Sibomungu yataye abana babiri ku rwego rw’Umuvunyi
Kuri uyu wa 22 Nyakanga umugabo witwa Sibomungu André yataye abana be babiri ku biro by’urwego rw’umuvunyi mu mujyi wa Kigali nyuma y’uko ibyo yari yaje gusaba ngo bamurenganure bamubwiye ko ntacyo uru rwego rwabikoraho kuko byarangijwe n’inkiko.
Sibomungu yageze ku rwego rw’Umuvunyi ku Kimihurura mu mujyi wa Kigali aturutse mu karere ka Kirehe. Amakuru Umuseke ufite ni uko yari aje gusa ngo arenganurwe afungurirwe umugore we ufunze kuva mu kwezi kwa kane 2012.
Uyu mugabo amaze gusobanurirwa, yeretse inzego baganiriye ko anyuzwe maze arasohoka, abwira abashinzwe umutekano ngo babe bamusigaraniye abana maze ajye kuzana amadosiye bamutumye. Barabamufasha.
Muri icyo gitondo, yagiye ntiyagaruka, bugorobye, abashinzwe umutekano hano batangiye kubwira abakozi ku rwego rw’Umuvunyi ko hari umuntu wahataye abana.
Umwe mu bakozi kuri uru rwego yabwiye Umuseke ko barebeye mu gitabo cy’ababagana bakamuhamagara, maze akababwira ko abo bana nawe abasigiye Leta ngo ibarere kuko ngo nta bushobozi afite bwo kubarera.
Abana yahataye ni abana b’abahungu umukuru avuga ko yitwa Simeon w’ikigero cy’imyaka ine, avuga ko murumuna we yitwa Evode Nisunzemungu w’ikigero cy’imyaka ibiri.
Uyu mugabo yari yaje gusaba ngo arenganurwe kuko umugore we yakatiwe gufungwa imyaka ibiri.
Umugore we yazize kwanga irangizarubanza ry’inkiko, ngo nyuma y’uko inkiko ziciye urubanza agatsindwa uyu mugore ngo yitambitse inzego zo kurangiza ibyategetswe n’inkiko kugeza aho amategeko abimuhaniye. Akatirwa imyaka ibiri kuva mu kwezi kwa kane umwaka ushize akaba afunze.
Umugabo we nyuma yo gusobanurirwa ko urwego rw’Umuvunyi ntacyo rwakora ku kibazo nk’iki we yita akarengane uyu mugabo ngo usa n’uwari wateguye uyu mugambi wo guta abana, yasohotse agenda nk’uwumvise ibisobanuro ahawe.
Umwe mu bakozi ku rwego rw’Umuvunyi avuga ko uyu mugabo ahamagawe yababwiye ko assize abo bana ngo Leta izabarere.
Aba bana bahise bashyikirizwa urwego rw’inama y’igihugu y’abana (National Child Council), ubu akaba ariyo ibaye ibitayeho mu gihe hakirebwa icyakorwa.
UM– USEKE.RW
English
0 Comment
Ohhh pauvre parent! seigneur ait pitie d tes anges ici
Gukatira umuntu imyaka ibiri ngo yitambitse mu irangizarubanza!!! Uzi ko gufungwa byahindutse ibintu byoroshye cyane!!!! Nibura Atari n’amezi abiri!!!
Ariko se amategeko azamo sentiments. Ni application de la loi nta hantu na hamwe handitse ko iyo ari umugore cyangwa runaka akatirwa aya mezi cyangwa aya umucamanza arenba icyaha n’icyo giteganyirizwa. Nubw ibyo uwo mugabo yakoze bibabaje ntitwibagirwa ko bavuga ngo dura lex sed lex: L aloi est dure mais elle est loi nyine.
Gasore we, amategeko ntazamo sentiment ariko agira ubushishozi. Umubyeyi urera abana ntago akunda gukatirwa igifungo, niyo akatiwe basubika ugufungwa abana bakabona amajyo. Ntukihutire kuvuga ibyo utazi muvandi.
Amategeko ntazamo sentiment ahubwo ushobora gusanga akoze nabi, kuko kiriya si icyaha cyahamisha umuntu muri gereza imyaka ibiri
Kiriya ni icyaha gikomeye kurusha gutandukanya ziriya mpinja na nyina?
wasanga nibyo bavuga yatsindiwe barabimuhuguzaga!! Imanza z’iyi minsi ntabwo 1+1 = 2 buri gihe!!!!
Kuki ariko urwo rwego rwego rw’ Umuvunyi bakunda gusubiza abantu ngo “ntacyo twakumarira”? Ngo “ikibazo cyawe ntacyo twagikoraho”. Uko se ni ugutanga CARE cyangwa ni nyonyonyonyonyonyo? (Ama G the black) Urubanza rw’uwo Mumama rusubirishwemo ingingo nshya, noneho akatirwe imyaka 2 isubitswe. Ni ukuvuga ngo arasubira iwe arere abana ariko afungishije ijisho. Ibyo Amategeko arabiteganya iyo igihano kiri ku myaka 2 kumanura. Kuvuga ngo uwo mugabo yaje nk’uwiteguye gusiga abana sibyo. Icyo gihe ntiyari kwandika tel.ye y ‘ukuri mu gitabo. Yashatse gusa ko ikibazo cye kitabwaho agahabwa umuti umufasha.
Gusubirishamo ingingo nshya ndunva byagorana kuko sinzi niba anayifite , byongeye bisaba kuba amaze amezi atarenze 2 abonye iyo ngingo nshya , sinshaka kugira icyo nvuga ku mucamanza kuko ibye byararangiye yaciye urubanza kandi ruba itegeko, reka nvuge ku muvunyi , urwego rw` umuvunyi icyo rwagombaga kumugiramo inama ni iki gikurikira : “NYUMA YO GUSUZUMA INGINGO YA 9 Y` ITEGEKO RIGENA UBURENGANZIRA BW` UMWANA N` UBURYO BWO KUMURINDA IHOHOTERWA ni ngombwa ko basaba “liberation conditionelle “ cyane ko amazemo igihe kirenze 1/4 cy` igihano yakatiwe .
wowe umusubije nk’umuntu w’umuhanga kandi du domaine de la loi.urumvako iyaba ari wowe wamusubije aba yatahanye abana.ashobora kuba yasanzemo umuntu babandi gasumuni yavuze aho kumusobanurira akamubwirango genda niba udatashye kandi birakureba nushake urare hano.undi ati nawe si uguhima leta aba yivuye inyuma.ariko bariya bana aho kurwarira amavunja iwabo bajya mu kigo bazitabwaho
Ariko se koko, kubangamira ishyirwa mu bikorwa ry’imyanzuro y’inkiko, bigomba gufungirwa imyaka 2?!!! Cyangwa ni igihano kirekire bakoresheje?!
mujye mureka sha agahinda tikica kagira mubi guturuka kirehe mpaka kigali bikarangira uhawe igisubizo nk,iki cy,urucantege!birababaje cyane urwego rw,umuvunyi ruge rubanza rushishoze bareke gutanga igisubizo kimwe kigiye kuzaba nk,indirimbo yabo!!!!!!!!!!!!
hari ukuntu amategeko avuna kandi ngo agakiza abandi. numvise ko iyo umucamanza ngo atsinzwe ubundi ngo arirukanwa ku kazi. ese koko uwo mudamu yafungwa imyaka ibiri koko? urwego rwu muvunyi nfgo ntabwo ruziteranya na bacamanza kandi nabo aribo.
BIRIMO AGAHINDA
Ngaho nawe umaze gusoma iyi nkuru ururiya mugabo wabigenzute?
Umugabo akoze ibingobwa gukorwa kd abana bihangane barerwe na Leta
Nahita nerekeza muri FDLR kabisa ndiwe.
Ariko tujye tureka amarangamutima mukazi, nonese kuvuga ngo uri uiya mugabo wabigenza ute?, abo bana ko bagifite ababyeyi bombi ndetse bakaba babana nase ubabyara, abadafite shinge narugero bo babaho bate? nubwo ataribyo umuntu amwifurije, arikose iyo Nyina cg se babo baza kuba bapfuye mwumva byagenda bite kandi ko aribwo buzima duhoramo? @ Maombi, nawe sinzi icyo washatse kuvuga, kujya muri FDLR byo wumva byamufasha iki?
Erega ndabona musa n’abashyigikira ikibi?Ubu ibyo uyu mugabo yakoze bikwiye kabone nubwo umugore we yaba arengana?Buriya azi igikomere aba ateye muri bariya bana?bagize kuba batabona nyina,nkaho yabaye mu cyimbo cy’umugore we ngo arere abana babo,ahagarare kigabo,ati nzi kubajugunya tuu!!Abagabo weee,uwambwira ibiba mu mitwe yanyu.Nkubwije ukuri ko iyo aba ari umugore atari kubikora kuriya.Uwiteka ujye ubabarira abagabo kandi ubahe n’ubwenge.
Niko? Abahora bata abana mu musarani si abagore?
cuba urumuntu w’umugore cyane uvugishije ukuri pe umugabo yabuze ubumuntu yireba wenyine ese umugore we nabyumva we si ukumubabaza bwa 2 mbega umugabo ese iyo apfakara yarikubajyanira urupfu ngo rubamufashe mbega abagabo ngo turananirwa Imana nikore akazi kayo naho abamugira inama yo kumushima ninkawe ntacyo bamurusha ntampuhwe agira
tokatoka,uyu mugabo ntawamutera ibuye iyo aba umugabo mubi aba yabasize munzu akajya gushaka amahabara!none yarimo akurikirana ibymyfasha we,guta abana ku muvunyi rwose ni igitekerezo cyiza kuko ntibazaba mayibobo council y`abana irabyigaho ikibazo kikemuke,mwimutera ibuye rero ntabwo yabikoreshejwe nurwango ni agahinda yatewe nimyanzuro atishimiye,ariwowe bibayeho,nange nanga abantu batakemura ikibazo ngorindira rindira.
Ngaho nguko ambashingamategeko bacu bahana bihanukiriye abaturage batarebye ingaruka kuri rubanda bahagarariye! Babayeho nkabari mu ijuru abaturage bakaba munsi ku isi, ibibazo byabo ntacyo bibarebaho!
Ndibaza niba umwana w’imyaka ibiri akwiye gutandu kannya na nyina sinzi wenda abanya mategeko icyo babivugaho ariko abo bana bahabwe uburenganzira bwabo
kuko muburenganzira bw’umwana harimo na affection y’ababyeyi bombi
Ikigaragra cyo ni uko Akarere ka Kirehe imikorere yako ntago ihwitse,wagira ngo ni muyindi Leta.Ababishinzwe mwatabara abaturage byihuse kuko ibi ntibyumvikana.Abo bacamanza bamunzwe na ruswa nta kindi! Ngo imyaka ibiri y”igifungo?????
aurwego rw’Umuvunyi rushobora kuba ari baringa se? Ko narinzi ko rukora ibyananiranye. Niba rutakemura ibyo ruvuga muli website yarwo bikubite agashyi.
abitambika ku byemezo by’inkiko ni benshi . ba camanza Bravo! mubahashye1
Njye mbona abacamanza nabo hari aho barengera. Gukatira umuntu imyaka 2 (itanasubitswe nibura) ngo yabangamiye irangizarubanza? Birakabije rwose, gufungwa babigize nk’imikino. Dukeneye abacamanza bakorana ubwenge bakajora bagashungura mbere yo gutanga ibihano, za peine plancher ntizisaba gushyiraho umucamanza ari ibyo n’abayobozi basanzwe bajya bazica.
Ese mu kigo cy’Umumunyi nta ba psychologues bagira bo kubagira inama uburyo bakira abantu bafite ibibazo? Nyabuneka n’aho waba uri buvuge ko bidashoboka, bigomba kugira uburyo bivugwamo, umuntu ukamutwara neza, ukaza kumubwira ko bidashoboka bitamuhungabanyije kuko abenshi baza basigaranye ibyiringiro ku Muvunyi. Mube rero abanyamwuga mushake ababafasha customer care isobanutse. Urugero: Mugahamagara ufite ikibazo, mucamwicaza neza, mukanamuganiriza ho gacye, ugatangira kumubwira ku kibazo cye, ukamwereka uburemere bwacyo koko, ndetse ukanamusobanurira (umusekera n’akanyamuneza) uko inzego zikorana bityo ukaza kugera ku mwanzuro utamuhungabanyije kandi akabyakira neza. Ibibazo byinshi n’uburyo abantu batakizera Urwego rw’Umuvunyi, bituruka ku buryo mwakiramo abantu budakoranye ubunyamwuga. Ni ukwisubiraho, u Rwanda rubakeneyeho byinshi. Murakoze
Abo bana mugerageze kubapfukura mu maso kuko ni byiza ko tunabona izo nzirakarengane kuko kubahisha mu maso ntacyo bibafashaho
Mu mategeko y’itangazamakuru hari imyaka itemewe ko ugaragaza isura y’umwana.
Ubukene buratumaze,ibihe bidusohoreyeho ndagaswi ! Niba Imana idatabaye abanyarda bari mu kaga k’ubukene nanjye ndimo twese abakene abana tuzajya tubabitsa ku muvunyi,ubundi Gavumenti yikoce!!!
Imikorere y’Uru rwego rw’Umuvunyi nayo irakemangwa. Icyizere rwari rufitiwe cyaragabanutse.
Birr we urasetsa cyane ngo aba psychologue? hari ibigo bimwe byirukana abakozi cg bikabahana kuko basobanuriye neza abantu bakabaha umwanzuro wanyuma ariko babanje kumva ikosa aho riri beretswe nuburyo byakemuka byagera kumuyobozi ati uwo watanze iyo nama nahannwe cg yirukanwe biragoye nugusenga gusa
nyumvira maombi ra ngo wahita werekeza muri FDLR uriwe?!! FDLR nayoyabuze aho yerekeza nonese utekereza ko imaze imyaka 20 hariya ariho yifuza??? reka kumukinira ubwo urarenzwe
Nukuri biragaragara ko uru rwego nta mubyeyi ubonekamo,iyo abamo aba yumvise ko nyina w’umwana batamutandukanya nawe ataragira imyaka 7 ni uburenganzira bwe. Customer care ni 0%.Murebe uko mwarenganura uriya mubyeyi kandi niba ahamwa n’icyaha afunganwe n’abana noneho ariko babona mama wabo cg mukomeze mubarereshe amafaranga arahari!!!N’ubundi Leta ngo ni umubyeyi ariko sinzi niba izarerera abarengana bose, Nimugeragezee da!Imana yo ntirenganya.
Ese abo bana bo ise arabaziza iki? Kuba umugore afunze na bituma yikuraho abo yabyaye? Nyagasani yite kuri abo bana kandi uwo mubyeyi gito imuhindure.
Abo bana nibakura bakamera neza ubwo azaba abateze ho kumwitaho mu za bukuru??
Comments are closed.