Burya 40% by’ubugumba buterwa n’abagabo
Ikibazo cy’ubugumba (kutabyara) gihangayikisha imiryango myinshi ndetse kikaba intandaro hagati y’abashakanye, zishobora no kubaviramo gusenya ingo zabo.
Umuco wacu wo ukaba wari warashyize ku mutwe w’umugore ubugumba , nyamara 40% by’ubugumba bukaba buturuka ku bagabo, muri iyi nkuru tukaba turi bwibande ku bugumba buturuka ku bagabo, mu nkuru zacu zitaha ubugumba buturuka ku bagore.
IMPAMVU Z’UBUGUMBA KU BAGABO
1.Izituruka ku miterere y’intanga-ngabo
- Indwara y’amashamba
- Ubushyuhe bwinshi bwangiza imyanya myibarukiro.
- Indwara ya ‘varicocele’
- Kanseri
- Kunywa itabi,inzoga,…
- Imirire mibi
2. Inzira intanga zicamo
- Kuziba k’utuyoborantanga
- Impamvu zituruka ku kudasohora neza
- Impamvu zituruka ku kudashyukwa
Mugushaka kumenya aho ikibazo cyo kutabyara gituruka ababana bakorerwa ibizamini bikurikira:
- Kureba niba koko intanga ngore irekurwa
- Kureba niba imiyoborantanga ari mizima ku mpande zombi
- Kubera imitere ndetse n’ingano z’intanga ngabo. Ni ibiki biranga intanga ngabo zuzuye?
- Ingano zazo zigomba kuba hagati ya mililitiro 2 kugeza kuri 5
- Umubare w’intanga ngabo ugomba kuba uri hagati ya miliyoni 40 na 100 z’intanga ngabo.
- Byibuze kimwe cya kabiri cyagombye kuba kigenda.
- Byibuze hejuru ya kimwe cya gatatu cyagombye kuba ari kizima.
Ku mugabo rero iyo intanga ze zitujuje ibi, afite ubusembwa cyangwa indwara twavuze haruguru ashobora guteza ubugumba (kutabyara) mu rugo.
Mu gihe bitazwi neza, ntihazagire uwongera kuvuga ngo Umugore wa kanaka ntabyara! Hari igihe byaba biterwa n’umugabo.
Corneille K. NTIHABOSE
UM– USEKE.COM
English
6 Comments
Yego rata….murakoze ku bw’iyi nkuru gutyo bizajya bituma imyumvire ya benshi mu banyarwanda ihinduka aho usanga barishyizemo abagore ngo nibo batabyara…n’ubwo nabo byashoboka ariko abagabo b’i Rwanda ntibagahite bafata umwanzuro ngo ni umugore utabyara yabona asohora akaba azi ko ari muzima…bajye bagana kwa muganga babasobanurire aho ikibazo kiri mbere y’imyiryane no gucana inyuma
Intanga gore zingana zite zose hamwe? Zishobora kurangira mbere y’imyaka yateganyijwe bitewe n’uburyo zasohotse arinyinshi mu gihe gito ?
Nkunda urubuga rwanyu cyane, inkuru z’ubuzima zo ziranyigisha cyane. Nagirango mbaze uyu munyamakuru w’ubuzima azakorere ubushakashatsi kukibazo mfite:
“Ndi umukobwa mfite imyaka 20, mfite amabere nk’abandi ndetse ibindi byose bigaragaza ko ndi umukobwa ndabyujuje ndetse njya mu mihango. Uko ngaragara nteye neza mfite bimwe bita amataye ndetse abahungu benshi barankunda pe, ariko ikibazo ngira nta narimwe njya numva nifuza gukora imibonano mpuzabitsina niyo umuhungu agerageze kunkoraho mba numva ambangamiye cyane, nkahi mutuka cyane kuko bintera uburakari. Iyo numvise ibiganiro bagenzi banjye baba bavuga n’urubyiruko rw’abakobwa bo mu kigero cyanjye numva bibanda cyane kuvuga uko imibonano (Sex) imera ariko njyewe mpita numva ngize iseseme. Ubwo se ubwo ni uburwayi? cyangwa ntago ndi muzima. Ese nakora iki kugirango mere nk’abandi?
Muzadufashe: Hari umuvandimwe wafashwe n’indwara itarasobanutse, Uti bimeze gute? Afite 23years old, nta mibonano yigeze, akoreye circoncision, byatangiye aribwa buhoro (Uburyaryate) ku gitsina cye, akajya ashimashima rimwe na rimwe atanahareba, nyuma y’iminsi harashwanyagurika, Ntihamurya na gato. Yagiye kwa Muganga bakeka imitezi niba ijya yizana simbizi gusa hateye ubwoba.Imiti ayinywa neza bt nta gihinduka. Abazi iby’indwara z’uruhu cyane cyane ku myanya myibarukiro Mwamufasha kuko ahangayitse bikomeye. Dutegereje inama zanyu.
n.ph 10,ikibazo cyumuvandimwe wawe kirababaje,none se kwamuganga bo bitiranya imiteze gute?ngirango imitezi ifite signs zayo zihariye,ariko rero azagane umuganga ushinzwe gynecology ndumva ahari yamufasha mugihe tugitegereje icyo urubuga rwamusubiza,niyihangane arababaye!kurwara aho abandi batakurebera ni hatali
Ibiganiro byanyu biranezeza kuko mpungukira ubumenyi nta minerval ntanze.Ndi umukobwa w’imyaka 27 sindakora imibonano mpuzabitsina na rimwe kdi nkundana n’umusore nabona agize tentatives de faire l’amour avec moi ngahita mwanga kuko sindashyukwa na rimwe kabone niyo twasomana gute kuko mbikora kubera mon copain aba abikeneye, njye simbikunda ntacyo numvamo so umusore wese dukundanye arambwirango nzajye kwivuza ndarwaye none koko naba mfite ikibazo?Mumbarize nshuti z’uru rubuga
Comments are closed.