Burundi:Abatavuga rumwe na Leta banze Museveni nk’UMUHUZA
Update: Muri iki gihugu ku mugoroba wo kuri uyu wa kabiri hatangajwe ibyavuye mu matora y’abadepite, aho CNDD – FDD yaje imbere ikaba yatsindiye imyanya 77, urunani Amizero rw’amashyaka atavuga rumwe na Leta bagize imyanya 21 mu Nteko mu giha ishyaka UPRONA uruhande rwemewe na Leta bagize imyaanya ibiri mu nteko.
Komisiyo y’amatora i Burundi yavuze ko amatora yitabiriwe ku kigereranyo cya 74,32% , Intara ya Ngozi batoye ari benshi ku gipimo cya 88%, na ho Bujumbura abatoye ni 28%.
Gusa UN yavuze ko aya matora ataranzwe n’ubwisanzure.
Nyuma y’uko umwe mu myanzuro yatangajwe ejo n’Inama y’abakuru b’ibihugu by’akarere, EAC, bahuriye Dar es salam wemeje ko Perezida Museveni ariwe waba umuhuza mu bibazo by’Abarundi nyuma y’uko ishyaka riri k’ubutegetsi CNN FDD ryanze Aboudulaye Bathily, abatavuga rumwe na Leta nabo banze Perezida Museveni wa Uganda ko yabahuza na Leta.
Iyi ibaye inshuro ya kabiri amashyaka atavuga rumwe na Leta yanga umuhuza kuko ubwa mbere banze Said Djennit agasimbuzwa Bathily nawe wanzwe na Leta.
Ikindi abatavuga rumwe na Leta badashaka ni uko amatora yazaba ku italiki ya 30 Nyakanga ahubwo bagashaka ko aba ku italiki yari yaragenwe mbere ariyo 15, Nyakanga uyu mwaka.
Amakuru atangwa the Bloomberg avuga ko mu kiganiro Frederic Bamvuginyumvira wungirije ukuriye ishyaka ritavuga rumwe na Leta Front Democratique Burundais (FRODEBU) yahaye abanyamakuru uyu munsi, yagize ati: “ Ni gute umukuru w’igihugu nka Museveni wagiye ku butegetsi muri 1986 n’ubu akaba akiburiho kandi ashaka indi manda, yakumva ko gushaka kwiyongeza indi manda kwa Nkurunziza binyuranyije n’Itegekonshinga?”
Kuri we ngo ntacyo yiteze kubyo Museveni azatanga nk’inama yatuma Nkurunziza areka kwiyamamariza manda ya gatatu.
Hagati aho ariko Bathily nawe yanze kweguzwa mu mirimo ye avuga ko icyemezo CNN FDD yafashe ‘nta bwenge burimo’.
Jeune Afrique yabajije uyu mugabo icyo agiye gukora ku busabe bwa CNDD-FDD aho iri shyaka ryamusabaga kwegura ku mirimo ye.
Abdoulaye Bathily yasubije agira ati “ Natunguwe n’ubwo busabe butarimo ubwenge.”
Bathily yakomeje avuga ko yanamaze gukora raporo asaba ko amatora y’umukuru w’igihugu ateganyijwe tariki ya 15 Nyakanga 2015 asubikwa.
Muri iyo raporo ye avuga ko guverinoma yitabiriye inama imwe gusa, mu gihe ishyaka riri ku butegetsi ritigeze ryifuza kujya mu biganiro ahubwo rigakomeza ibikorwa byo kwiyamamaza.
UWASE Joselyne
UM– USEKE.RW
English
9 Comments
Ndabona gufasha Abarundi bigoye. None se ko mbona banga uwo babahaye wese ngo abafashe, amaherezo bizagenda gute? Ndabona ari ukumarana .
Abarundi bakeneye intambara utsinze abandi akaba president ubundi amahoro akagaruka mu gihugu.
ndabona bigiye kuba nk’iby’urwanda. Mwibuke Arusha uko byari bimeze.
Umuseke mureke kwitiranya ibintu kuko bariya bagabo babiri impande zombi zitumvikanaho ni intumwa za UN. Naho M7 ni umuhuza wa EAC. Ubwo opposition imwanze yaba ari uwa mbere wanzwe nk’intumwa ya EAC…
@ kokope
Ntabwo bishobora kuba nka Jenoside yakorewe Abatutsi mu Rwanda kubera ko amateka arigisha. Cyakora abapfa bo bazapfa nk’uko bimeze uyu munsi ariko nta Jenoside izaba mu Burundi kuko nuzabigerageza bizamuhagama.
Abarundi nubwo bicana ariko ntarwanko rukabije bafise nkabanyagwanda nico gituma ata jenoside izoshoboka muburundi
mwashoborwaga numuhuza Mandela yabahaga oda (order cyangwa itegeko) mugahita mubishira mubikorwa akokanya ntabyo kuzezeta mumoko, none nzabandeba undi uzabashobora
Hhhaha Museveni aba umuhuza kukibazo cya Mandat nawe ubwe amaze kuyobora Mandat esheshatu yitegura no kwiyamamaza iyakarindwi umwaka utaha wa 2016. Amaze imyaka 30 ari kubutegetsi yagira inama gute Nkurunziza umaze icumi kweli ahubwo yamugira inama yo kurihindura agakuraho umubare wa za Mandat z’umukuru wigihugu.
Abamwanze ndumva bafite ishingiro,naho rwose uretse ubujiji bukabije n,inda nini,Nkurunziza yarakwiye gutanga umutekano agakinjura akareka guta abanyagihugu mukaga.
Comments are closed.