Beenie Man yashimishije Kigali mu gusoza FESPAD

CHIEF EDITOR
03/01/2013

Updated: Yageze i Kigali kuwa gatanu n’indege ya Qatar Airways avuye muri Jamaica iwabo. Bitandukanye n’abandi bahanzi bo ku rwego rwe aje yiyoroheje, nta barinzi nta bantu benshi inyuma ye. Kuwa gatandatu nibwo yataramiye abanyakigali mu mihango yo gusoza FESPAD.

Anthony Moses Davis (amazina ye) ku myaka 39, yatangiye muzika iwabo muri Kingston, Jamaica afite imyaka itanu gusa abifashijwemo na nyirarume wavugirizaga ingoma Jimmy Cliff.

Beenie Man ubu ni izina rikomeye muri muzika ku Isi, we yiyise umwami w’injyana ya Dance Hall, akaba aje kuririmbira abanyarwanda mu Iserukuramuco nyafrica kuri uyu wa gatandatu guhera saa cyenda z’amanywa.

Uyu muhanzi ufite Album zirenga 25 yatangiye gusohora kuva mu 1983, yamenyakanye cyane mu ndirimbo nka “Love Me Now” ye na Wyclef Jean, “King of the Dancehall”, “Girls” ye na Akon, ndetse n’izindi nka “Hmm Hmm”, “Wine Gyal”, “Gimme Gimme”, “Back It Up” n’izindi.

Ageze ku butaka bw’u Rwanda, yinjiye aramutsa abantu mu buryo buzwiho umunya Jamaica mugenzi we Usain Bolt wamamaye mu kwiruka n’umuvuduko mwinshi kurusha abandi ku Isi.

Ahinguka nta bantu benshi nkuko bisanzwe ku bahanzi bafite izina nk'irye baza i Kigali — Ahinguka nta bantu benshi nkuko bisanzwe ku bahanzi bafite izina nk’irye baza i Kigali

Yabwiye umunyamakuru w’Umuseke.com ati “ Ni ubwambere ngeze mu Rwanda, ariko najyaga numva baruvuga amakuru meza ko ari igihugu cyahindutse bitangaje nyuma ya Genocide yakibayemo. Nje nanjye kureba rero.”

Mu gitaramo cyo kuri uyu wa gatandatu cya FESPAD kizabera kuri stade Amahoro , Beenie Man azaririmba, ndetse n’abandi bahanzi bakomeye nka Kidumu, Jay Polly, Dream Boys, Dr Claude, Princess Priscilla n’abandi baririmbe.

Ahubwo yabaye nk'utungurwa n'abantu benshi bari baje kumwakira — Ahubwo yabaye nk’utungurwa n’abantu benshi bari baje kumwakira

Uwo mugore baganiraga ni we manager we nkuko umwe mubo bazanye yabidutangarije

Beenie Man avuga ko yari yarumvise byinshi byiza ku mpinduka zabaye ku Rwanda

Wabonaga yishimye cyane kandi ashaka kuvugana na buri wese, bitandukanye na Jason Derulo, Kingston, P-Sqaure n'abandi baje ino — Wabonaga yishimye cyane kandi ashaka kuvugana na buri wese, bitandukanye na Jason Derulo, Kingston, P-Sqaure n’abandi baje ino

Yazanye n'itsinda ry'abacuranzi ubona baatuje cyane — Yazanye n’itsinda ry’abacuranzi ubona baatuje cyane

Ubusanzwe uyu mugabo ni se w'umwana witwa Marco Dean w'imyaka 6, aha yari kumwe n'umugore we Michelle 'D'Angel' Downer batanye mu 2011/photo Internet — Ubusanzwe uyu mugabo ni se w’umwana witwa Marco Dean w’imyaka 6, aha yari kumwe n’umugore we Michelle ‘D’Angel’ Downer batanye mu 2011/photo H Walters

Beenie Man wabona nta mususu afite, nta kibazo cy'umutekano we afite nk'uko twabibonye ku bandi ba Stars — Beenie Man wabona nta mususu afite, nta kibazo cy’umutekano we afite nk’uko twabibonye ku bandi ba Stars bakomeye

Aha yagiraga ati "ejo mwese muzaze" — Aha yagiraga ati “ejo mwese muzaze”

Mu gitaramo gisoza FESPAD kuwa gatandatu, benshi uyu munya Jamaica niwe bari bakereye kuza kureba.

MInistre w’Umuco na Siporo mu ijambo risoza FESPAD

Dream Boys nibo bahise batangira gususurutsa abari aho

Jay Polly wari wambaye ingofero y’imisumari nawe aba araje

Abafana bamaze kwemererwa kumanuka ngo basange Jay Polly

Buri wese yafataga uwo bazanye bakawuceka

Uyu nawe yari yiyambariye amataratara ye ameze atya

Ibyo kunywa byari bihari ku babasha bene ibi

Muri urwo rusaku hari ababona akanya ko kwiruhukira neza

Yatunguwe no gusanga indirimbo ze bamwe bamufasha kuziririmba

Hari abantu benshi cyane baje kureba iki gihangange

Photos/P Muzogeye

Plaisir MUZOGEYE
UM– USEKE.COM

0 Comment

usenga says:
03/01/2013 at 16:51

umuseke turabemera cyaneee!!!!! gusa Plasir urabizi kbsa

xxx says:
03/01/2013 at 18:48

ntayindi mpamvu Kwicisha bugufi, thats Rasta mouvement. Peace & Love
- BYIRINGIRO says:
  03/02/2013 at 12:09
  
  yea

UMUSOMYI says:
03/01/2013 at 18:51

Ahahahah umuseke.com ndabakunda cyane muranezeza, reba nkukuntu mwakoze inkuru iryoshye n’amafoto ariko mukadushyiriramo n’akantu kuri iyi foto yanyuma ngo “Akaboko ke ubona ko koko kakoze” ahahahhaha

ariko koko birasekeje wagirango yotsa runonko kubera ukuntu akaboko ke gabaye nk’ak’umuhinzi uhinga imirenzo ahahah

Big up

MUGISHA says:
03/02/2013 at 10:06

umuseke.com turabemera mukomereze aho nizeye ndashidikanya ko muzatugezaho amakuru atomoye yiminsi azamara mu Rwanda.courage

Inzobere says:
03/02/2013 at 13:41

Plaisir uri “plaisir”koko uradushimisha cyane peee!!naho uwo mu rasta nta kuntu atakwicisha bugufi kuko aba rasta nyabo n’imfura cyane.jye ndanabakunda cyaneeeeeeee….

Inzobere says:
03/02/2013 at 14:12

Plaisir uzi icyo gukora rwose?naho ubundi uyu mugabo n’imfura byanabonekaga n’ukuntu yari yitwaye.Aba rasta ndabakunda cyaneeeeee…..

Jean marie says:
03/02/2013 at 19:27

Uyu mugabo rwose ndamukunze kuba yicishije bugufi niyo mico yabaRasta ntabikabyo bagira ureke bariya bandi baje bigize abahatari

FOFO says:
03/03/2013 at 09:57

uyu mu type ndamukunze peeeeee,ureke aba star bacu babona batangiye kuzamuka bakigira abahatari ntaho baragera bakunva ko isi ariyabo ,babonereho,imana imuhe umugisha