Ati: Niteguye gusimbura Osama
Nkuko byatangajwe na Chaine ya television y’abarabu, Aljazeera, Ayman al-Zawahiri yatangaje ko ubu agiye gukomereza aho uyu nyakwigendera Osama yari agejeje.
Osama (iburyo) na Al Zawahiri nibo mutwe wa Al Qaeda. Bamenyanye Dr Zawahiri amuvura iryinyo
Dr Zawahiri ni umwe mu bambari bakomeye ndetse akaba n’umuyobozi wa kabiri wa al-Qaeda nyuma ya Osama bin Laden uherutse kwivuganwa n’ibitero by’ingabo za Leta zunze ubumwe z’Amerika tariki ya 02 Gicurasi 2011, mu gihugu cya Pakistan.
Uyu Zawahiri, akaba yatangaje ko yishimiye ibikorwa bya Ossama Bin Laden cyane uburyo yateye ubwoba Leta Zunze ubumwe z’Amerika mu gihe yari agihumeka umwuka w’abazima.
Ayman al-Zawahiri, ukomoka mu gihugu cya Misiri, mu ikanzu yera, afite igitambaro cy’umweru mu mutwe n’imbunda ku ruhande, muri video yamaze iminota igera kuri 28, yatangaje ko yiyemeje gusimbura Ossama Bin Laden ndetse akazanakomeza iterabwoba yari yaratangiye.
Zawahiri yagize ati: ‘Tuzakomeza intambara ntagatifu (Jihad) kugeza ubwo nta bantu bazongera kuvogera uko bashatse ubutaka bw’abayisilamu.’
Aya magambo, Zawahiri yayatangarije muri video ye yise, ‘The Noble Knight Dismounted’, ugenekereje mu Kinyarwanda bishatse kuvuga ‘Urwanyi w’icyubahiro wakuwe mu bandi.’
Osama na Zawahiri ni abasangirangendo bigihe kinini
Uyu munyamisiri ucyekwaho kuba yihishe mu misozi, hafi y’umupaka wa Pakistan na Afganistan, akaba yanenze bikomeye uburyo Leta zunze ubumwe z’Amerika zitigeze zishyingura Osama bin Laden mu cyubahiro cy’idini ya Islam.
Marwan Bishara, impuguke yo hejuru mu bya politiki kuri chaine ya television y’abarabu, Aljazeera, we avuga ko Ayman al-Zawahiri, kuri ubu ari umuntu udakunzwe byimazeyo mu bice by’abarabu.
Ferdinand Uwimana
Umuseke.com
English
10 Comments
Komeza ukinishe Obama sha! azakumena icwanga!!
N’umuswa wigeze ibuye kandi ibuye rimeneka urwondo…..
mureke abuze ibyo akina nabyo,buriya aziko ossama bamuhaye amafiriti ngirango,ubanza nawe ariyo ashaka,obama azakwereka mwana,wewe songa songa songa,songa mbere tu!
ubwo azi ngo Obama ni bushe we ntakina biriya byanwa azabipfura
akeka ko Obama yaje USA kubara amazu?niyitonde ubu arimo aramupangira,ntagire ngo Bush sha,mwese azabamara tu
Bose ni abanyafurika mubareke bahiganire mubihugu byabandi nkuko injangwe n’ imbeba bihiganira munzu bitarayiguze cg ngo bibe biyikodesha koko nkaba bari mubiki koko??
mumureke ntabwo aziko obama ari umwirabura!azamwereka.
Intambara yo kwibohoza izakomezwa nuwo ari we wese .urupfu rwa Ossama ntiruzabuza urugamba america yashoje.ruzarangira aruko usa ivuye mubihugu by’abasilamu ikareka kudutobera.
Utaranigwa agaramye agirango ijuru riri hafi,niba amaze kuzuza isorori nahagarare kumusozi arangurure
arabeshya ntacyo yakora.
Comments are closed.