Rusizi:abacuruzi bamuwe ku mupaka bugarijwe n’igihombo

Bamwe mu bacuruzi bakorereraga  ibikorwa by’ ubucuruzi mu karere ka Rusizi mu murenge wa Mururu  ku mupaka wa Rusizi  ya kabiri ,baratangazako  kuba barakuwe hafi y’ umupaka aho bacururizaga byabateje igihombo gikomeye.

Gusa ubuyobozi bwo bukavuga ko guhomba kw’ aba bacuruzi bitaturutse ku kwimurwa ahubwo ngo byaturutse ku kuba hari bamwe muri abo bacuruzi bahisemo gukorera ibikorwa by’ ubucuruzi mu gihugu  cya Kongo ibi akaba aribyo  batangarije Umuseke.com ubwo wabasuraga.

Ku mupaka wa Rusizi ya 2 ni nko  muri metero 500 uvuye ku mupaka, aho bamwe mubacuruzi  bimuriwe bitewe n’uko ngo ubuyobozi bw’uwo murenge wa Mururu ngo bwa bonaga ko hari bimwe mu bikorwa by aba  abacuruzi byatezaga umutekano muke n‘isuku nke hafi y’uwo umupaka. Mu minota 30 umunyamakuru  w ‘umuseke.com yahamaze nta mukiriya yahabonye .Nyamara aba bacuruzi  n’ abakarani batwara imizigo  bo bavuga ko kwimurwa hafi y’umupaka byabateje igihombo gikomeye.

Mukangabo Thancille ni  umwe muri aba bacuruzi wimuwe yagize ati :’’ ni ukuri twe turashonje  niba tuzaba ba mayibobo n ‘abana bacu  simbizi, Aha badushyize ni kure y’ umupaka umukongomani yaranyarukaga akazana ubufu mu Rwanda none aha ni kure’’. Twarahombye bikomeye’’.

Mbarushimna Fiacre ni umwe muri abo bacuruzi ,yagize ati “reba ukuntu niriwe nicaye hano ariko mpasanze abasoresha, ubuse kuko mu minota uhamaze hari umukiriya uhabonye?ubuse koko twasora iki”.turasora iki nta mafaranga dufite”

Umuyobozi nshingwabikorwa  w ‘umurenge wa Mururu  madamu  Uwambaje aimée  Sandrine avugako kwimurwa hafi y’umupaka kw’ aba bacuruzi kwaturutse kuri bimwe mu bikorwa byabo byahungabanyaga umutekano wo hafi y’umupaka, naho ngo guhomba kwabo ko kukaba gufitane isano n’uko abahacururizaga babaye benshi noneho bamwe batangira kujya bakorera ubucuruzi bwabo muri Repubilika iharanira Demokarasi ya Kongo  aho bamwe muri bo ngo bashyira Abakongomani muri Kongo ibicuruzwa bakeneye.

Yagize ati: “aha bari hari mu mbago  hafi y‘umupaka hagati y’ u Rwanda na RDC, hafi y ikiyaga , ikindi hari mu gikorwa cyo gushyira igishushanyo mbonera  cy’akarere ka Rusizi  cyari kirimo gutegurwa kugirango gishyirwe mu ngiro, ikindi kandi hari hamaze kuba indiri y’abanywarumogi na forode .

Mahawenimana Jonas

Umuseke .com Rusizi