Alexis DUSABE ku myaka 17 yamenye Kristo

Izina ry’uyu muhanzi rirazwi cyane mu Rwanda mu ndirimbo ziririmbirwa Imana, avuga ko nta buzima bw’amaraha no kurarikira iby’isi azi kuko yamenye Kristo ku myaka 17 gusa, ubu akaba amaranira kumenyekanisha ubutumwa biciye mu mpano yahawe yo kuririmba.

Tariki 30/06/201 mu gitaramo cya muzika yaririmbiwe Imana muri Serena Hotel azerekana Album ye ya kabiri yise “NJYANA I GOROGOTA” .

Muri iki gitaramo avuga ko azacuranga indirimbo 20 zose ziri kuri Album ye ya kabiri nshya n’iya mbere, azafatanya kandi n’abahanzi bazwi cyane nka Dominic Nick,Patient Bizimana ,Simon Kabera, Gaby Irene Kamanzi ndetse na Guy  Badibanga

Dusabe ni nde?

Ni umugabo w’imyaka 35, ni umuririmbyi, umuhimbyi ,umwanditsi kandi ni umucuranzi yavukiye i Nyarugenge.

Arubatse akaba afitanye abana 4 na Carine Ingabire, ni abakristo b’itorero rya ADEPR/Nyarugenge.

Alexis Dusabe mu buzima busanzwe akora mu kigo cy’ubwishingizi kitwa CORAR (muri financial department).

Yatangiye umurimo wo kuririmba akiri muto yiga no gucuranga akiri muto ku myaka 17 yemeza ko yari yaramenye kandi yizera Yezu Kristo yaramaze no kwakira agakiza.

Aganira n’Umuseke Alexis Dusabe avuga ko intego ye  ari ” Ukwamamaza Ubutumwa Bwiza Bwa Kristo Yesu Mu Ndirimbo’’ngo Ubwami Bw’imana Bukwire Hose!”

Nk’umuhanzi uririrmba indirimbo zakorewe guhimbaza Imana  afite album 2 z’indirimbo z’ubutumwa bwiza gusa ari zo;

1. MFITE IBYIRINGIRO (yakozwe na Aron NIYITUNGA MURI 2004)Igizwe n’indirimbo 8 arizo (NGWINO, IBYIRINGIRO, UMUYOBORO, HORA KU NGOMA, ZABURI 23, KUKI TURIRA,NZAJYA NYIRINGIRA, URUKUNDO RW’UMUKIZA.)

2. NJYANA I GOROGOTA (yatunganijwe na Samuel NDIK, Mastolla, na Junior) ikaba igizwe n’indirimbo 10 arizo(; URABEREWE, NJYANA I GOROGOTA, IGIHANGO, NDAGUSHIMA, NINDE WAMVUGURUZA, IGITAMBO CYANJYE,NKOMEZA, GAKONDO YANJYE,AMAZI Y’UBUGINGO, YESU ARAJE),

Uyu muhanzi amenyereye kandi akora gusa muzika ya Live. Ati “njye Live Music niyo nkora gusa, maze gukora ibitaramo birenga 10 mu Rwanda ndetse n’i Burundi, mu matorero atandukanye ndetse no mu mazu manini mberabyombi. Hose nkora Live.”

Mubuzima bwe busazwe Alexis avuga ko akunda amahoro, ati”Mparanira kubana n’abantu bose amahoro na none kandi nezezwa cyane no gushobora ikintu cyari cyarananiye mbere yo kugeregeza kenshi byanga! Ibyo bindemera umunezero mwinshi mubuzima”

Plaisir MUZOGEYE
UM– USEKE.RW