Abanyamakuru b’imikino kuri Radio batsinze abandika 4 – 1

CHIEF EDITOR
07/02/2013

Remera – Mu mukino wari ugamije kwibuka bagenzi babo bazize Jenoside yakorewe Abatutsi mu 1994, abanyamakuru b’imikino bakora kuri za Radio bapfunyikiye ibitego bine (4) kuri kimwe (1) cy’abanyamakuru bandika mu bitangazamakuru n’imbuga za Internet mu Rwanda.

ibumoso ni Claude Hitimana (Isango Star) na Imfurayacu Jean Luc (Inyarwanda)

Mu mukino wa gicuti cyane uryoheye abafana bashaka kwiruhukira bagaseka, waranzwe no kwitwara neza kw’abanyamakuru bakora kuri Radio batsinze ibitego byabo hakiri kare.

Abasore nka Romario Abdul Jabar ukora kuri VOAfrica na Samuel Imanishimwe wahoze akora kuri Radio Salus, watsinze bibiri, ni abatsinze ibitego ku ruahande rw’abanyamakuru bakora kuri Radio.

Naho igitego rukumbi cy’abanyamakuru b’imikino bandika cyatsinzwe na Imfurayacu Jean Luc wandika amakuru y’imikino ku Inyarwanda.

Mu gice cya kabiri abanyamakuru bandika mu bitangazamakuru bagerageje noneho kwihagararaho ntibatsindwa byinshi kuko nyuma yo gutsindwa bitatu ku busa mu gice cya mbere bamwe bari batangiye kwibaza ko baza kuba ba nyaminani cyangwa macumi nyuma y’umukino.

Aimable Mbarushimana Cissé (Radio Flash), Deny (Isango Star) na Isiaka Mulemba (VOAfrica) inyuma yabo. Aha ni mbere y’umukino mu kwishyushya

Iyi ni ikipe y’abanyamakuru ba Radio, harimo umwe wari waje kwifotoza gusa kuko ni 12 kandi iyi foto ijyaho 11. Mu bahagaze harimo nka Issiaka Mulemba ubanza ibumoso, Claude Hitimana numero 4 (COntact FM), Dodos numero 8 (Radio 1) Romalio Abdul Jabar numero (VOAfrica), numero 12 Parfait Igenerugabe (KFM), umunyezamu Froduard Bacaro (Radio Huguka), Deny numero 13 (Isango Star), numero 17 Aimbale Mbarushimana (Flash FM)

Ikipe y’abanyamakuru bandika, bo kuri iyi foto n’abasimbura n’abatoza bose bamanutse

Mbere y’umukino bafashe umunota wo kwibuka abanyamakuru b’imikino bagenzi babo bazize Jenoside

Umukino watangiye, umusifuzi wo hagati yambaye ishati n’ikoboyi bye

Jado Castar yasaga n’uwiteguye ariko ntibyashobotse ko ajyamo yirambika hafi aho

Jean Luc Imfurayacu amaze kubona igitego cy’impozamarira ku banyamakuru b’imikino bandika

Photos/JD Nsengiyumva Inzaghi

JD NSENGIYUMVA Inzaghi
UM– USEKE.RW

0 Comment

Tuyambaze J says:
07/03/2013 at 00:30

Hahahah abanyamakuru baranyica cyane! ibyo bavuga ntaho biba bihuriye nibyo bakina. bavuga umupira bagakina comedy mu kibuga hehehehhe

Dieudonne says:
07/03/2013 at 00:35

Yooooooooooo CASTAR disi! umukinnyi ushaje arinda imyenda kweli! iyi match umenya yari isekeje

jeanclaude says:
07/03/2013 at 00:36

hehehehhe uyu wo hepfo w’ibisogisi birebire arakata nk’ikamyo neza neza

Manyusi says:
07/03/2013 at 07:02

Ahubwo bagabanye inzoga kdi bakore imyitozo myinshi kuko bazakuramo uburwayi niba badakoze sport,ubundi ururimi n’ibikorwa bigomba gutandukana naho mwenedata we niyirindire imyenda none se ko atagishoboye no kuri Radiyo biranga biranga rwose. aliko ntacyo nibura baduhaye comedy

Meek says:
07/03/2013 at 14:45

Hhahahahahha! Mbega match yari itangaje gusa nta gaciro bayihaye. ni Gute umusifuzi asifura umukino yambaye Ikoboyi n’ishati? Nyamara ari akandi kantu kabaye mu kibuga atari abanyamakuru byatanga Suje y’umunsi.

Ikindi Hitimana ntago ari ku Isango ahubwo ni Contact FM

oscar says:
07/03/2013 at 19:31

Yooooooohhh sinarinziko ivogonyo rya Castar ryarangirira kugatebe 90 igashira!!!

oscar says:
07/03/2013 at 19:34

koko castar abure mu kibuga na David abure!!!Wapi kabisa Coach yabarenganyije,habayemo kubera ntibakagombye kubura bombi kuko uko bawukina kuri Radio mukibuga bari kurusha Messi ufite ballon d’or enye.hahahahahahaha

serebateri says:
07/05/2013 at 16:04

EREGA BURYA ABANTU BAGIRA AMAGAMBO MENSHI,UBABWIYE GUKORA IBYO BAVUGA WASANGA IBYO BASHOBOYE ARI BIKE CYANE, cg se NTA NA BICYE!

Comments are closed.

Share this:

0 Comment