Arasaba inama abubatse
Muraho bavandimwe,nabasabaga ko mwangira inama cyane cyane abamaze iminsi mwubatse.
Navukiye ku babyeyi batumvikana, kuva navuka sinigeze mbona baseka, bahoraga batongana banarwana, byanteye ubwoba cyane kuburyo numvaga ntashaka gushaka.
Imana yaramfashije ndashaka mfite umugabo w’umwana mwiza, ariko ikibazo ngira ni uburyo umugore yita ku mugabo numva ntabyo nzi, sinzi no gutera blague wenda ngo muvugishe duseke tubana ducecetse kandi numva mporana ubwoba bwinshi kuko ashobora nko kuva kukazi numva mufitiye urukumbuzi najya nko kumwegera ngo musuhuze mbe namuha na bizu ngo mwerekeko mwishimiye nkumva mfashwe n’ubwoba ntazi aho buturutse.
Niba ari uko iyo papa yatahaga yazaga avuga nabi twese tukajya kwihisha cyangwa tukumva ahise akubita mama simbizi pe!
MUNGIRE INAMA UKUNTU NZASHIRA UBWO BWOBA kuko rwose nkunda umugabo wange, ikintu kibabaje ni uko amaze kubibona ko mfite ikibazo nkabura uko mbimusobanurira none asigaye agirango twabanye nta mukunda kandi urukundo numva ruri kuntwika mu mutima.
Urebye ndi timide, none nabikira gute?
Mumfashe ndabasabye muraba mukoze.
Imana ibahe umugisha.
English
0 Comment
Biragaragara ko umubyeyi (papa) wawe ataguhaye icyo buri mwana wese akenera kubabyeyi mumikurire yacu twese,arirwo rukundo. Abahanga bemeza ko duca mubyiciro byimikurire bigera kuri hafi k’umunani, bityo bigasaba ko buri icyiciro kigenda neza nkuko bisabwa. urugero: Umwana iyo akivuka, imikurireye kugeza kumwaka umwe iba ikeneye cyane kwitabwaho n’ababyeyi bihagije, kuburyo umwana ahita yiyubakamo ikizere cy’ubuzima ndetse n’umutekano we, ibi rero bikazatuma ibindi by’iciro byimikurire nabyo bigenda neza. ikiciro cy’imikurire y’umwana kigenda neza aruko ibyakibanjirije cyagiye neza. Rero mumikurire yawe hiyubatsemo ubwoba bwo gutinya igitsinagabo kubera uko papa wanyu yabafataga nabi. inama nakugira nuko wabonana n’umuhanga mubyimikurire (psychosocial development) akakujyira inama. Ushobora guhamagara kuri Tel 0731550084 ugahabwa ubufasha.
Ubwo uzi ikibazo cyawe umuti ni wowe uwufite. Wakwivanyemo ubwo bwoba hanyuma umugabo wawe ukamuhata urwo rukundo rugutwika! Ibyo papa wawe yakoraga yego byakugizeho ingaruka ariko ubwo bitaguheranye ngo bikuviremo intinyi yari kukubuza kurongorwa byivanemo uhindure ubuzima. Hanyuma se mukiri muri fiancailles byari bimeze bite? Ugomba kuba ugira impungenge ko umugabo wawe yazamera nka papa wawe bigatuma ugira impungenge. Nukomeza utyo niko bizagenda ubwo umugabo wawe atangiye kwibaza niba umukunda! Tabarira bugufi amazi atararenga inkombe!
Muvandimwe ncuti, birashoboka rwose kubyo wibwira ko bikubuza kwishima. Amateka yacu mu bwana, araturemarema, akaba yautera kuba abo turibo dukuze. Ibi nibyo dukunze kwita ibikomere. Niba rero byagukundira, shaka umuntu usenga kdi wizeye, uziko atagutenguha, muganire, mukorane urugendo rwo gukira, ikindi kandi nibyiza ko waganiriza umuganji wiwawe amateka yawe kuri izo ngingo, ari muri benshi bazagufasha gukira byihuse. Bizagutera ishema bitumye nuwo wibarutse atagira amateka nk ayawe. Nibyiza ko mubaho urukundo mu rugo kuko niko kubaho ijuru rito hano ku isi. Komera
Wibeshya umntu akugishije inama. Rata biganirize umugabo wawe wenyine byose ibyo ukeka byaguteye icyo gikomere kandi muri ahantu hatuje. Ndetse nibishoboka uzahereko utangira kumwiteteshaho guhera uwo munsi kandi umubwire ko nawe azajya akorohereza kuko bigushimisha. Nawe azabyishimira kuko abagabo twese dukunda abagore bitetesha ahubwo nuko tubabura, naho ubikuye ahandi akabona uhindutse kuri rimwe yabyibazaho byinshi kandi byakugora gukira agukomerekeje.
uraho muvandimwe!ndumva ukomerewe ariko humura ubwo waratiye indwara muganga urakira kuko nicyo cya mbere kumenya ko urwaye kandi ugashaka no gukira.
njye ndubatse kandi mfite inama nakugira kugira ngo ukire nkuko ubyisabira.
inama ya mbere na kugira ni ugushaka akanya ari wowe n’umugabo wawe mwabonekeraho ntakindi kibavangira cyane ko numvise mutarabyara ariko ukabanza kubibwira umugabo wawe ko ushaka ko muganira,mukajya ahantu hatuje hatari murugo.mbere yo gutangira mwabanza mugasenga bitewe naho musengera kugira ngo buri wese yifungurire undi.ubwo rero niwowe watangira umubwirako ushaka kumusangiza amateka yaranze ubuzima bwawe kuva wavuka maze ukamubwira byose ntacyo umukinze ibyagushimishije n’ibyakubabaje byose ukabimubwira kuko niwe musangiye gupfa no gukira ntacyo ugomba kumuhisha na kimwe nurangiza wenda bitewe n’agaciro yahaye ibyo umusangije nawe azagusangiza aye mateka cg se yumve atari ngombwa bitewe nuko mubanye cg.bitewe nuko yumva kuri we igihe kitaragera cyo kukwifungurira ngo agire icyo akubwira natagira icyo akubwira kumateka ye rero ntuzagirengo nuko atakumvise ahubwo uzibukeko ari wowe ushaka gukira kandi ko ari wowe wamubwiye ko umushaka we ntiyiteguye.ubwo nimumara gukora urwo rugendo ukabona ntacyo bikumariye.email nagufashirizaho birambuye ni [email protected]
Imana ikurinde
Mwiriwe,mwakoze mwese kungira inama kuko ni jyewe wanditse ngisha inama
ariko nagirango mubwire uko umuntu abyitwaramo murugo kuko hari ibintu numva abandi bavuga bikanyobera,kuko ngo iyo umugabo avuye mu kazi arushye ngo hari uko umugore amuguyaguya kuburyo amuvura uwo munaniro bijyenda gute bavandimwe kuko numva mfite ubwobako umugabo wange yazansha inyuma kuko ndamukunda pe,numva agiye kubera amakosa yanjye namererwa nabi cyane,murakoze
Nshuti ya Yesu, Ese umugabo wawe akunda Imana? Niba ayikunda nawe ushake ukuntu muri iyi minsi ubona nk’ahantu hari urusengero rwiza rw’abantu bakizwa( nta buryryarya) hanyuma uzabwire umugabo wawe ko wifuza ko mwajya mujya gusenga mukagandukira Imana mbese mugatangira ubuzima bwa Gikristo buhamye. Ubundi umusabe ko yafata responsabilite mu rugo mukajya musoma Bible hamwe mugasobanura uko mubihuriyeho mugasengana . Ibyo bintu ubishyiremo imbaraga , mu gihe iyo gahunda izaba imaze kuba akamenyero mu rugo rwanyu nibwo nawe uzajya ubasha gufungura umutima wawe ukavuga icyo utekereza, n’umugabo wawe kandi akakubwira icyo atekereza. Umugabo ukijijwe nta kimusumba yihanganira byose kandi urukundo araruguharira ntanigere atekereza kuba yaguharika. Ikindi nuko ibibazo byawe abyumva vuba kandi akabigufasha mukabikemura mu mahoro. Imana ikube hafi.
Sha icyo kibazo cyawe kirakomeye, kuko ibyo umwana aba yarakuriyemo akabibona kubabyeyi, bimukukiramo akabona ko ubuzima arubwo ntabundi,nanjye ndi umugore wubatse numugabo nawe wahuye nicyo kibazo cyane,nawe Papa we na Mama we bahoraga barwana,nyuma yigihe Papa ata nyina aragenda amara igihe yaramutaye,yagarutse mama nawe yaracyuye undi mugabo nawe babyarana abana 2,none umugabo wanjye nawe nuko ameze,ubuzima bwe ahora atongana,ubuzima bwe ahora avuga nabi,ahora arakaye,iyo umuvugishije akubwira nabi, ibyo umuganiriye kwakundi umugore numugabo baganira,mukajya kure mukaganira byinshi,ubwo abigira incyuro ,akabigira ibitutsi akajya abintuka,akancyurira,mbere ntaramenya ikibazo afite byajyaga bimbabaza,ariko ubu aho nabimenyeye ntabwo bikimbabaza,ahubwo ndamusengera nkagerageza nkamugira inama nubwo atanyumva ariko ndizera ko buhoro buhoro ko bizagenda biza.noneho ajya ambwira ngo ni dushwana ngo azanta yigendere,ibaze nawe wumve iyo myumvire afite,njya ngerageza tukaganira nkamubwira ibibi byabyo,ahubwo mumwanya wokubyumva akivumbura akarakara akagenda ubwo ibiganiro tukaba turabirangije hahaha,nshuti yanjye rero inama nakugira nukumenya ko amateka yahindutse,ukamenya ko abagabo bose batameze nka papa wawe,kandi kubana numugabo utabana nawe nkuko mama wawe yabanaga nawe,so gerageza guhinduka kandi usenge cyane ibyo bitazavamo karande bikazakurikirana nabo uzabyara,kandi ikindi warukwiye kuganirira umugabo wawe,ukamubwira uko wuyumva, ukamubwira nikibigutera,kugirango atazakeka ko hari ikindi umuhisha cyaba kibigutera,niba ari umugabo mwiza agukunda,uziko ibyo umuganirira atazabigira incyuro akajya abigucyurira,wamubwira akabigufashaka akajya akugira inama akanaguhumuriza,
Ariko mubona abagore bashatse vuba b’iki gihe atari abapfayongo!Kera twashakaga turi bato kandi tukamenya kubaha no gufata neza abagabo bacu.Kandi abagabo bacu baratwubahaga pe.None iby’ubu n’abubu biteye ukwabyo.None se ko n’umukobwa uvuye iwabo mu rugo Papa na Mama we babanye neza cyane ni kuki iyo ageze mu rugo rwe bimunanira kubaka? Bakobwa mupfukame musenge Imana ibakuremo imyuka mibi mwandurura aho murara mukururana n’abasore muri za night clubs ngo mwasohotse.Abadayimoni muhandurira ntibazatuma muca akenge ko kubaka urugo ngo rukomere!
Ko numva umusubije nk’umuntu mukuru kandi ukaba umuciriye urubanza aho kumugira inama zimwubaka bimaze iki?izo night club umushinja wazimubonyemo?Ngo mwari muzi gufata neza abagabo mukanubaka?Gusa ibyubu bigaragara cyane kuko ubumuntu butacyubahirizwa ndetse namikoro yabaye make kuburyo bisigaye bihita bigaragara ariko ntukavugire kububu cyane wiyibagizako ijambo ikinyendaro cyabayeho kuva na kera ndetse no guharikwa si ijambo rishya.Umuntu aba yanditse asaba ubufasha rwose mujye mutubabarira mugabanye kubwira nabi abantu kandi ahubwo mubahe inama kuko arizo bakeneye ntabwo umuntu aba yanditse hano atababaye.Nshuti yanjye rero wagishije inama ndagusabye rwose uce bugufi unasengere icyo kintu wikuremo iyo mico wabonye iwanyu maze ufate umugabo neza wibagirwe ibibi by’iwanyu maze wiyubakemo umuco mwiza wo kugaragaza urukundo kuko ubwo urimo kwiremamo umuco mubi wo kwikunda utagaragaza urukundo rukugize kandi uzi ukuntu iyo wakunze umuntu ukabura uburyo bwo kubigaragaza biryana bigatesha numutwe.Maze rero natwe mu ngo twemera kwakira ubuzima uko buri kuko ntakundi byagenda ariko tukarera abana none wowe uranga kugaragaza urukundo urufite ni akazi kawe nagucika.Guhisha ibyiyumviro byawe ku muntu ukunda kandi mubana si byiza pe hinduka hakiri kare.Ngaho ugire amahirwe masa kandi urukundo urubibe maze rutahe urugo rwanyu wikuremo imico mibi wasize iwanyu.Urakoze kandi amahirwe masa.
Ko numva umusubije nk’umuntu mukuru kandi ukaba umuciriye urubanza aho
kumugira inama zimwubaka bimaze iki?izo night club umushinja
wazimubonyemo?Ngo mwari muzi gufata neza abagabo mukanubaka?Gusa ibyubu
bigaragara cyane kuko ubumuntu butacyubahirizwa ndetse namikoro yabaye
make kuburyo bisigaye bihita bigaragara ariko ntukavugire kububu cyane
wiyibagizako ijambo ikinyendaro cyabayeho kuva na kera ndetse no
guharikwa si ijambo rishya.Umuntu aba yanditse asaba ubufasha rwose
mujye mutubabarira mugabanye kubwira nabi abantu kandi ahubwo mubahe
inama kuko arizo bakeneye ntabwo umuntu aba yanditse hano atababaye.Nshuti
yanjye rero wagishije inama ndagusabye rwose uce bugufi unasengere icyo
kintu wikuremo iyo mico wabonye iwanyu maze ufate umugabo neza
wibagirwe ibibi by’iwanyu maze wiyubakemo umuco mwiza wo kugaragaza
urukundo kuko ubwo urimo kwiremamo umuco mubi wo kwikunda utagaragaza
urukundo rukugize kandi uzi ukuntu iyo wakunze umuntu ukabura uburyo bwo
kubigaragaza biryana bigatesha numutwe.Maze rero natwe mu ngo
twemera kwakira ubuzima uko buri kuko ntakundi byagenda ariko tukarera
abana none wowe uranga kugaragaza urukundo urufite ni akazi kawe
nagucika.Guhisha ibyiyumviro byawe ku muntu ukunda kandi mubana si byiza pe hinduka hakiri kare.Ngaho ugire amahirwe masa kandi urukundo urubibe maze rutahe urugo rwanyu wikuremo imico mibi wasize iwanyu.Urakoze kandi amahirwe masa.
sha kaneza urakoze cyane pe,kuko uvuga ngo night club sha ntazo nigeze njyamo pe habe na rimwe nta nubwo nigeze mba ikirara mu buzima nkubwije ukuri ko uwo tubana ariwe nabonanye nawe bwa mbere,bivuzeko rero kugira ibikomere wakuye aho uvuka atari amakosa yanjye,sha sinigeze uburara pe ni ukuri ntekerezako ari nayo mpamvu Imana ikindinze nkaba ntarasenya kandi nizerako Imana izamfasha bigashira nzagira urugo rwiza kuko ndi mu nzira ibishakisha niyo mpamvu nagishije inama, mu izina rya Yezu bizashoboka jya nizerako niyo yaba yaranshiye inyuma azagaruka tu Imana yange ntijya inkoza isoni,merci.
ibyo uvuga sibyo,uratubeshya niko tutazi umugabo wawe niwe wakabaye atubwira, kujya muri night club se nibyo bivuga gusenya? mujye mugira inama abayibagishije ntimukaze hano kutubeshya nukwivuga ibigwi, gucira abandi urubanza ntabwo ariyo mpanuro utanga nkumuntu mukuru nkuko wabyiyise, urumva inama yagishije haraho ihuriye nibyo wamubwiye?banyarwanda ntitukikunde cyane.merci
Umva nkubwire rero,niba ukunda umugabo wawe nawe agukunda mvumvikana kuburyo wabimubwira ntabigire birebire akabyumva vuba,ntiwirirwe wibaza byinshi uta umutwe, umugabo wawe niwe uzagukemurira. Icyo kibazo wenyine ntugire ahandi ushakira,ndakubwira ibyo nzi neza rwose.
nshuti umva umuti kuko nange umu cheri wange yabiciyemwo we rero ntiyarazi na papa we abona amabi umugabo wa nyina yakoreraga nyina hamwe nawe ariko nge narabibonye ko afite ikibazo ndamuhamagara ndamuganiriza mubaza ubuhamya bwimibereho akambeshya kuko yari afite ningeso yo kubeshya yakuranye yatewe nicyo cyintukubera guhora ashakisha ikintu yabeshya uwo mugabo wamaman wew kugirango atamuhohotera ariko nyuma nkomeje kumuhata ambwiza ukuri imiberehaye yose mfata umwanzuro wo kumutinyura nkamwegera nkamukuyakuya nkamubwira utugambo twiza nkamubwira ko ndi byose abu rero yaratinyuste ahubwo arandusha none rero ganiriza umugabo wawe utamuhishe kandi utinyuke ubimubwire umusabe kugutinyura inyura akubaza nibibazo nge najyaga mubaza utubazo dutoya two kumutinyura urugero (cheri ubona utabarusha umugabo koko ubwo nawe ura byumva ahita asubiza ati rwose nkaba mboneyeho no kumubwira inti sha kucyi utajya ubimbwira koko uzi ukuntu byanshimisha )ubwo agatinyuka akabimbwira rero ganira nawe
Inama ya mbere ni ukuganira na cheri wawe ubwo buzima wakuriyemo kuko ikigaragara uracyafite ibikomere bwaguteye! muganirize umubwire neza ikibazo ufite maze azagufashe gukira!! aguhe affection wavukijwe no kuvuka mu muryango uhoramo umwiryane! bibaho kandi birababaza! utabimubwiye rero ntazigera abimenya kndi byaguteza ibibazo bikomeye nawe ukazabaho utishimye mu rugo rwawe!!!
Umva icyiza nuko uzi impamvu iyo mpamvu rero niyo ugomba gushakira umut, ikindi nuko mukurabagizanya kwanyu niba nta busabane bwnshi mwagiranye nacyo nikibazo kuko niho wakabaye warashiriye ubwoba. None dore inama ya mbere nuko ugomba gutinyuka umugabo wawe, ntumubonemo ishusho ya papa wawe kuko byumvikane ko papa wawe incuro nyinshi wa mubonagaho ibibi gusa none rero umugabo wawe niweugomba gukuraho imicomyiza yose wari warabuze ,ugatinyuka ukamusoma ukamubwira icyo ushaka kumubwira cyose mbese ukamubonamo igisubizo cy’ibibazo byawe. nkwifurije kuzashira ubwo bwoba kandi nibushira ukisanzura kumugabo wawe uzabitumenyeshe dufatanye nawe uwo munezero. ugire ibihe by’umunezero by.
Uretse ko jye nsigaye mfitiye amakenga inkuru ziba zanditswe hano kurubuga niba koko aba arabantu bagisha inama…mbona bisa nkaho ari nkuru mpimbano, cg ari nkuru zogushaka ibitekerezo gusa……kuki ntawe ndabona ugaruka avuga ko inama yahawe yamufashije cg ntacyo byamumariye?cyane nkiyi nkuru ndabona byenda gusa kimwe nuko yaba ariyukuri ariko feedback irakenewe nayo…Kuricyo kibazo rero wamudamu we (niba unabaho)gerageza usenge cyane naho ubundi numwaza ubyaye bizamubaho kuko iyo nikarande..wabivukiyemo nutabisengera bizakururana, ikindi tinyuka ubwire umugabo wawe ikibazo ufite nawe azagufasha niba afite umutima mwiza bitari ibyo ntazajya abona impanvu yokugutinda iruhande daaaa
yego rataaa!!he he.mpise numva ukwiye inama kbs.gerageza rero wikuremo ubwoba,najya ataha ujye ukunda kumwegera nubwo watinda kuvuga ariko mwicaranye umwegereye cyane we azakuvugisha rwose!!!bityo nawe umubaze uko yiriwe,ubundi umubwire ko aje warumukumbuye bizatuma aguhata amagambo hanyuma ibiganiro bihere aho!!!ntacyiza nko kuganira numukunzi wawe mwana wa Mama; Imana nayo igukuremo ubwo bwoba kugira ngo ubone uko wiyubakira urugo.
mwiriwe umva icyo nigikomere gikomeye watewe na babyeyi bawe ariko uzengere uwo mwashakanye maze umubwire icyibazo ufite nawe aza kumva maze atangire agutinyure wenda ibyo washakanga kumukorera nko kumusoma kumusetsa we azabyishakaho maze nawe ugende ubohoka kandi uzajye usenga imana azagushoboza
Bwiza umutware wawe ukuri kuko birumvikana ko wahungabanye, kandi ubwo bwoba buterwa no kutigirira ikizere nabyo bituruka ku ndwara yagahinda gakabije (Depression), nawe nkumugabo azashaka uburyo bwose yagufasha wigarurire icyizere watakaje kandi biroroshye jye ubwanjye ndabizi nta mpamvu yo kumva ko bigoye. Naho ubundi byagusenyera noneho ugahita usara kuko urumva ko umukunda imbere ariko inyuma akabona utamwitayeho.
uzajye kuri chatt ujye ubimwandikira,cg se umwandikire muri email,cg se ufate urupapuro umwandikire nyuma urusige mu cyumba aho arubona,gusa mbona chatt ifasha abantu bari timides.
Yooooooooooo. muntu Wimana rwose imana igufashe kandi ikubakire gusa icyo navuga ni uko iyo umuntu afite ubwo bwoba akenshi ubwoba bwinshi bwo kutereka umugabo wawe urukundo ngo arubone ni ndwara ya badayimoni. Inama na kugira ni ukubisengera ukanahamagara abakozi b, imana bakaza murugo iwanyu ukabiganiriza umugabo wawe ndetse nabakozi b, imana hanyuma mwembi bakabasengera . hanyuma ikibazocya zashira ugasegera na family yawe. Yesu akwiteho kandi akubakire. Niba harikindi nagufasha muburyo bwo gusenga email yajye niyi. [email protected] ndi umubyeyi wa bana 3.Kandi yesu yatugiriye neza nubwo byari bikomeye.
Umva nshuti ikibazo niwowe ukitera kuko amateka yiwanyu arakuganza aho kuganzwa nurukundo wifitemo intambara ninkindi biriya bikuzitira igihe ugiye gukora ibikurimo bitokeshe mwizina rya Yesu hanyuma usatire uwo wakunze kandi ujyugerageza kumuganiriza kumateka mabi wahuye nayo umusabe nokugufasha kuyavamo mukinjirana mumateka mashya y”umuryago mushya wawewe nawe bitabaye ibyo abazabakomokaho bazasigarana ayomateka mabi wahuye nayo, Imana ibahumugisha kandi ibarinde amateka mabi mwabonye kubabyeyi gito.
Comments are closed.