Ashley Young yasinye imyaka 5 muri Man U

ASHLEY SIMON YOUNG kumugoroba wo kuri uyu wa kane, yashyize umukono ku masezerano y’imyaka 5, ku gaciro ka miliyoni 20 z’amapound mw’ikipe ya Manchester United.

The sun ivuga ko uyu musore w’imyaka 25 yari yaraye akorewe isuzumwa ry’umubiri we (Medical Test) kuri uYoung avuye mw’ikipe ya Aston Villa aho yabakiniye imikino 190 agatsinda ibitego 38, azajya ahembwa amapound  £130,000 mu cyumweru kimwe gusa.

Nyuma yo gusinya amasezerano ku kicaro cy’ikipe ya Man U Ashley yagize ati: “Ni uburyo bwiza mbonye bwo gukina mw’ikipe imwe mu zikomeye ziri kw’isi, ni amahirwe mbonye yo kwandika amateka ndetse no kubafasha gutwara igikombe cya 20 cya shampionat”

Young yageze muri Aston Villa mu 2007 avuye mw’ikipe ya Watford yari amaze kugeza mu kiciro cya mbere, aje muri Manchester United yari ikeneye umusimbura wa Ryan Giggs wakinaga ku ruhande (Wing) ugana izabukuru.

Akimara gusinya Rio Ferdinand myugariro wa Manchester yanditse kuri Twitter ye ati: “United twungutse umukinnyi ushonje (ibikombe) kandi ukiri muto, arakazaneza iwacu”

President w’ikipe ya Aston Villas ati:” Villa nta bundi buryo yari ifite, amafaranga yaturushije imbaraga, twamuguze miliyoni £10 none tumugurishije £20m nyuma y’imyaka 4, nta gihimbo”

Ashley Young se umubyara yavukiye muri Jamaica, nyina ni umuzungukazi w’umwongereza, ise ni umufana ukomeye wa Tottenham Hotspurs, naho Ashley Young na nyine bagafana ikipe ya Arsenal (mu bwana bwa Young). Ashley Young akaba ari inshuti ikomeye ya Lewis Hamilton ukina imikino ya F1, bakinanye ruhago mu gace ka Stevenage bavukamo, mbere y’uko uyu yerekeza mu gutwara turiya tumodoka twa F1.

Jean Paul Gashumba

umuseke.com