Haruna Niyonzima yagiye muri Yanga Africans?
Bomboli bomboli muri APRFC
Hashize iminsi havugwa igenda rya Haruna Niyonzima ava mu ikipe ya APR fc muri Tanzania, ikipe ya Yanga africans yo muri Tanzaniya ishobora kuba iri hafi kumutwara mu gihe agiye kurangiza arangije amasezerano afitanye n’ikipe ya APR fc.
Amasezerano azarangira ku itariki ya 30 Nzeri uyu mwaka gusa uyu musore ashobora kutarindira icyo gihe cyose cyane ko amakuru agera k’umuseke.com atangaza ko mukuru we ashobora kuba yaranyarukiye mu gihugu cya Tanzaniya kugirango ajye kumuharurira inzira.
Ikinyamakuru mwanaspoti cyo muri Tanzaniya cyanditse ko Haruna yemeye gukinira ikipe ya Yanga Africans muri CECAFA Kagame cup izatangira tariki ya 25 uku kwezi akaba rero ngo akirangiza utubazo tumwe na tumwe harimo no gusezera ku nshuti n’umuryango ndetse n’ikipe ya APR muri rusange kugira ngo abe yagenda.
Kuri uyu wa kane w’icyumweru gitaha Haruna Niyonzima ngo azaba yasesekaye mu myitozo y’ikipe ya Yanga. Aramutse agiye muri iriya kipe yaba asanze abakinnyi bandi iyi kipe yaguze nk’abanyaghana Kenneth Asamoah,Yaw Berko, umunya Uganda Tonny Ndolo n’umuZambiya witwa Davies Mwape.
Mu gihe ikipe ya APR iri kwitegura umukino wa nyuma w’igikombe cy’amahoro uzayihuza na Police FC uzaba kuri iki cyumweru (ntukibaye kuwa gatandatu kubera kwita ingagi izina), amakuru agera k’umuseke.com n’uko abakinnyi batakiriye neza umwanzuro w’uko bazatangira locale (umwiherero wo gutegura umukino) kuwa kane, abakinnyi ngo bakaba bifuzaga gutangira locale ku wa gatanu.
Fabrice Tuyishimire
Umuseke.com
English
9 Comments
nagende akine umupira ariko kuki apr izitira abantu?APR na Ferwafa ninde uyobora undi?
ni aguruke arebe aho bweze atazagirango umupira akina ugarukira mu rwanda
oyeeee haruna igendere ndagukunda nubwo ndi umufana wa Rayon kuva wanyivamo nanigitego urayitsinda ubundi iyo uguma muri Rayon uba waragiye keta .
Fabrice,ndakwemera sana,Haruna jya guhatana na bariya basore nkwifurije amahirwe!
bavandi mushatse amakuru ya APRFC mujye mutubaza twe tubishinzwe.
tx APRFC Information manager
0788512292
Igihe cyari kigeze ko Haruna yajya no gukina ahandi APR Fc yarikwiye kumutera ingabo mu bitugu kuko ibyo yayikoreye birahagije oyeeee fabregas ababrezilien dushyigikiye ibyemezo byawe uzagire amahirwe aho ugiye kdi Imana izakube hafi!!!!
akanyoni katagurutse ntikamenya iyo bweze niyigendere
Nibyiza ko abanyarwanda basohoka hanze kuko kuba star à Domicile ntacyo byazamugezaho. Migi nibaza ko nimba ashaka ko azatera imbere muri foot yeee. il faut ko ava muri APR niveau ye ntabwo ariyo gukina mu Rwanda . ariko birababaje kubona information Manager atanga number kandi APR iyoborwa na Hgh Commenders. Politique ya APR igura abanyi bahenze ntitware ibikombe .
man wigenda turacyagukeneye kabisa
Comments are closed.