China: Abakobwa bambaye ubusa boza imodoka ugatanga menshi

Business zikorwa mu buryo bwinshi, ikigo cyari gisanzwe gikorera isuku imodoka ndetse kikanatunganya neza ibyaba bitagenda ku modoka yawe cyifashishije ikoranabuhanga mu karere ka Chaoyang, mu mujyi wa Beijing cyatangije koza imodoka bikorwa n’abakobwa bambaye ‘udusamamagara’ gusa ubundi umukiliya akishyura menshi kurushaho.

Icyo kigo cyaje guhindura uburyo cyatangaga serivisi ku bakiliya bakigana, giha akazi abakobwa beza boza imodoka bambaye utwenda tw’imbere gusa.

Ibi ngo bituma ba nyiri imodoka batava aho zogerezwa kandi fagitire ngo ikaba nini.

Ikiguzi ubundi cyari amafaranga akoreshwa mu bushinwa ‘yuan’ 30 umukiliya agakanikirwa imodoka ye kandi ikanakorerwa isuku, ariko ubu uhisemo kogerezwa imodoka n’abakobwa beza bambaye kuriya yishyura ama yuan 880 ni ukuvuga amadolari y’Amerika 142 (Frw 99 000).

Inkuru y’ikinyamakuru, morningpost.com ivuga ko icyo giciro kitarimo ibyo gukanikirwa imodoka.

Iki gikorwa benshi mu Bushinwa bacyamaganiye kure bavuga ko kidahesheje agaciro umuco wabo, ariko nyiri icyo kigo cyoza kandi kigatunganya ibitagenda ku modoka avuga ko business ye nta mategeko yishe.

Avuga ko iki gikorwa kizamufasha guhangana n’abandi bakora akazi kamwe kandi ngo yizeye ko ubwo abo bakobwa bazaba bamaze guhabwa amahugurwa ajyanye n’umwuga ako kazi bazagakora neza kurushaho.

UM– USEKE.RW