Cameroon-Perezida Paul Biya yafunze amadini 100 y’Abapenikositi

Perezida wa Cameroon Paul Biya yategetse idini rya gikirisitu ry’Abapenikositi (Pentecote), gufunga imiryango ahantu rifite ibyicaro hagera ku ijana, ayashinja guteza umutekano muke mu gihugu cye.

Iki cyemezo Perezida Biya yagifashe ashingiye ngo ku byaha bikorwa n’abahagarariye idini rya Penikositi, aho mu misengere yabo ngo bagerageza gukoresha imbaraga zidasanzwe zijya zitwara n’ubuzima bw’abantu.

Ubuyobozi muri Camiroun bukavuga ko byangiza umutekano w’igihugu.

Abapasitori bo mu itorero Penikositi ariko bo bavuga ko icyo Perezida Bia yita umutekano mucye bateza, ari uko bavuga ibitagenda muri guverinoma ye…

 Paul Bia ni umwe mu bategetsi bayoboye muri Afurika igihe kirekire, akaba yifashisha ingufu za gisirikari mu gucecekesha itorero ry’Abapenikositi ryiganje mu murwa mukuru Yaounde no mugace ka Bamenda gatuwe n’abakirisitu benshi.

Mu hantu hari ibyicaro by’itorero Peneikositi, ahagera kuri 50 ubu hamaze gufunga imiryango mu gihe guverinoma ishaka gufunga ahagera ku ijana.

Amatorero ya Pentecostal mu gihugu cya Cameroon agera asaga 500 ariko azwi na Leta ni 50.

Ku cyumweru gishize hari umukobwa w’umukiristu  waguye mu masengesho mu mujyi wa Bamenda, bituma benshi mu bakiristu basaba guverinoma guhagarika abapasiteri bakoresha izindi mbaraga zishobora no guhitana ubuzima bw’abantu.

Boniface Tum,   Umushumba mu rusengero rwa gikirisitu i Yaounde, yavuze ko Paul Biya uyobora Cameroun kuva mu 1982 ashaka gucecekesha ariya matorero kuko ajya avuga ibitagenda muri guverinoma.

Source CNN

Birori Eric
UM– USEKE.RW