APR na Rayon zikomeje gusiganirwa igikombe

CHIEF EDITOR
03/15/2014

15 Werurwe – Ku munsi wa 20 wa shampiyona y’icyiciro cya mbere mu mupira w’amaguru mu Rwanda , rurageretse hagati ya APR FC iyoboye urutonde rwa shampiyona by’agateganyo na Rayon Sports iri ku mwanya wa kabiri. Zombi zatsinze uyu munsi, nta yemerewe gukora ikosa mu mikino isigaye itandatu isigaye.

Mu mvura nyinshi, Rayon Sports yavanye amanota atatu i Muhanga iyamanukana i Nyanza

Kuri uyu wa gatandatu, hakinwe imwe mu mikino y’umunsi wa 20 wa shampiyona ,ikipe ya APR FC iyoboye shampiyona yarikiriye Etincelles FC kuri sitade ya Kigali i Nyamirambo umukino waranzwe n’ishyaka ku makipe yombi.

Mu gice cya kabiri ikipe ya APR FC yaje kotsa igitutu ba myugariro b’ikipe ya Etencelle biza kuvamo igitego cyinjijwe na Mugiraneza Jean Baptiste.

APR FC ariko yaje kuvunikisha bikomeye myugariro wayo Emery Bayisenge wagaragaje ishyaka rikomeye mu bwugarizi yagonganye n’umukinnyi wa Etincelles we arababara cyane, Emery yasimbuwe na Hervé Rugwiro warangije umukino neza nta gitego batsinzwe.

Rayon sports, mukeba wa APR, yo yari yasuye ikipe ya Mukura VS ku kibugacy’i Muhanga umukino Rayon Sport nayo yabonyemo amanota atatu nyuma gutsinda Mukura ibitego 3-1 byatsinzwe na Kagere Meddy,Hamiss Cedrick na Uwambajimana Leon bakunze kwita Kawunga,mu gihe kimwe cya Mukura cyatsinzwe na Mike Segawa.

Undi mukino wabaye w’umunsi wa 20 wa shampiyona ,wabereye i Gicumbi aho byari ishiraniro hagati ya Gicumbi FC na Musanze FC, umukino uhuza aya makipe uba urimo ishyaka ryinshi ahanini rishingiye ku kuba yose abarizwa mu Ntara y’amajyaruguru.

Gicumbi FC yabashije gutahana amanota atatu y’uyu munsi nk’uko yabigenje mu mukino ubanza (phase aller), uyu munsi nabwo yatsinze Musanze FC ibitego 2-1 imbere y’abafana bayo I Gicumbi bari bamaze iminsi badaheruka akanyamuneza.

Ku cyumweru tariki ya 16.03.2014 hazakomeza mikino y’umunsi wa 20 wa shampiyona izahuza:

Kiyovu Sports 0 – 0 Esperance FC [Mumena]

Marines FC 2 – 1 Amagaju FC [Umuganda]

AS Kigali 1 – 1 Police FC [Regional]

Espoir FC 0-1 AS Muhanga [Rusizi]

Igitego cya Mugiraneza JB bita Migi cyahaye amanota atatu APR ubu irusha mukeba — Mugiraneza JB bita Migi niwe wahaye amanota atatu APR ubu irusha mukeba

Bamwe mu bafana ba APR FC i Nyamirambo kuri uyu wa gatandatu

Emery yavunitse bikomeye ku mukino wa none

Mu gutaha umunyezamu Ndoli niwe wamujyanye ku mugongo kugera ku modoka

Mu mvura nyinshi, Rayon yavanye i Muhanga amanota atatu

Hagati mu kibuga, Papy wa Mukura ahanganye na Ndatimana wa Rayon Sports

Kagere Meddy wagoye cyane ba myugariro ba Mukura VS

Abafana ba Rayon muri stade ya Muhanga mu byinshi by'igitego cya mbere — Abafana ba Rayon muri stade ya Muhanga mu byinshi by’igitego cya mbere

Urutonde rw’agateganyo nyuma y’iminsi 20 ya shampionat

NO	TEAM	PG	W	D	L	GF	GA	GD	PTS
1	APR	20	15	4	1	34	10	24	49
2	RAYON S.	20	15	1	4	42	18	24	46
3	AS KIGALI	19	11	5	3	23	11	12	38
4	POLICE	20	10	5	5	35	19	16	35
5	ESPOIR	20	9	8	3	19	11	8	35
6	KIYOVU S.	20	9	7	4	28	14	14	34
7	MUSANZE	20	9	6	5	24	20	4	33
8	ETINCELLES	20	4	9	7	14	22	-8	21
9	MUKURA	20	5	4	11	17	22	-5	19
10	MARINES	20	4	5	11	13	27	-14	17
11	MUHANGA	20	4	5	11	16	37	-21	17
12	GICUMBI	19	4	4	11	13	24	-11	16
13	ESPERANCE	20	3	3	14	13	31	-18	12
14	AMAGAJU	20	2	4	14	8	29	-21	10

Photos/Paul Nkurunziza & Plaisir Muzogeye

Paul Nkurunziza
ububiko.umusekehost.com

Share this:

0 Comment