Igitaramo cyo guhimbaza Imana “Perfecting Your Call”

Nk’uko twabitangarijwe na Gasana Jacques tariki ya 18 Kanama kugeza ku ya 25 z’uku kwezi, ku rusengero Rwanda for Jesus Church hateguwe igiterane ngarukamwaka cyiswe “Kweza umuhamagaro wawe”, mu cyongereza “Perfecting Your Call” cyateguwe na Potter’s Hand Ministries.

Iki giterane cyizamara icyumweru n’iminsi itatu, kizajya gitangira ku isaha ya saa 17h30 gisozwe saa 19h30.

Ku munsi wa gatandatu kizatangira mu gitondo kuva saa 9h00 a.m gikomeze ku gicamunsi kuva saa 14h00.

Igitaramo kizajya kibera kuri Rainbow Hotel, iherereye mu karere ka Kicukiro mu mugi wa Kigali.

Insanganyamatsiko y’uyu y’igitaramo ni “Gutunganya umuhamagaro wawe,” biboneka muri Bibiliya 2Petero 1:10.

Pasiteri Jimmy n’umufasha we Sandra Muyango ni bo bazayobora igiterane, Pasiteri Aaron Ruhimbya wa Restoration Church na Pasiteri Rutayisire wa EAR na Pasiteri Ivan Appanna, umushyitsi uzaturuka mu gihugu cya Afurika yepfo bazafasha mu kuyobora igitaramo.

Abahanzi Alexis Dusabe, Patient Bizimana, Singiza na n’itsinda Rwanda for Jesus Worship ni bo bazasusurutsa abakirisitu.

Nk’uko Gasana Jacques umwe mu bateguye igitaramo yabidutangarije, kwinjira bizajya biba ari ubuntu yongeraho ko abantu bose batumiwe.

Kanyamibwa Patrick
UM– USEKE.RW