Isoko ry’imari n’imigabane

Nyuma yitariki 31 Mutarama 2011 muri aka karere duherereyemo ka East African  habarizwagamo amasoko y’ imari n’ imigabane agera kuri ane, mu Rwanda hafunguwe isoko ry’ imari n’ imigabane ryiswe Rwanda Stock Exchange (RSE), andi ni Nairobi Stock Exchange (NSE) ryo muri Kenya, Uganda Stock Exchange (– USE) na Dar es Salaam Stock Exchange (DSE) ryo muri Tanzania.

Isoko ry’ imari n’ imigabane ry’ U Rwanda ryafunguwe nyuma y’ imyaka itatu Iteka rya Minisitiri w’ Intebe ryemeza ishyirwaho ry’ isoko ry’ imari n’ imigabane mu Rwanda, nyuma nibwo haje gushingwa Capital Market Advisory Council (CMAC), ariyo yaje guhinduka (CMA)uru rukaba ari urwego rw’ ubujyanama ku bijyanye n’ isoko ry’ imari n’ imigane, ari narwo rwakomeje gukurikiranira hafi isoko rito ryiswe OTC riyikoreramo.

Leta y’urwanda yemeza ko iri soko  ari gahunda yaje yiyongera mu zindi zigamije kuzamura ubukungu bw’ U Rwanda. Ibyo bigatanga icyizere kubaturarwanda bagamije iterambere mu buzima bwabo bwa buri munsi.

iSociete iheruka kwinjira mw’isoko ry’imigabane vuba yinjiye umwaka ushize. Iyo sosiyete itunganya ibinyobwa bisembuye n’ ibidasembuye ariyo BRALIRWA, yashyize ku isoko imwe mu migabane yayo, abantu barayiguze(umugabane umwe wari 136Frw) ku  kigero kirenga 174%, aho 78% by’ abayiguze ari Abanyarwanda. Bralirwa ikababa yaraje isanga izindi societe nka KCB (Kenya Commercial Bank),n’izindi.

Mu minsi iri imbere Banki ya Kigali nayo irateganya gushyira ku isoko imwe mu migabane yayo, ibi  birerekana ko nta shiti  akamaro k’ isoko ry’ imigabane mw’iterambere gakomeje kugenda kamenywa na benshi mu Rwanda, bikaba biganisha ubukungu bw’u Rwanda mu nzira nziza.

Benshi mu banyarwanda ntibarasobanukirwa buryo ki bakunguka baciye mw’isoko ry’igura n’igurishwa ry’imigabane y’amasociete amwe namwe dusanga hano mu rwanda. Umuseke.com uje ubamara amatsiko  mwajyaga mugira, ubajyezaho ibyo mucyeneye umunsi k’umunsi ku bijyanye n’isoko ry’imigabane, uburyo bushya bwo gushoramo ushaka inyungu.

Rukorera Gaga

Umuseke.com