Burundi: Umunyamakuru Hassan Ruvakuki agiye kurekurwa

Hassan Ruvakuki umunyamakuru wa Radio Mpuzamahanga y’Abafaransa mu ishami ry’igiswahili yaba agiye kurekurwa. Kuri uyu wa 4 Werurwe 2013 nibwo hasohotse itangazo rigenewe abanyamakuru ribasaba guhagarika imyigaragambyo kubera ko Ruvakuki agiye kurekurwa.

Inkuru dukesha Radiyo Mpuzamahanga y’Abafaransa iravugako Hassan Ruvakuki wari warakatiwe n’urukiko gufungwa ubuzima bwe bwose, nyuma akaza kujurira agakatirwa imyaka 3, agiye kurekurwa bidasubirwaho.

Uwo mwanzuro wo kurekura Hassan Ruvakuki ugezweho kubera ubufatanye bw’ibinyamakuru, abayobozi batandukanye mu gihugu ndetse n’abashinzwe iyubahirizwa ry’uburenganzira bw’ikiremwa muntu ku isi batahwemye kuvuga ko uyu munyamakuru azira ubusa.

Uyu Hassan Ruvakuki yafashwe kuwa 28 Ugushyingo 2011 ubwo yashinjwaga ibikorwa by’itera bwoba, no gutara amakuru mu nyeshyamba zirwanya Leta y’uburundi.

Kuva ubwo abanyamakuru b’ibitangazamakuru bitandukanye batangiye kujya mu myigaragambyo mu mujyi wa Bujumbura; binubira ibyo bikorwa bikorewe mugenzi wabo.

TURATSINZE Jean Paul
UM– USEKE.COM`