Bahame Hassan n’uwari Noteri bakatiwe gufungwa iminsi 30
Sheikh Hassan Bahame wari umuyobozi w’Akarere ka Rubavu ubu akurikiranyweho ruswa
02 Mata 2015 – Urukiko rwisumbuye rwa Rubavu kuwa kabiri w’iki cyumweru nyuma y’uko rwumvise impande z’abaregwa kwakira ruswa Bahame Hassan wari Umuyobozi w’Akarere ka Rubavu na Judith Kayitesi wari Noteri mu karere ndetse n’umushinjacyaha, baburanaga ku ifunga n’ifungurwa ry’agateganyo, kuri uyu wa kane nimugoroba rwanzuye ko aba baregwa bagomba kuba bafunze iminsi 30 by’agateganyo kuko ingingo zabo zo kurekurwa by’agateganyo nta shingiro zifite.
Abaregwa bavugwaho kwaka ruswa umushoramari Mukamitari Adrienne wari wemerewe ikibanza cyo gukoreraho ariko aba bayobozi bakabanza kumusaba ruswa ngo agishyikirizwe.
Urukiko ruvuga ko kuba tariki 30 Dec 2014 mu nama yarimo inzego zitandukanye nka MINECOFIN, MINISPOC na REMA inama ikemeza ko icyo kibanza gihabwa Mukamitari ariko ntahite agihabwa, Urukiko rusanga yakagombye guhabwa icyo kibanza ariko ngo habayeho kunaniza Mukamitari
Urukiko ruvuga ko rwasuzumanye ubushishozi ingingo zatanzwe n’impande zombi rusanga kuba Kayitesi yarahamagaye Bahame Hassan bakaganira ku bijyanye n’amafaranga miliyoni eshanu zariho zakwa Mukamirari bakemeranywa kuri enye, ibi ngo bishobora kuba biganisha ku cyaha cya ruswa.
Urukiko rusanga ibyo Kayitesi yabwiraga Mukamitari ko Bahame ari we umutuma amafaranga ibi nabyo ngo basanze bishobora kuba bifite ishingiro. Ibi ngo bituma Bahame Hassan akekwaho ruswa.
Imyiregurire ya Bahame ngo nta shingiro ifite kuko ari Bahame na Kayitesi bemera ko bavuganye kuri Telephone ndetse n’ubutumwa bwanditswe na Mukamitari yandikira Kayitesi ari ibimenyetso bigaragaza ko Bahame Hassan yaba yari muri iyi gahunda ya ruswa.
Bahame wireguye avuga ko nta bubabasha yari afite bwo guhesha Mukamitari ikibanza, abacamanza bavuga ko atagombaga kumugora ahubwo yagombaga kumubwira akareba inzego zibishinzwe.
Kuba Kayitesi yemera ko yakiriye amafaranga kandi na Mukamitari akaba yari yaramwemereye kuzamuha miliyoni imwe nyuma yo kwakira imiliyoni enye ibi nabyo ngo ni ikimenyetso cya ruswa ishinjwa aba bayobozi.
Urukiko rwatangaje ko ibyo abunganira Hassan Bahame basaba ko yarekurwa agakurikiranwa ari hanze ibyo ngo nta shingiro bifite .
Kuri Judith Kayitesi wavuze ko atwite bityo akwiye kurekurwa agakurikiranwa ari hanze harengerwa inyungu z’umwana ibi ngo nta shigniro bifite.
Urukiko rwategetse ko mu gihe hagikorwa iperereza aba ngo bagomba gukomeza gufungwa iminsi 30 by’agateganyo.
Icyaha cyo kwaka no kwakira ruswa gihanirwa imyaka itanu kugeza kuri irindwi.
Patrick MAISHA
UM– USEKE.RW/Rubavu
English
15 Comments
Hari ikinyobera
Ko mubyo muvuga ashinjwa nta kibazo k’isoko rya Rubavu muvugamo aricyo gikomeye gihangayikishije abanyarwanda yaba yabi tekinitse bucece cg bimeze bite ???
Wabona ejobundi atarekuwe bikarangira isoko riburiye mo bucece !!!!!
Please mwite ku kibazo gifatika ashinjwa naho ubwo bwa ruswa ya uwayifatanywe abibazwe aranabyemera ntani bimenyetso afite bihama Bahame.
Nta ni nyubgu bizanira abanyarubavu bo bakeneye isoko.
Ndetse nisubukurwa ryi bikorwa bya majyambere byadibdiye kubwa Bahame.
Eh uyu mu type ko asa na Bizimungu kuri ino photo?
Birakwiye ko abakira n’abagerageza kwakira ruswa babihanirwa muburyo bw’intangarugero,ariko ndumva murwego rwokurengera uwo muziranenge uri munda yakagombye gukurikiranwa ari hanze kuko uwo mwana ntabufatanyacyaha yakoze
.
Mubyukuri uyu mugore wari umunyamategeko mukarere niwe wari ukwiye kubwira Bahame ko ruswa ari icyaha, none niwe bayitumye, ubwo rero agomba kubibazwa. Babafunge n’iby’Isoko bakusanye ibimenyetso Buntu na Nyirasafari nabo babasange mo, kugira ngo n’abazabasimbura bizababere ikitegererezo.
agomba gusaba imbabazi abanyarubavu imbabazi numukuru wigihugu kuko yarahemutse cyane ndetse ageretseho nindishyi zo kudindiza akarere kunyungu ze bwite na buntu adasigaye
Ni Danger! Ibi bijye bibera abandi urugero,usibye mu itangwa ry’amasoko n’izindi service zitandukanye,hari hakwiye na none gushyira ingufu no mu itangwa ry’akazi kuko naho Ruswa iravuza ubuhuha byaba ngombwa utsinze ikizamini cyanditse akajya ahita ahabwa akazi hatitawe kuri Interview kuko hariya niho barira imyanya ,ndetse bigakuriranwa cyane bashingira no ku manota umuntu afite kuri Diplome naho izo interviw rwose murebe uko mubigenza.
ni dange amaherezo tuzabona akazi nibarwanya ruswa
OYA rwose birakwiye ko baryozwa ibyo bakoze, kuko ruswa turayirambiwe pe. Iradusenyera igihugu, igakenesha abantu benshi igakiza agatsiko k’ibisambo gusa.
N’uriya mugore Mukamitari bamukurikirane. Nawe si shyashya, atunzwe no gutanga ruswa turamuzi. Ahubwo agomba kuba yaramenye ko abantu batangiye kumukeka amababa, akigira inama yo guta mu mutego bariya ba Rubavu ngo akunde agaragaze ko ari intungane, ariko wapi kabisa nta bunyangamugayo bw’uriya mugore rwose.
Erega ubu busambo buri hose abayobozi nka 90% bose ubagenzuye wasanga umutungo w’abaturage barawumaze
ndumiwe nikanze Pasteur Bizimungu barasa bitangaje pe!cg hari icyo bapfana cya hafini uko Pasteur amaze gusaza mais ils se ressemblent tellement
bahanwe cyane bihanukiriye nabandi
Igihe kiri hafi maze hakagira ibishyirwaho iherezoooooooooooooooooooooooooooooooooooooooooooooooooooooooo. Humbya gato gusa
Iyo ukoreye shitani ugomba no kwitegura ibihembo byayo !!!!!!!!! Kula ni kulipa !!!!! Iyo ndahiro mwakoze ko nimutenguha ibyo Shitani yabahamagariye gukora ntimutabitunganya ijye ibagaruka ibakubite akanyafu !!!!!! Harahagazwe peeee! Uwapfuye yarihuse niba ataragize Imana yo gutegekwa na Shitani !!!!!!
amategeko niyo agomba kubahirizwa abajinga nibibafata bazabihanirwe ntakibazo
Aba ba meya bararengana.nudufi duto rwose niba barya nuko bareba ababakuriye.Ko bavuzeko umuntu agomba gutangaza umutungo we mbere yo kugera mu buyobozi, ababyanze nibande? n’udufi se cg n’ibifi? Igihe abanyarwanda tuzabwizanya ukuri nibwo tuzaba duteye imbre bya nyabyo.
Comments are closed.