Urubanza rwa Gbagbo ruzabera I Bouaké

Aho afungishije ijisho I Korhogo kuva yatabwa muri yombi kuya 11 Mata, Laurent Gbagbo wahoze  ayobora Cote d’Ivoire agomba gutwarwa I Bouake kuburanishwa ku byaha yaba yarakoze igihe yari umuyobozi.

Laurent Gbagbo ubwo yatabwaga muri yombi kuya 11 Mata uyu mwaka

Kubera impanvu z’umutekano, benshi bari biteze ko uru rubanza ruzabera I Abidjan, Alassane Ouattara ubwe niwe watangaje ko ruzabera I Bouaké.

Urubanza rwa Gbagbo rukaba ruzibanda ku byaha bijyanye no kwikubira ubutegetsi, ibyaha byo kunyereza umutungo, kwica ndetse na ruswa.

Laurent Gbagb o kandi azakurikiranwa n’urukiko mpanabyaha ku byaha by’intambara ndetse n’ibyaha byibasiye inyoko muntu. Uru rubanza rwo rutazabera i Abidjan kubera impanvu z’umutekano.

Alassane Ouattara perezida wa Cote d’ivoire yahisemo ko urubanza rwa Gbagbo rubera I Bouake,ahahoze ibirindiro by’inyeshyamba zo mu mutwe Force Nouvelle zari ziyobowe na Guillaume Soro.

Laure Gbagbo akaba azaburanishwa nyuma gato y’uko kuri uyu wa gatatu, I MonLovia muri Liberia habereye urubanza rw’abacanchuro babanya Liberia bakekwaho kuba barakoze ubwicanyi mu gihe bari barahamagawe na Gbagbo ngo bamufashe kwikiza abatavuga rumwe nawe.Jeuneafrique

Noel Dukuzumuremyi

Umuseke.com