Bakame ubu ni umukinnyi wa Rayon Sports

Jean Luc Ndayishimiye umunyezamu uzwi cyane ku izina rya Bakame yasinye amasezerano y’imyaka ibiri kuri miliyoni esheshatu Rayon Sports imuguze nkuko abayobzi ba Rayon babyemeza.

Uyu munyezamu uzwi cyane ku izina rya Bakame avuye mu ikipe ya APR FC yarimo kuva mu 2009 aho yaje avuye muri ATRACO (ubu ntikibaho)

Bakame ‘saison’ ishize yagowe cyane n’imvune ku buryo atabashije guhanganira umwanya uhoraho mu izamu na mugenzi we Ndoli Jean Claude.

Bakame aje muri Rayon Sports kuziba icyuho cy’umunyezamu wabo Nzarora Marcel uherutse kuyivamo akajya mu ikipe ya La Jeunesse.

Uyu musore akazatangirana imyitozo na bagenzi be bashya muri iyi kipe ya Rayon sports nka Arafat Serugendo(wavuye muri Mukura VS), Djihad Bizimana(wavuye muri Etincelle), Claude Rwaka(bavanye muri La Jeunnesse).

Rayon Sport ifite na gahunda yo kongerea amasezerano bamwe mu bakinnyi bayo harimo kapiteni Hategekimana Aphrodis na Karim Nizigiyimana nkuko ubuyobozi bwa Rayon bubyemeza.

JD NSENGIYUMVA Inzaghi
UM– USEKE.RW