Abivanye muri Salax Awards basimbujwe

Nkuko bimaze gutangwa na Ikirezi Group Ltd itegura Salax Awards abahanzi bivanye muri iri rushanwa bari batowe kwitabira, basimbujwe abandi bari inyuma yabo muri nominations.

Ikirezi Group Ltd kandi cyahise gitangaza ko amatora yo guha amahirwe umuhanzi wabonye yaritwaye neza mu byiciro bitandukanye mu 2012 aza gutangira saa sita z’amanywa kuri uyu wa 24 Mutarama 2012.

Ayo matora akaba akorwa wohereje ubutumwa bugufi (SMS) wandika ijambo:Salax_Icyiciro_Izina ry’umuhanzi_Ukohereza kuri 7333.

Ushobora kandi gutora kuri internet kuri www.umuseke.com ndetse no kuri www.ikirezi.rw .

Ababasimbuye ni ababakurikiye ku rutonde nkuko batowe n’abanyamakuru 57 bari bitabiriye “nomination”.

· Icyiciro cya Best RNB, Tom Close yasimbujwe G-Bruce

· Icyiciro cya Best Video, Komeza utsinde ya Tom Close yasimbujwe Nzaba mpari ya Knowles

· Icyiciro cya Best Group, Dream Boys yasimbujwe B-Gun

· Icyiciro cya Best Album, Uzambarize Mama ya Dream Boys yasimbujwe Intero y’amahoro ya Mani-Martin

· Icyiciro cya Best Diaspora, Alpha Rwirangira yasimbujwe OGI The General utuye muri Belgique

· Icyiciro cya Best Hip Hop Artist, Jay Polly yasimbujwe Paccy

· Icyciro cya Best Afro Beat Artist, Uncle Austin yasimbujwe Elion Victory

UM– USEKE.COM