Amaze imyaka 34 abana n’ingona mu nzu. Ngo ayoza amenyo buri munsi

CHIEF EDITOR
11/04/2016

Murayabashi ateruye ingona ye babana, ipima 46Kg

*Iyi ngona ngo ayoza amenyo buri munsi

Abenshi borora imbwa n’injangwe n’utundi tunyamaswa tubana n’abantu, abadasanzwe borora inzoka, ingwe, intare n’ibindi, umugabo Nobumitsu Murabayashi wo mu Buyapani we ntasanzwe na busa kuko yoroye ingona (caiman). Iyi ayikubitaho ikiziriko akayitemberana mu mujyiwa wa Hiroshima aho atuye abaho bagatangara.

Murayabashi ateruye ingona ye babana, ipima 46Kg

Iyi ngona Murabayashi abana nayo mu rugo rwe n’umugore we. Uyu mugabo yayiguze ikiri nto cyane mu myaka 24 ishize, ahabwa n’uruhushya na Leta rwo korora iyi nyamaswa idasanzwe mu rugo.

Murayabashi w’imyaka 65 ati “Sinari nzi ko izaba nini gutya. Ngerageza kumvikana nayo mu marenga ndetse nkayoza amenyo.”

Murayabashi avuga ko umugore we atayikunda cyane. Ati “Buri munsi umugore aba yandambiwe bityo rero nkisangira Caiman wanjye tukaba kumwe.”

Ni inshuti nayo kugeza aho atemberana nayo, ibi byatumye amenyekana cyane kubera ibinyamakuru bimwegera ngo ababwira uko abana n’ingona.

Mu rugo yayigeneye icyumba cyayo ndetse ayubakira ikidendezi cy’amazi nacyo ijyamo ikaba nk’izindi ngona ziba mu mazi.

Murayabashi avuga ko bitoroshye kuyimenyera ifunguro ariko atajya ayiburira.

Abahanga bavuga ko ingona zo mu bwoko bwa Caiman zibaho imyaka hagati ya 50 na 70. Murayabashi we avuga ko yizeye ko agifite indi myaka nibura 30 yibanira n’iyi nyamaswa, ubundi tumenyereye mu z’inkazi bikomeye.

Atemberana nayo mu mujyi akanajyana nayo guhaha

Ingona ye ngo nta mahane igira nta n'ibibazo ikunda kugirana n'abantu — Ingona ye ngo nta mahane igira nta n’ibibazo ikunda kugirana n’abantu

Mu rugo ifite icyumba cyayo ikagira n'ikidendezi cy'amazi cyayo — Mu rugo ifite icyumba cyayo ikagira n’ikidendezi cy’amazi cyayo. Mu cyumba ho baranayorosa

Murayabashi n'inshuti ye bamaranye imyaka 34 — Murayabashi n’inshuti ye bamaranye imyaka 34

UM– USEKE.RW

8 Comments

Akumiro says:
11/04/2016 at 14:20

No mu ngo zisanzwe, hari benshi ubona bameze nk’abashakanye n’ingona.
- Nounou says:
  11/05/2016 at 11:13
  
  ???????? urikibwa to. ???????????? Umbaye kure kabisa uvuzukuri

kay says:
11/04/2016 at 15:51

buriya iramwibikiye tu hari igihe izmwereka ko ari inyamaswa
nka wa mugore wo mu budage wari ufite uruziramire abaganga bakamubwirako ruzamusamura ati reka bukeye rwanga kurya hashize icyumweru ruramusamura nguko ngayo
- amin says:
  11/04/2016 at 22:52
  
  ibyo uvuze nukuri amaherezo izamutantamura