Airtel Rising Stars: Inyange Academy yegukanye igikombe muri Region III

CHIEF EDITOR
07/06/2015

Ikigo gitorezwamo abana (centre de formation Inyange) cy’i Musanze ni cyo cyegukanye igikombe cya Airtel Rising Stars muri Region III, igice kigizwe n’Intara y’Amajyaruguru n’Uburengerazuba.

Ikipe y'abakobwa yishimira igikombe yatwaye — Ikipe y’abakobwa yishimira igikombe yatwaye

Mu bahungu, Inyange Academy yegukanye iki gikombe itsinze igitego 1 ku busa bwa Juatoto y’i Rubavu mu mukino wa nyuma, mu gihe mu bakobwa ho White Stars ihagarariye Akarere ka Nyabihu ni yo yegukanye igikombe itsinze kuri penaliti 3 kuri 2 za Nyakiriba.

Amakipe yabaye aya kabiri yahawe ibikombe bya bya feza ndetse n’amafara y’u Rwanda 80,000 ku bahungu na 70,000 ku bakobwa, n’aho aya mbere ahembwa ibikombe bya zahabu biherekejwe n’amafaranga 100,000, ahita anabona itike yo kujya mu mikino ya nyuma y’iri rushanwa ku rwego rw’igihugu.

Biteganyijwe ko mu mpera z’iki cyumweru irushanwa rizaba rikomereza muri Region IV, ahazahurira amakipe atandukanye yo mu Mujyi wa Kigali no mu nkengero zaho, bahatanira igikombe n’itike yo guhagararira iki gice mu mikino ya nyuma izabera i Musanze muri uku kwezi.

Abana b'abakobwa bagaragaje ubuhanga mu guconga ruhago — Abana b’abakobwa bagaragaje ubuhanga mu guconga ruhago

hari amakipe atandukanye y'abakobwa bakiri bato n'abahungu — hari amakipe atandukanye y’abakobwa bakiri bato n’abahungu

Jimmy Mulisa wahoze akinira Amavubi na APR FC niwe Ambassador w'iri rushanwa — Jimmy Mulisa wahoze akinira Amavubi na APR FC niwe Ambassador w’iri rushanwa

Ikipe y'abakobwa yahawe igihembo cyo kwitwara neza — Ikipe y’abakobwa yahawe igihembo cyo kwitwara neza

Ikipe y'Inyange mu basore niyo yitwaye neza — Ikipe y’Inyange mu basore niyo yitwaye neza

UM– USEKE.RW

Share this: