Abahanzi nyarwanda mu bubiligi mu gitaramo cyo kwibuka umugabo wa Cecile Kayirebwa

Kubera urupfu rwa INNOCENT KARENGERA umugabo wa Cecile Kayirebwa, akaba n’umwe mu bari bakomeye wapfuye tariki 12/06 uyu mwaka abahanzi b’abanyarwanda baba mu bubiligi bakaba ku wa 9/07 uyu mwaka barateguye igitaramo cy’umuco nyarwanda bise “MPORE” cyo kwifatanya na Cecile Kayirebwa ndetse no kwibuka uyu mugabo Karengera.

Iki gitaramo kizaba gifite ibice 2:- Concert izaba kuri iriya tariki kuva 20:30

Aho abazaba bahari bazataramirwa na  Mihigo Chouchou, Muyango, Numukobwa Faïna, Nyirabyamibwa Suzanne, Nyiratunga Alphonsine, Ben Ngabo,

Majyambere, Byumvuhore J.Baptiste, Ben-Rutabana, Ben-Kayiranga, Inganji Ndayizigiye Ephrem, Julienne Kayiganwa n’abandi bahanzi baziyongeraho.

– Ijoro ry’indirimbo n’imbyino byo kwifatanya na Kayirebwa

Aha ngo ni uburyo bwiza bw’inshuti za Kayirebwa, abakunzi b’inganzo n’umuco nyarwanda kuko bazatarama mu ndirimbo n’imbyino nyarwanda bukarinda bucya.

Iyi mihango yo kwifatanya na Cecile Kayirebwa bibuka umugabo we Karengera izabera ahitwa Theatre De Poche  i Bruxelles mu Bubiligi abinjira bakazishyura amaeuros 15.

umuseke.com