Manchester United iratanga miliyoni £25 kuri Cesc Fabregas

Manchester United yashyize akayabo ka miliyoni 25 z’amapound ku mukinnyi wo hagati Cesc Fabregas, ikipe ya Barcelona ntabwo yakanye ko itamugurisha gusa ngo iki giciro cyaba ari gito kuri uyu musore.

Nubwo Fabregas ubwe atari kwisabira kuva i Camp Nou, biravugwa ko nta ngingimira afite zo kuba yasubira mu Ubwongereza.

Uyu musore w’imyaka 26 yakiniye Arsenal kuva ku myaka 16 ubwo umutoza Arsene Wenger yari amuguze macye mu 2003 amuvanye mu ishuri ry’umupira rya La Masia i Cataluña.

Fabregas yabaye inking ya Arsenal ndetse anayibera captain kuva mu Ugushyingo kwa 2008.

Mu myaka umunani yamaze i Londres kwa Arsenal yahakinnye imikino 303 abatsindira ibitego 57 aza kwisubirira iwabo i Barcelona mu kwa munani 2011 aguzwe miliyoni 25.4 z’amapound.

Ageze muri Barca yatwaye ibyo yari yarabuze i Londres, yatwaye Copa del Rey na La Liga n’udundi dukombe ducaracara aho.

Hariya ariko ntabwo yaguwe neza kuko umwanya we ubundi akunda uriho ba kizigenza Xavi Hernandez na Andreas Iniesta.

Kuba atabanzamo yanajyamo agashyirwa ku ruhande byatumye asa n’utishimye kuba ari muri Barca. Manchester United yaba ariho iri guhera rero!

BBC

JD NSENGIYUMVA Inzaghi
UM– USEKE.RW