata 1994 yakoreye sosiyete Intercontact i Kigali mu Rwanda aho yari umuyobozi wungirije.

Abana babiri Christine Nyatanyi asize
Abo mu muryango wa Christine Nyatanyi

Marie Christine Nyatanyi yinjiye muri Guverinoma mu Kwakira 2003 nk’Umunyamabanga wa Leta ushinzwe amajyambere rusange n’imibereho myiza y’abaturage, yitabye imana akiri kuri uyu mwanya.

Nyuma yo gusezera kuri nyakwigendera mu ngoro y’Inteko Ishinga Amategeko ku Kimihurura igitambo cya Misa cyakurikiyeho muri Kiliziya ya Regina Pacis i Remera, maze ashyingurwa ku irimbi rya Rusororo.

Umurambo wa Nyakwigendera mu Nteko ishinga amategeko
Umurambo wa Nyakwigendera mu Nteko ishinga amategeko
Abayobozi mu nzego zitandukanye bari baje gusezera Nyatanyi
Abayobozi mu nzego zitandukanye bari baje gusezera Nyatanyi
Abakuru b'Ingabo baha icyubahiro nyakwigendera Christine Nyatanyi
Abakuru b'Ingabo baha icyubahiro nyakwigendera Christine Nyatanyi
Umurambo wa nyakwigendera ujyanwe ku kiliziya i Remera
Umurambo wa nyakwigendera ujyanwe ku kiliziya i Remera

Nyatanyi yari mu bakuru mu muryango we
Nyatanyi yari mu bakuru mu muryango we

Photos Daddy Sadiki

Daddy Sadiki RUBANGURA
UM– USEKE.COM

18 Comments

  • katikabisi says:
    10/03/2011 at 14:50

    Imana imwakire mubayo

  • ali says:
    10/03/2011 at 14:57

    Imana ikwakire mubayo Christine.

  • amata says:
    10/03/2011 at 15:54

    Paix à ton âme madame Christine,que tu loges à celui qui t’a crée pour l’eternité.

  • kanakuze says:
    10/03/2011 at 16:19

    yarakoze cyane nizereko ibyo asize atarangije bagenzi be bazakomerezaho imana imwakire mu bayo !!!!!

  • peace says:
    10/03/2011 at 16:27

    niho tugana twese

  • peace says:
    10/03/2011 at 16:32

    yari afite abana bangahe?

  • kolima says:
    10/03/2011 at 18:40

    Igendere Imana niyo ikwihamagariye

  • JYP MUNYZ says:
    10/03/2011 at 21:07

    UMURYANGO WE WOSE TWIFANYIJE NAMWE MURI BYO BYAGO BAHUYE NABYO IMANA IMUHE IRUHUKO RIDASHIRA

  • [email protected] says:
    10/04/2011 at 08:04

    ugiye ukirimuto imana ikwakire mubayo twari tukigukeneye hamwe nabawe yesu akwakire mubayo.

  • Ingabire-Ubazineza says:
    10/04/2011 at 11:22

    Goodbye Lady Marie-Christine NYATANYI…

    I am a simple anonymous friend of yours. For sure, I will remain eternally grateful…

    “DEEDS NOT WORDS……”

  • 000000000000000000000 says:
    10/04/2011 at 12:27

    Imana ikwakire mu bayo, kandi wari umugabo njye nakwemeraga.

  • BRUCE Jackson H. says:
    10/04/2011 at 13:41

    Imana imuhe iruhuko ridashira yakoreye igihugu cye neza. natwe tuzatere ikirenge mucye dukorera igihugu cyacu

  • john says:
    10/04/2011 at 14:45

    ese nta bana asize,twifatanije n’umuryango we

    • Annet says:
      10/05/2011 at 09:31

      ntabwo uzi gusoma!!!???cg ufite ubumuga bw’amaso????

  • polusiyo says:
    10/04/2011 at 16:27

    agende mu mahoro

  • prudent says:
    10/04/2011 at 16:30

    agire iruhuko ridashira yari umuntu mwiza

  • ryawe says:
    10/05/2011 at 13:56

    YOOOo!Imana imwakire!
    Umutegarugori Paul yivuye inyuma agashima!
    Nawe akora neza turasaba ko yakwakirwa vuba,hatarahungabana byinshi.

  • mugisha japhet says:
    10/06/2011 at 14:56

    imana imwakire mu bayo

Comments are closed.

© Since 2011, Umuseke. All rights reserved

en_USEnglish
en_USEnglish