Abahatanaga muri MissRwanda2017 basuye abagore mu bitaro bya Muhima

CHIEF EDITOR
03/08/2017

Aba bakobwa basuye umubyeyi wabyaye abana batatu icya rimwe baramushima banishimira abana

Ni igikorwa cyashimwe cyane n’abo basuye barwariye mu bitaro by’abagore byo ku Muhima mu mujyi wa Kigali. Abakobwa 14 (uvanyemo umwe ubu urwaye) bahataniraga kuba Miss Rwanda 2017 bazaniye ubufasha bunyuranye abarwariye hano, ngo banifatanye kwizihiza umunsi w’abagore.

Aba bakobwa ubwo bari bageze ku bitaro bya Muhima bateruye bimwe mu byo bazaniye abarwayi baje gusura

Aba bakobwa bazanye ibikoresho binyuranye birimo imyambaro, ibikoresho by’isuku, ibiribwa, ibinyobwa n’ibindi.

Bagendaga basura abari mu byumba binyuranye bigize ibi bitaro.

Basuye umubyeyi wabyaye impanga ebyiri ariko utishoboye bamugenera ubufasha, basura kandi umubyeyi uherutse kubyara abana batatu icya rimwe nawe bamuha ubufasha n’abandi barwariye aha banyuranye.

Nyuma bakiriwe mu cyumba mberabyombi cy’ibitaro bagirana ibiganiro n’umuyobozi w’ibi bitaro Dr Ntwari Ndizeye, abaha ikaze abasobanurira serivisi baha abagana ibi bitaro n’uko abo basuye bamerewe.

Uyu muyobozi yashimye igikorwa cy’aba bakobwa bari bari kumwe kandi na Dieudonne Ishimwe umuyobozi wa Rwanda Inspirational Back Up, kompanyi itegura amarushanwa ya Miss Rwanda.

Linda Umutoniwase wavuze mu izina rya bagenzi be yavuze ko baje kwifatanya n’abarwayi kuri uyu munsi w’abagore. Ati “ntabwo tuwifuriza ababyeyi bacu gusa kuko namwe muri ababyeyi baacu niyo mpamvu turi aha ngo tuganire dusangire umunsi wacu urusheho kugenda neza… tuboneyeho kubifuriza kurwara ubukira, n’umunsi mwiza wihariwe mwe mudahwema kutwereka urukundo nk’abana banyu.”

Iyo bongeye kubonana biyibutsa bya bihe by'irushanwa bagaseka cyane — Iyo bongeye kubonana biyibutsa bya bihe by’irushanwa bagaseka cyane

Aha bari mu biro by'umuyobozi mukuru w'ibitaro bya Muhima — Aha bari mu biro by’umuyobozi mukuru w’ibitaro bya Muhima

Dr Ntwari aha ikaze aba bashyitsi anabasobanurira imiterere na servisi zo kuri ibi bitaro

Miss Rwanda 2017 na Pamela Mutoni wari mu bahabwaga amahirwe

Bagiye gusura abarwayi aha barasobanurirwa n'umuforomokazi kubo bagiye gusura — Bagiye gusura abarwayi aha barasobanurirwa n’umuforomokazi kubo bagiye gusura

Hagati mu bitaro, bagendaga basura abanyuranye barwariye hano

Bamwe mu barwayi bashimye igikorwa aba bakobwa bakoze

Aha baganiraga na bamwe mu baganga kuri ibi bitaro bababwira uko abo basuye bamerewe

Miss Popularity, Honorine uzwi cyane nka "Igisabo" afata ifoto n'umwe mu bana yasanze hano — Miss Popularity, Honorine uzwi cyane nka “Igisabo” afata ifoto n’umwe mu bana yasanze hano

Aba bakobwa basuye umubyeyi wabyaye abana batatu icya rimwe baramushima banishimira abana

Ngo bashyize hamwe mu gukora ibikorwa byiza

Baganiriye n'abarwayi banyuranye — Baganiriye n’abarwayi banyuranye bababaza uko abana bamerewe

Gusura umurwayi ku bitaro ni ikintu cy'ingirakamaro — Gusura umurwayi ku bitaro ni ikintu cy’ingirakamaro

Batanze ubufasha bw'ibintu bitandukanye, aha bimwe barabihereza ushinzwe 'social' kwa muganga — Batanze ubufasha bw’ibintu bitandukanye, aha bimwe barabihereza ushinzwe ‘social’ kwa muganga

Photos © I.Ishimwe/UM– USEKE

Innnocent ISHIMWE
UM– USEKE.RW

8 Comments

Jado says:
03/09/2017 at 00:37

Aba bana b’abakobwa bakoze igikorwa cyiza cyane!

SHARANGABO JEAN DE DIEU says:
03/09/2017 at 07:32

well done Bakobwa b’u Rwanda. umuco murawukomeje bigaragara ko ibyo mwatubwirag ari ubuzima mwari mubayeho

J2 says:
03/09/2017 at 09:48

ICYO MBONYE CYO ABA BAKOBWA BOSE BARARUTA UWABAYE MISS UBWIZA NIMITERERE NTAGO ELSA YARAKWIYE NA 8TH RUN UP MURIBO

Zeal says:
03/09/2017 at 10:41

Mukomereze aho Elsa iyatangije umurimo muri woe izanawusoza kdi izagukoresha ibyubutwariii

fizzo says:
03/09/2017 at 17:03

courage,kandi imna ibahe umugisha

cyusa says:
03/10/2017 at 11:42

Imana ibahe umugisha bana b’u Rwanda.ndumva muri jye ikiniga cy’ibyishimo

pelagie says:
03/10/2017 at 18:53

mukomereze aho bakobwa beza!mwagize nubutwari,mwanga kwizihiza umunsi wumutegarugori n’umwari mwenyine.musabana nabandi!imana isubize aho mwakuye.

martin says:
03/14/2017 at 09:12

nukuri imana ikomeze ibiteho pe ndishimye cyaneee pe gs imana ikomeze ibafashe pe

Comments are closed.

Share this:

8 Comments