Abahanzi badafite ubushobozi bararikiwe Talent Detection 2011 mu Rwanda

Muri iki gikorwa ngaruka mwaka gitegurwa na talent detection limited, iyobowe na Rurangwa Gaston (skizzy)  kigamije kuzamura abahanzi bafite impano ariko badafite ubushobozi.

Skizzy, umwe mu bagize groupe KGB, avuga  ko gahunda zimaze kugera kure ategura iyi talent detection kuko ibyangomba hafi ya byose ngo yamaze kubibona.

Skizzy ati:” ubu namaze kubona urushya runyemerera gukorera kuri maison de jeune kimisagara ndetse n’urw’umujyi wa Kigali runyemerera kuba nakora, aha hiyongeraho kandi kuba narabonye na certificate yo muri RDB yemeza ko company ya talent detection limited ari kampuni izwi mu Rwanda.”

Talent detection 2011, izabera kuri maison de jeune kimisagara, dore uko imbonerahamwe y’amarushanwa iteye:

18.07 kugeza le 7.08.2011 ni igikorwa cyo kwiyandikisha, aha uwiyandikisha agomba kuba afite imyaka iri ya 14 na 35, kdi akaba atarakora indirimbo ni imwe muri studio iyo ariyo yose. Uwiyandikisha agomba kuza yitwaje amafaranga 3000 frw yo kwiyandikisha.

Akarusho ni uko nuwagize amahirwe make yo gutsindwa muri talent detection y’umwaka ushize afite kongera kuza kwiyandikisha niba abishaka agasubira mu irushanwa.

Amajonjora akazatangira ku itariki 13.08.2011 kugeza ku itariki ya 28.08.2011. Umunsi wa nyuma w’amarushanwa ukaba uteganyijwe ku itariki ya 10.09.2011.

Abatsinze bakazakorerwa indirimbo 2 ku buntu ndetse na video 1. Ikindi kimeze nk’akarusho ni uko abo bazaba batsinze muri categorie zose bazakorerwa album 1 rusange ni ukuvuga bose hamwe, inashyirwe ku mugaragaro.

Twababwira ko iri rushanwa rya talent detection ryatangiye mu 2008 ku izina rya freestyle competition, harimo categorie ya hip hop gusa, nyuma ryaje kwitwa talent detection, hiyongeramo na categorie ya rn&b, ni mu mwaka wa 2010.

Issiaka Mulemba

umuseke.com