Shampionat ya Basketball yigijweyo

Amatariki iyi shampionat yari kuberaho yahindutse bitewe n’uko  ngo hari amakipe mashya ashaka kwiyandikisha nkuko FERWABA yabitangaje.

Shampionat rero ikaba itagitangiye tariki 15 nkuko bigaragara kuri calendrier yari yasohotse. Benshi baremeza ko hari akavuyo muri FERWABA, bati ntibyumvikana uburyo calendrier isohoka hakiri amakipe agishaka kwinjira muri shampionat.

Imikino ikaba izatangira kuri iki cyumweru tariki 22/05 aho umukino ukomeye ari uzahuza ikipe ya APR BBC na Kigali BBC (KBC) kuri stade Amahoro (Petit stade) i saa sita.

Indi mikino iteganyijwe ni UGB na CSK uzaba saa yine (10h) mbere gato y’umukino wa APR na KBC. Naho RUSIZI BBC yo ikaba izakira ikipe ya KIE i Rusizi.

Shampionat ishize ikaba yarasize ikipe ya KBC ariyo iyegukanye ikurikiwe n’ikipe ya APR, gusa amarushanwa ya Playoffs yo akaba atarabaye kubera impaka zavutse mu makipe yose yagombaga gukina Playoff, bigaragara ko FERWABA yananiwe gukemura izi mpaka zishingiye ku bakinnyi bityo iri rushanwa ntiryaba.

Kanda hano urebe gahunda ya shampionat yose

umuseke.com