Butera Knowless ari gukora amashusho adasanzwe y’indirimbo ye

Butera Knowless na Christopher aba bahanzi bomb bari muri Kenya aho bari gutunganya amashusho y’indirimbo zabo; “Tuliya” ya Knowless na “Agatima” ya Christopher nk’uko bitangazwa na Ishimwe Clement umuyobozi wa Kina Music aba bahanzi bakoreramo.

Izi ndirimbo ziri gutunganywa n’uwitwa Tedd Josiah, umunyakenya uzwiho ubuhanga mu gutunganya amashusho muri aka karere nk’uko Ishimwe Clement yabitangarije Umuseke.

Aba bahanzi bagiye ahitwa Malindi mu rugendo rw’amasaha 12 uvuye i Nairobi ku Nyanja y’ubuhinde kuhafatira amashusho kubera ubwiza bwaho.

Aba bahanzi bahagurutse muri week end ishize bakazagaruka mu Rwanda kuwa gatanu w’iki cyumweru.

Clement Ishimwe ati “Mu byatujyanye harimo no kureba uko twinjira mu isoko ry’umuziki rya East Africa. Cyane nka Butera we indirimbo ari gukora iri mu rurimi rw’igiswahili”

Amashusho y’izi ndirimbo z’aba bahanzi azajya hanze mu gihe cy’ibyumweru bibiri nk’uko byemezwa na Clement Ishimwe.

Amwe mu mashusho azagaragara muri izi ndirimbo:

Mu ndirimbo ya Christopher:

Plaisir MUZOGEYE
UM– USEKE.RW