Amashuri Kagame Cup: Amashuri y’imyuga yitwaye neza

10 Gicurasi 2014 – Amarushanwa yiswe ‘’Amashuri Kagame cup’’ ahuza ibigo bitandukanye byo mu karere ka Muhanga ishuri ry’imyuga rya Unique Technical School abakobwa batsinze bagenzi babo biga muri TTC Muhanga ibitego 2 kuri 1 ku mukino wa nyuma. Aha ni ku rwego rw’Akarere.

Aya marushanwa y’umupira w’amaguru yabereye kuri sitade ya Muhanga kuri uyu wa gatandatu  ibigo by’amashuri y’imyuga bine.

Umuyobozi w’ishurirya Unique technical school ari naryo ryegukanye igikombe Umutesi Espérance yatangaje ko kuba bahawe ikigikombe bibahaye imbaraga zo kongera guhatana kugirango bazatware n’icyo ku rwego rw’igihugu kizatangwa n’umukuru w’igihugu Kagame Paul.

Umutesi yavuze ko ikipe bagiye bamaze guhura zose bazitsinze kandi ko ashimira abanyeshuri b’abakobwa bahiga kubera ubwitange mugufatanya amarushanwa n’amasomo kandi byose bakabyitwaramo neza.

Ndaruhutse Charles Lwanga uri muri komite y’ishyirahamwe ry’imikino mu mashuri yo mu karereka Muhanga, yavuze ko kuva Akarere kabamenyesha gahunda y’aya marushanwa amashuri Kagame cup ibigo hafi ya byose byashyizemo imbaraga zidasanzwe kuko buri kigo cyifuza kuzabona kiriya gikombe Perezida wa Repubulika azatanga.

Dépité Mukanyabyenda Emmanuelie wari waje kwifatanya n’ababanyeshuri muri iyi mikino, yavuze ko Leta y’u Rwanda yashyize imbere uburezi kuri bose ndetse itibagiwe n’imikino  mu rubyiruko ku buryo buri munyarwanda wese agomba kujya yibona muri gahunda z’igihugu zitandukanye harimo n’iyimikino.

Usibye umukino wahuje abakobwa bo mu ishuri rya Unique Technical School na TTC Muhanga, habaye n’umukino wahuje abahungu ba Muhanga Technical School  yatsinze ETEKA ibitego 3-1  ayamakipe yombi yatsinze akazahagararira Akarere ka Muhanga muri aya marushanwa.

MuhiziElisée
ububiko.umusekehost.com/Muhanga