Imodoka itwara abagenzi ifashwe n’inkongi, nta wayihiriyemo

Ange Eric Hatangimana
01/28/2015

Ahagana saa saba z’amanywa kuri uyu wa 28 Mutarama 2015 Imodoka yo mu bwoko bwa Toyota Coaster itwara abagenzi ya kompanyi ya RFTC yafashwe n’inkongi y’umuriro irenze gato amasangano y’imihanda ku Kimihurura ifashe umuhanda wa Kacyiru – Nyabugogo

Ubwo imodoka yakongokaga (Kwizera Polain)

Iyi modoka yari itwaye abagenzi bavaga ahitwa mw’Izindiro igana Nyabugogo, yari irimo abagenzi 24 umushoferi n’umufasha we bose bakaba bavuyemo ari bazima.

Polisi ishami rishinzwe ubutabazi bwihuse niyo yaje kuzimya iyi modoka.

Augustin Nzibaranga umushoferi wari utwaye iyi modoka yabwiye umunyamakuru w’Umuseke ko yagiye kubona akabona umuriro uratse gusa.

Ati”Ntabwo nzi aho umuriro waturutse, nagiye kubona mbona umuriro uratse ariko sinamenye aho uturutse. Twahise dufungura abantu bakizwa n’amaguru.”

Ntabwo haramenyekana icyatumye iyi modoka ifatwa n'umuriro — Ntabwo haramenyekana icyatumye iyi modoka ifatwa n’umuriro

Umuriro wayitwitse uwari uyitwaye avuga ko nawe atabonye aho waturutse

Ku bw'amahirwe ntawahiriye muri iyi modoka — Ku bw’amahirwe ntawahiriye muri iyi modoka

Nyuma yo kuyizimya haje imodoka iyivana mu muhanda

Iyi nkongi yanatwitse amahema yamamaza amanitse iruhande rw'umuhanda — Iyi nkongi yanatwitse amahema yamamaza amanitse iruhande rw’umuhanda

Augustin wayitwaraga areba uko bayijyanye

Abashinzwe isuku mu muhanda bahise nabo baza gutunganya umuhanda

Daddy Sadiki RUBANGURA
UM– USEKE

9 Comments

Ibrahim Ba says:
01/28/2015 at 12:06

Inkongi z’umuriro zadukiriye n’imodoka kweli!Imana idutabare

Eric Bello says:
01/28/2015 at 13:19

Ndabona itakongotse cyane nk’ibisanzwe wenda barakuramo kimwe cy’icumi ntakundi kandi Imana ishimwe kuba ntawabigendeyemo.

MUKESHA says:
01/28/2015 at 14:40

birababaje cyane nyirayo yihangane ariko Imana ishimwe ko nrawahasize ubuzima.ibintu ni ibishakwa iyo abantu bafite ubuzima