Rubavu: Abubatse mu mbago z’ikibuga cy’indege bagiye kwimurwa

Ubuyobozi bw’Akarere ka Rubavu burasaba abaturage bubatse mu mbago z’ikibuga cy’indege cya Gisenyi kwitegura kwimuka, bukanabwira abakirimo kubaka guhagarika  imirimo y’ubwubatsi ngo kuko ikibuga kigiye kwagurwa.

Mu kwimura aba baturage ngo ubuyobizi buzubahiriza amategeko kuko abahubatse bari bafite ibyangombwa bahawe n’ubuyobozi bw’Akarere.

Ibi bivuzwe nyuma y’urugendo Dr Nzahabwanimana Alexis umunyamabanga wa leta  umunyamabanga wa Leta muri Minisiteri y’Ibikorwa remezo ushinzwe gutwara abantu n’ibintuyasuraga aka karere agasaba ubuyobozi guhagarika abaturage bakomeje kubaka hafi y’ikibuga kugira ngo batangire kureba uburyo ikibuga  cya kwagurwa.

Abaturage bahatuye bavuga ko biteguye kwimuka ngo kuko batakwanga ko ibikorwa by’Iterambere bifite inyungu rusange  byaguka nk’uko Orinfor ibitangaza.

Kwagura iki kibuga cy’indege cya Gisenyi  byatangiye kuvugwa mu mwaka wa 2008 mu kwezi kwa gatanu  none bigiye gushyirwa mu bikorwa nyuma y’imyaka itanu . Ibi rero ngo ni ahanini  byatumye umubare w’abubaka hafi y’ikibuga wiyongera.

Ubuyobozi buvuga ko abazimurwa bafite ibyangombwa bahawe n’Akarere bazahabwa ingurane ariko kubazaba batabifite bazabyirengera.

umuseke.rw