PGGSS 3: i Musanze byari ibicika. Reba mu mafoto

Mu rugendo barimo bazenguruka igihugu cyose bahatana, abahanzi 11 bari mu irushanwa rya Primus Guma Guma Super Star iyi week end bari bageze i Musanze aho bari bitezwe n’imbaga y’abakunzi ba muzika benshi biganjemo urubyiruko.

Kuri Stade Ubworoherane, aba bahanzi bose buri wese aba yakereye kwerekana ko ashoboye kandi afite abafana nk’uko muri iri rushanwa basabwa kubigaragaza.

Nta muhanzi wavuga ko nta mbaraga cyangwa nta bafana kuko abakunzi ba muzika nyarwanda bamaze kuba benshi bidasanzwe kandi buri muhanzi aba afite abamwibonamo batari bacye.

Dore uko byari byifashe i Musanze:

Igitaramo cyari kitabiriwe n’abantu benshi, urubyiruko cyane cyane

Ni kuri Stade Ubworoherane  i Musanze

Lion Imanzi niwe wayoboye igitaramo.

Abakempura mpaka hano akazi bakamereye nabi.

Umuhanzi wa mbere wabanje kuri ‘Scene’ ni Riderman, uyu muhanzi ni umwe mu bahanzi umaze iminsi arwaye ariko kuri ubu arasa n’aho amaze kugira akabaraga.

Riderman imbere y’abakunzi be.

Arabyinana n’ababyinnyi be

Ati amaboko hejuruuuu

Aha abakunzi be baramwereka urukundo bamufitiye

Umuhanzi uje ku mwanya wa kabiri ni Senderi International Hit, uyu muhanzi ni umwe mu bahanzi bamaze imyaka igera kuri 19 ari muri muzika.

Senderi azanye abantu bambaye impu z’ingagi

Abantu batangajwe cyane n’aba bantu ba Senderi bari bambwitswe nk’ingagi

Senderi abasabye gukuramo imyenda bayishyira mubicu.

Senderi n’umubyinnyi we bakamejeje.

Umwanya wa gatatu ujeho umuhanzi Danny Nanone, uyu muhanzi ni umwe mu bahanzi bakora injyana ya HipHop.

Danny Nanone ari kuri stage

Aha Danny ari mu ndirimbo ‘Mbikubwire’.

Danny yashyuhije abantu biratinda.

Aha Danny arimo kuririmba ubona ari mu mwuka

Bagabo Adolphe uzwi ku izina rya Kamichi niwe ukurikiye kuri stage ngo ashimishe abakunzi be ndetse n’abakempurampaka barimo gukurikirana buri muhanzi uko yitwara.

Kamichi yatangiye aririmba indirimbo ‘Hobehobe’

Aha Kamichi yashimishije abantu karahava.

Kamichi yakirijwe ibyapa byinshi

Aha Kamichi yashimaga Imana

Nyuma ya Kamichi hakurikiyeho umuhanzi Fireman ukora injyana ya HipHop, uyu muhanzi ari mu bahanzi babarizwa mu itsinda rya Tough Gang.

Fireman arimo gushimisha abantu

Hano Fireman yagiraga ati “Shalom”

Fireman yagiraga ati “Amaboko hejuru”

Fireman na Jay C barimo bashimishije abantu

Itsinda rya Dream Boys niryo rikurikiye kuri stage, iri tsinda rigizwe n’abasore babiri aribo Platini ndetse na TMC.

Platini ndetse na TMC bagize itsinda rya Dream Boys

Aba basore bombi barangwa no gushimisha abantu iyo barimo kubyina injya bita inzayirwa.

Dream Boys

TMC na Platini

Bulldogg niwe muhanzi ukurikiyeho, aho uyu musore ariwe uvuga ko akuriye itsinda ry’abahanzi benshi bakora injyana ya HipHop ryitwa tough Gang.

Bulldogg yakiriwe n’abantu bamwereka umubare we afite mu irushanwa

Bulldogg yabazaga abakunzi be ko atumva akamo uko bikwiriye.

Acishamo akawuceka

Bulldogg ni umwe mu bahanzi bashimishije abantu

Christopher niwe ukurikiyeho, uyu musore ubushize ubwo bari i Muhanga yakoze ibintu benshi batetekerezaga, kuko yakoze akazi katoroshye aho wasangaga umuntu wese wari aho yaremeye imiririmbire y’uyu musore, kuri ubu rero akaba ategerejwe n’abantu batari bake kureba ko yongera gukora ibyo aheruka gukora.

Christopher ari kuri stage

Christopher araririmba ukumva induru y’abakunzi be kurusha kumva ijwi rye

Hano yabwiraga abakunzi ko bamufasha kubyina

Abakunzi ba Christopher hano bamweretse ko bamushyigikiye

Umuhanzi ukurikiye ni Mico The Best, umwe mu bahanzi bakora injyana ya Afrobeat ndetse mu minsi ishije akaba yarigeze no gutangaza ko asanga ariwe mwami w’iyo njyana. ubu rero niwe ukuriye kuri stage aho aje kwerekana ubuhanga bwe imbere y’abakunzi ndetse n’abakemurampaka.

Mico ni umuhanzi urimo kugenda atungurana mu miririmbire kuko usanga yitwara neza muri live

Nguyu Mico The Best kuri stage

Mico anacishamo akawuceka

Abakunzi ba Mico baje kumanika icyapa bamwereka ko afite abamunda bidasubirwaho i Musanze

Umuhanzi uje abanziriza usoza iki gitaramo ni Butera Jeanne D’Arc uzwi cyane ku izina rya Knowless, uyu muhanzikazi niwe rukumbi ubarizwa muri iri rushanwa nk’umwali n’umutegarugori, akomeje kugenda ashimisha abantu bitewe n’uburyo aba yateguye stage ye aho usanga benshi bakurikirana ibintu arimo kugenda akora usanga bamuvugaho bynshi.

Knowless azanywe mu ingobyi

Aha Knowless yaramaze kururutwa mu ngobyi

Ibyapa byari ibicika bamwereka ko batazamutererana

Knowless yashimishije abantu birabarenga, aho wasangaga indirimbo ari ‘Tuzagutora twongere tugutore”

Hano Knowless yabyinanaga n’abakunzi be

Urban Boys nibo baje gusoza igitaramo cyarimo kubera mu Karere ka Musanze mu Ntara y’Amajyaruguru. Aba basore uko ari batatu ni abasore bamaranye igihe kitari gito bakorana muzika, kuri ubu nabo bakaba bari mu irushanwa rya Primus Guma Guma Super Star ribaye ku nshuro ya gatatu.

Urban Boys kuri stage

Urban Boys n’ababyinnyi babo ntibyari byoroshye

Aba basore bashimishije abantu mu ndirimbo “Bibaye”

Umukunzi wabo yashyizwe mu kirere ngo yirebere amaso ku maso Urban Boys

Uku ni uko igitaramo cyagenze n’uko UM– USEKE wakibakurikiraniye LIVE, ushobora kandi kubikurikiranaHANO n’ibinndi byose uko byagenze

UM– USEKE

Photos/Plaisir