Usengimana Faustin azamara ibyumweru 4 hanze y’ikibuga

Myugariro w’ikipe y’igihugu Amavubi U17 ndetse na Rayon Sport — USENGIMANA Faustin imvune afite mw’ivi itumye atazongera kugaragara mu mikino y’igikombe cy’isi ndetse akazamara ibyumweru 4 hanze y’ikibuga.

Uyu musore akaba yari yavunitse ivi mu myitozo yo ku mugoroba wo kuwa  wa gatatu tariki 15 bazakina n’ubwongereza tariki 18, ibi byatumye atabanza mu kibuga kuri uyu mukino u Rwanda rwatsinzwe icyuho cye kigaragara.

Ku mukino wahuje u Rwanda na Uruguay uyu musore yashyizwe mu kibuga ariko imvune ye itonekara ku munota wa 27 gusa ahita avanwa mu kibuga, ubu abaganga baremeza ko bizamufata ibyumweru bine kugirango akire neza.

Patrick RUTAMU muganga w’ikipe niwe wemeje ko azamara ibyumweru bine adakina nkuko tubikesha Bonny Mugabe uri kumwe n’iyi kipe mu mujyi wa Pachuca, Mexique.

Usengimana iyo atakinnye, asimburwa na Turatsinze Heritier wo muri Acacemy ya SEC, akaba yarahagaze neza nyuma yo kumusimbura mu mukino wa Uruguay.

Kuwa gatatu bamaze gutsindwa umukino wa Uruguay, Faustin nawe ubwo akaba yaragize ati:”Irushanwa kuri jye rirarangiye, nifurije baginze banjye amahirwe ku rugamba mbasizeho rwo guharanira ishema ry’igihugu cyadutumye”

Jean paul Gashumba
umuseke.com