Mugabo Gabriel yavuye muri Mukura ajya muri Police FC
Ikipe ya Mukura Victory Sport yatakaje umwe mu nkingi za mwamba zayo Mugabo Gabriel werekeje mu ikipe ya Police FC aho yasinye amasezerano y’imyaka ibiri nkuko byatangajwe na nyirubwite.
Gabriel Mugabo ni umwe muri ba myugariro beza ubu bari mu gihugu nubwo nta mahirwe yagize yo guhamagarwa mu ikipe y’igihugu ubu.
Uyu musore w’imyaka 24, Police FC ntabwo yatangaje igiciro yamutwayeho imuvanye i Huye muri Mukura VS.
Police FC ariko kandi yatangaje ko umukinnyi wa Rayon Sports Hategekimana Aphrodis uzwi cyane nka Kanombe batamushaka kuko nta mwanya yabona yakinamo muri Police kubera abakinnyi bahagije bafite bakina hagati.
Mugabo Gabriel we ikipe ya Rayon Sports niyo yagaragaje kumushaka cyane mbere ya Police FC. Ndetse mu ntangiriro z’iki cyumweru Murenzi Abdallah umuyobozi wa Rayon Sports yari yavuze ko habura gato ngo basinyishe uyu musore Mugabo.
Uyu musore akaba yari agifitanye amasezerano na Mukura VS bikaba byabaye ngombwa ko Police iyagura ku giciro batatangaje.
Mukura ikozwemo kabiri na Police FC muri iyi minsi kuko iherutse kubatwara rutahizamu Sebanani Crespo mu minsi yashize nawe akaba yarerekeje muri Police FC.
JD NSENGIYUMVA Inzaghi
UM– USEKE.RW
English
0 Comment
agakipe k’imugandamure kuki kari kabeshye ko kamusinyishije?akarere ntabwo karusha police cash
MURENZI NAREKE KUBESHYA ABA RAYON NTA CASH AFITE NU KUBESHYA GUSA.BIRIRWA BISHIMIRA IGIKOMBE BAKANDA AMAZI AHO KUGURA ABAKILNYI. AHO BUCYERA BARASUBIZA RAYON MU MUJYI WA KGL BA BOSS BA CYERA.MURAKOZE
MUKURA IZATERA IMBERE MU GIHE MUZUKA NA OLIVIER PRESIDENT. BAZASHYIRA UBWOBA BAGASENYA AKAZU KABANTU BAVANGIRA MUKURA, BAREBA INYUNGU ZABO GUSA BURI GIHE HARIMO ,OLIVIER MURINDAHABI, PADIRI WELARS,KAYITARE,PASCAL EXECUTIF AGASHYIRAHO ABANDI BAYIKUNDA KANDI BARAHARI.MURAKOZE
mugabo we uri umuntu muzima!nshimye ko wanze kwitera ibibazo ujya kwa gasenyi.bariya baracyatsa ntacyo bifitiye usibye kwirirwa basakuza.
Comments are closed.