AMAFOTO: Mu rugendo nk’urw’abishwe i Nyanza ya Kicukiro

CHIEF EDITOR
04/12/2017

Ku mugoroba wo kwibuka jenocide yakorewe abatutsi i Nyanza ya Kicukiro ahaguye Abatutsi basaga ibihumbi 11 Perezidante w’Inteko Ishinga Amategeko Hon Donatille Mukabalisa yabwiye abari bitabiriye uwo mugoroba ko ko buri munyarwanda wese aho ari hose afite inshingano zo kuzirikana aya mateka yaranze u Rwanda kandi akayaheraho yubaka ameza.

Ubwo bari bagiye gutangira urugendo mu ishuri ryahoze ryitwa ETO Kicukuri, aho abishwe baturutse bamaze gutererwanwa n'ingabo za ONU — Ubwo bari bagiye gutangira urugendo mu ishuri ryahoze ryitwa ETO Kicukuri, aho abishwe baturutse bamaze gutererwanwa n’ingabo za ONU

Urugendo rwo kwibuka rwahereye aho abishwe bari bamaze gutereranwa n’ingabo za ONU muri ETO Kicukiro (ubu ni IPRC-Kigali) bajyanywe i Nyanza ya Kicukiro (ahari ikusanyirizo ry’imyanda ya Kigali) ngo bicirweyo babeshywa ko bagiye kurindirwayo.

Abatutsi bari bahungiye muri ETO Kicukiro bagabweho igitero n’Interahambwe zirabazamura zibakusanyiriza i Nyanza ya Kicukiro, baraharasirwa, abadapfuye bakicishwa amahiri n’imihoro.

Rwizihirangabo Irene watanze ubuhamya nk’waharokokeye yavuze ko umunsi ingabo za MINUAR zagendeyeho ari nawo Interahamwe zahise zica abari bahahungiye ku buryo ugutererana abicwaga kwabo byigaragaza. Irene, yahaburiye ababyeyi bombi n’abavandimwe batatu.

Mu rugendo nk’urwabo, urubyiruko, abakuru n’abantu mu nzego zinyuranye barimo na Minisitiri w’Umuco na Siporo bitabiriye uru rugendorugera kuri 3Km rwo kubibuka.

Mu ijambo rye ku rwibutso rwa Nyanza, Hon Mukabalisa yavuze ko nubwo hari intambwe imaze guterwa mu kurwanya Ingengabitekerezo ya Jenoside no kubaka ubumwe, hari abakiyifitemo, bamwe bayigaragaza mu magambo abandi mu bikorwa by’ubunyamaswa.

Ati “umuntu utema inka y’umuturanyi we aba agaragaje ko yabuze nyirayo. Ariko abakorewe ibyo byose nibahumure uwabagabiye ntaho yagiye azongera abashumbushe, ikindi kandi abangiza imitungo y’abarokotse jenocide barakora ubusa kuko turacyafite ingufu amaboko yacu azabafasha kongera kwiyubaka”

Yasabye urubyiruko guhaguruka bakarwanya abafite ingengabitekerezo ya Jenocide kuko bake bakiyifite bashobora kongera bakabaroga, kandi abakuru nabo bafite inshingazo zo kubiba imbuto nziza zo gukunda igihugu.

Urwibutso rwa Nyanza ya Kicukiro rushyinguyemo imibiri isaga ibihumbi 11 y’abiciwe aha i Nyanza biganjemo abavanywe muri ETO Kicukiro, abaturutse Gahanga, Gatenga, Kagarama, Niboye n’ahandi hafi aha.

Kicukiro-Centre, aha abavuye muri ETO mu 1994 bahacaga bagirirwa nabi bagenda bicwa umugenda

Bazamuka umusozi barekeza i Nyanza, inzira yaciwemo n'abishwe hakarokoka bacye — Bazamuka umusozi barekeza i Nyanza, inzira yaciwemo n’abishwe hakarokoka bacye

Buri wese mu ntege ze yifatanyije n'abandi muri uru rugendo — Buri wese mu ntege ze yifatanyije n’abandi muri uru rugendo

Baribuka ababo babaha icyubahiro gishoboka

Uko urugendo rwasatiraga i Nyanza niko abantu bagendaga biyongera

Abato nabo bari barimo, bakeneye kumenya aya mateka mabi yaranze u Rwanda kugira ngo babone aho bahera bubaka ikiza

Muri uru rugendo bageze hafi ya Nyanza barahagarara bafata umwanya wo kuzirikana abari barurimo mu 1994 bagiye kwicwa

Ni urugendo rwa 3Km rugana ku rupfu rw'agashinyaguro ku barukoze mu 1994 — Ni urugendo rwa 3Km rugana ku rupfu rw’agashinyaguro ku barukoze mu 1994

Binjira i Nyanza ya Kicukiro aho abishwe biciwe nyirizina ubu hari urwibutso

Bageze ahateguwe kubera imihango y'uyu mugoroba — Bageze ahateguwe kubera imihango y’uyu mugoroba

Abahanzi Mariya Yohana (hagati) na Suzanne Nyiranyamibwa bitabiriye uyu mugoroba

Dr Jean Pierre Dusingizemungu umuyobozi wa IBUKA ubu yo inakorera kuri uru rwibutso

Umushyitsi mukuru Donatille Mukabalisa ageze aha yahawe ikaze n'abandi bayobozi — Umushyitsi mukuru Donatille Mukabalisa ageze aha yahawe ikaze n’abandi bayobozi

Prof Shyaka Anastase umuyobozi w'urwego rw'igihugu rw'imiyoborere ashyira indabo ku mva z'abashyinguye hano — Prof Shyaka Anastase umuyobozi w’urwego rw’igihugu rw’imiyoborere ashyira indabo ku mva z’abashyinguye hano

Umushyitsi mukuru acana urumuri rwo kwibuka no kuzirikana abiciwe hano

Igishyito nk'iki kiba mu muco nyarwanda mu kwibuka, kubaha no kuzirikana abapfuye — Igishyito nk’iki kiba mu muco nyarwanda mu kwibuka, kubaha no kuzirikana abapfuye

Yacaniye kandi urubyiruko urumuri rw'ikizere — Yacaniye kandi urubyiruko urumuri rw’ikizere

Umuyobozi wa GAERG Past Camarade wasenze atangiza uyu muhango

Amanywa aha ijoro umwanya, ubwicanyi ku bahungiye aha bwari burimbanyije

Uyu wari ufite imyaka 17, agahungira aha we n'ababyeyi be n'abavandimwe bane, yatanze ubuhamya bw'ibyababayeho agasigarana na murumuna we bonyine — Uyu wari ufite imyaka 17, agahungira aha we n’ababyeyi be n’abavandimwe bane, yatanze ubuhamya bw’ibyababayeho agasigarana na murumuna we bonyine

Urubyiruko ruratega amatwi aya mateka mabi yaranze u Rwanda

Ben Kayiranga, Andy Bumuntu na Yvan Buravan batanze ubutumwa mu ndirimbo

Umuyobozi wa IBUKA atanga ubutumwa bwe bwa none

Suzanne Nyiranyamibwa aririmba indirimbo ze zo kwibuka

Hon Mukabalisa ageza ijambo rye ku bari hano

Uyu muhango urangiye abawujemo bamanutse inzira bajemo barataha bajya kuruhuka

Josiane UWANYIRIGIRA
UM– USEKE.RW

Share this: