Aba ‘Agent’ 4 barajya muri Mozambique kuganira na Haruna,Rusheshangoga na Bayisenge

Michel Sagesse usanzwe ari ‘agent’ wa Salomon Nirisarike n’abandi bahorandi batatu ku cyumweru bagiye bari muri Mozambique kwitegereza abakinnyi Haruna Niyonzima, Emery Bayisenge na Michel Rusheshangoga ndetse nyuma y’umukino bakaganira nabo ibyo kubashakira amakipe iburayi amazemo iminsi.

Salomon Nirisarike yabwiye Umuseke ko Agent we n’abandi bagabo batatu b’Abaholandi bahagurutse  berekeza muri Mozambique kureba no kubonana na  bariya bakinnyi aho ngo bifuza kubashakira amakipe cyane cyane mu Bubiligi no mu Buholandi.

Nirisarike avuga ko Agent we amaze iminsi areba amashusho y’imikinire ya Niyonzima, Emery Bayisenge na Michel Rusheshangoga ndetse ko yabonye ari abakinyi beza ahita atangira kubashakira amakipe iburayi

Bariya bakinnyi batatu bari mu bafite amahirwe menshi yo kubanza mu kibuga hagati y’u Rwanda na Mozambique, ni mu mukino ubanza wo gushaka ticket y’igikombe cya Africa cy’ibihugu kizabera muri Gabon mu 2017

Salomon Nirisarike yabwiye Umuseke ko we atabashije kuza kwifatanya n’Amavubi muri uyu mukino kuko ikipe ye yamaze gutangira imyiteguro ikomeye ya shampionat izatangira tariki 25 z’uku kwezi. Ati “Nkeneye gukora cyane mu ikipe kuko shampionat izatangira vuba. Gusa umutoza yanyemereye ko nazasanga ikipe y’igihugu mu mukino utaha.”

Emery Bayisenge, Rusheshangoga Michel ni bamwe muri ba myugariro beza ikipe y’igihugu ifite. Haruna Niyonzima we ari muri ba myugariro beza basatira u Rwanda rwigeze rugira.

NSENGIYUMVA Faustin
UM– USEKE.RW