Bigoranye, APR FC ibonye inota rimwe ku ikipe ya nyuma, Pepiniere
APR FC yari yakiriye Gicumbi ku Kicukiro
APR FC yari yakiriye ikipe ya nyuma ku rutonde rwa shampionat, wari umukino wakwitwa uworoshye kuri APR ariko Pepiniere yarawiteguye kuko igice kinini cy’umukino niyo yari iyoboye ifite igitego kimwe ku busa. APR FC yabashije kukishyura hasigaye iminota 12 gusa ngo umukino urangire, ibasha kubona inota rimwe uyu munsi.
Ibihe biracyari bibi kuri APR FC imaze gukina imikino irindwi iheruka igatsindamo umwe.
Umukino wa Pepiniere wafatwaga nk’uko ishobora kongera guhagurukiraho isubira mu bihe byiza ariko ntibyashobotse.
Pepiniere irimo abakinnyi benshi bataramenyekana cyane nk’aba APR kandi bakiri na bato, yahererekanyije neza cyane iza no kubona igitego cya mbere mu gice cya mbere cyatsinzwe na Nduwimana Michael bita Ballack ku munota wa 28.
Iyi kipe yakomeje kwihagararaho mu gihe APR yagaragarazaga guhuzagurika mu gushaka kwishyura.
Gusa ku munota wa 78, Sekamana Maxime winjiye asimbuye yatsinze igitego cyo kwishyura ndetse nyuma gato ahusha igitego cyari cyabazwe, umukino urangira ari kimwe kuri kimwe.
Indi mikino yabaye uyu munsi:
Sunrise 1 – 0 Entincelles (igitego cya Fred Etienne)
Kiyovu SC 0 – 1 Kirehe FC (igitego cya Ndagijimana Benjamin)
Mukura VS 3-2 Espoir FC (Ally Niyonzima, Bukuru Christophe,Samba Cedric – Albert, Mbogo Ally)
Amagaju FC 1-0 Marines (Bokatola Yves)
Kuwa gatanu
Police FC 2 – 2 Musanze FC
Kuwa mbere, March 20
Gicumbi Fc vs AS Kigali (Stade Gicumbi)
Roben NGABO
UM– USEKE.RW
English
6 Comments
Hababaje gusa uwazanye Jimmy Mulisa muri APRFC kuyitoza kuko ikipe yahamye izana abatoza bafite ibigwi. Ahandi iyo umutoza ateguye ni comite yegura kuko imihigo iba yabananiye. Bashobore bayisubize Yves Rwasamanzi afite Licence A ya CAF naho Mulisa bamwohereze kwiga hanze.
Ikigaragarira buri wese ; Abakinyi ba Apr Fc, ntibiyumva n’uyu mutoza, ndetse n’iyi Committee, yirukanye Umutoza ushoboye (Yaoundé), ikamusimbuza uw’Umuswa (Mulisa) ; ikirengagiza Umutoza Umurusha Ubumenyi (Rwasamanzi, ufite CAF License A Pro) ika mugira uwungiriza utagira na License na mba, uretse iyo bivugwa ko yaba yaraboneye muli Zambia ?!
Iyo Committee yashize imbere that contemptuous attitude towards more qualified coaches, that inversion of decent values and the promotion of decadence ; yarikwiye kwegura yo n’abatoza bayo bose ! Committee izabasimbura izemeza abakwiye kugumana nayo ! Ibyo aribyo byose, Camarade bazamuce burundu muli Apr Fc !
Mukomeze mudutsindire ibyo bikona.
Ikipe itagira rutahizamu izaduhoza mugahinda naho Mulisa we ararengana
APR izira gukinisha abenegihugu bari ku rwego rwo hasi gusa, kuko abashoboye bigiriye ahandi: ba Haruna, Migi, Sugira, etc! Niyemere no gukinisha abanyamahanga, cyangwa igarure ba MIGI, bafashe abo bana. Ntibyumvikana ukuntu ikipe ifite amikoro, ikoresha budget ya Leta, irushwa na Gasenyi ishakira mu bafana na bo batishoboye
Bazayisubize yves afite na experience yabitangiye ari umwana
Comments are closed.