Abakinnyi babiri bongewe mu Amavubi U20 yitegura Uganda

CHIEF EDITOR
04/18/2016

Ikipe y’igihugu Amavubi y’abatarengeje imyaka 20 iritegura umukino wo kwishyura uzayihuza na Uganda U20, mu gushaka itike y’igikombe cya Afurika cy’abato kizaba 2017. Ubu yongeyemo abakinnyi babiri umwe wa Sunrise FC y’i Rwamagana n’undi ukinira Vipers yo muri Uganda.

Abasore batangiye umweiherero kuri iki cyumweru, aha bari kumwe na Vicent Mashami umutoza wungirije Baptiste Kayiranga

Aba bakinnyi bombi ni ba rutahizamu babiri, ni; Vedaste Niyibizi wa Sunrise FC na Iradukunda Laurent ukinira Vipers yo muri Uganda.

Abasore bahamagawe batangiye umwiherero kuri iki cyumweru, bazahura na Uganda nayo yaongeyemo abakinnyi barindwi (7) batakinnye umukino ubanza abo ni; Nicholas Kagaba, Martin Kizza, Frank ‘Zagga’ Tumwesigye (Wari kapiteni wa Uganda U17 yakuyemo u Rwanda muri 2014) Julius Poloto, Yasin Mugume, Emmanuel Olinga na Ali Lugolobi Dogoto usanzwe ukina muri Ajax Cape Town yo muri Afurika y’epfo.

Ikipe izatsinda hagati y’u Rwanda na Uganda izahura na Misiri hagati ya tariki 20-22 Gicurasi uyu mwaka. Mu gihe igikombe cya Afurika cyo kizaba 2017 muri Zambia.

Abakinnyi batangiye umwiherero ni:

Abanyezamu: Nzeyurwanda Jimmy Djihad (Isonga), Hategekimana Bonheur (SC Kiyovu) na Ahishakiye Heritier (Bugesera Fc)

Ba myugariro: Ndikumana Patrick (Rwamagana City Fc), Niyonkuru Aman (Bugesera Fc), Mutsinzi Ange (AS Muhanga), Sibomana Arafati (Amagaju Fc), Mitima Isaac (Etoile de l’est), Mutangana Derrick (Rwamagana City Fc), Niyigena Abdoukarim (Kirehe Fc), Ntakirutimana Jean de Dieu (Pepiniere), Ahoyikuye Jean Paul (Nyagatare Fc), Ruboneka Jean Bosco (Etoile de l’est), Ngabo Mucyo Fredy (AS Muhanga) na Nsabimana Aimable(Marines)

Abo hagati Itangishaka Blaise (Marines), Bonane Janvier (Isonga Fc), Muhire Kevin (Rayon Sports), Yamini Salum (SC Kiyovu ), Ntirushwa Aime (Interforce), Nshuti Savio Dominique (Rayon Sports) na Manishimwe Jabel (Rayon Sports)

BA rutahizamu: Nshuti Innocent (APR Academy), Niyongira Danny (Interforce Fc), Biramahire Abeddy (Bugesera Fc), Longalonga Prince (Pepiniere Fc), Niyibizi Vedaste (Sunrise Fc) naIradukunda Laurent (Vipers Junior, Uganda).

Roben NGABO
UM– USEKE.RW

Share this: