Banque Populaire na Tom Close bashimishije abana b’i Rwamagana

Mu gitaramo cyabaye kuri uyu wa 1 Mata mu karere ka Rwamagana, Banki y’abaturage ifatanyije n’umuhanzi Tom Close ndetse na bagenzi be batangiye igikorwa bise ICYEREKEZO bashimisha abana bari mu biruhuko i Rwamagana.

Muri iki gitaramo aho kwinjira byari ubuntu, abahanzi nka Knowless, Bruce Melody na Tom Close bataramiye abo bana bari mu biruhuko bananyuzamo ubutumwa bw’uko bakwiye kwitwara neza mu biruhuko barimo.

Ibi bitaramo byateguriwe abana ahanini bari hagati y’imyaka irindwi na 13 kuko aribo ngo badakunze kubona ubushobozi cyangwa impushya zo kujya kwidagadura kimwe na bakuru babo.

Ibi bitaramo bya Banki Populaire na Tom Close bigenewe abanyeshuri bari mu biruhuko, kuri uyu wa kabiri birakomereza i Muahanga, kuwa gatatu i Rubavu kuri Tam Tam, kuwa kane i Musanze naho kuwa gatanu Mata bibere muri Car Wash mu mujyi wa Kigali.

Abanyeshuri bari mu biruhuko nibo cyane cyane bahawe ikaze muri ibi bitaramo bifite insanganyamatsiko igira iti “ Uruhare rw’umwana mu kwihesha agaciro”.

Photos/P Muzogeye

Plaisir MUZOGEYE
UM– USEKE.COM