Abanyamakuru batoye abahanzi bazinjira muri PGG III

CHIEF EDITOR
02/22/2013

Ku kicaro cya BRALIRWA mu mujyi wa Kigali kuri uyu wa gatanu nibwo abanyamakuru b’imyidagaduro, aba DJ, abatunganya muzika (Pruducers) bavuye mu mujyi wa Kigali no mu ntara bose hamwe bagera ku 120 batoye abahanzi bumva bazinjira muri iri rushanwa rigiye kuba ku nshuro ya gatatu.

Buri wese yatoraga abahanzi 10, nyuma yo gutora abategura irushanwa (BRALIRWA na East African Promoters) bagiye guhitamo abagize amajwi menshi muri aya matora maze tariki 02 Werurwe bazatangaze 10 batowe.

Muri uyu muhango basobanuriwe ko nihabaho gushidikanya ku muhanzi cyangwa umunyamakuru bazerekwa amanota yose hamwe abahanzi bagiye bagira ku mpapuro buri wese yatoreyeho.

Ku nshuro ya mbere PGGSS izabamo aba ‘Judges’

Kuri iyi nshuro hazaba ibitaramo 15 mu ntara zose z’igihugu. Ibitaramo 10 bizakorwa ari ‘Playback music’ naho ibitaramo bitanu bikorwe ari ‘Live music’

Muri za Road Show kuri ubu noneho hazazamo abarorerezi b’inzobere (Judges), abo ni Kidumu na Aaron Niyitunga n’abandi bazatangazwa nyuma, bazafasha mu gutangaza abazaba baritwaye neza muri rusange.

Umuhanzi wa mbere azegukana Miliyoni 24 nkizegukanywe na King James umwaka wa 2012 ubwo yaryegukanaga.

Abazatorwa ngo barushanwe, bemererwa ari uko nibura bageze ku myaka 18 y’amavuko no kuba ari umuhanzi ufite indirimbo nibura eshanu yakoze hagati ya 2010 na 2012.

Abayobozi ba BRALIRWA na East African Promoters basobanura uko irushanwa ku nshuro ya gatatu riteye

DJ Bisoso ateze amatwi asoma no kugafanta

Rutamu Elie Joe umunyamakuru w'imikino n'imyidagaduro kuri Radio Flash FM — Rutamu Elie Joe umunyamakuru w’imikino n’imyidagaduro kuri Radio Flash FM

Dr Jack ubundi ukorera i Rusizi nawe yari yahageze — Dr Jack utunganya muzika muri F2K yari ahari

Pacson umunyamakuru akaba n'umuhanzi — Pacson umunyamakuru akaba n’umuhanzi

Abanyamakuru baturutse hose mu gihugu bari bararitswe

Abitwa "Music Promoters' nabo bari bararitswe, Kalisa John (Hagati) — Abitwa “Music Promoters’ nabo bari bararitswe, Kalisa John (Hagati)

Hari kandi n'abakobwa bo kubaha ikaze — Hari kandi n’abakobwa bo kubaha ikaze

Urupapuro batoreragaho, uyu ni umwe mu banyamakuru n'abahanzi yahisemo — Urupapuro batoreragaho, uyu ni umwe mu banyamakuru n’abahanzi yahaye amahirwe

Nyuma yo gutora impapuro zegeranyijwe zishyirwa muri enveloppe

Ubuyobozi bwa Bralirwa na East African Promoters bategura iri rushanwa

King James ubu utemerewe gusubiramo niwe wasusurukije abari baje gutora

King James ubu ni umwe mu bafatanyabikorwa ba BRALIRWA

Squizzy umunyamakuru akaba n'umuhanzi (ibumoso) aganira n'umwe mu bayobozi ubu b'iri rushanwa muri Bralirwa — Squizzy umunyamakuru akaba n’umuhanzi (ibumoso) aganira n’umwe mu bayobozi ubu b’iri rushanwa muri Bralirwa

Photos/P Muzogeye

Plaisir MUZOGEYE
UM– USEKE.COM

0 Comment

jonas says:
02/22/2013 at 17:54

Ndibaza abahanzi nibariya gusa ndeba haruguru banditse?
- dada says:
  02/25/2013 at 14:38
  
  buri munyamakuru agomba gutora abahanzi 10 akandika kugapapuro kitora amazina yabo noneho bakazareba icumi bambere bakurikije amanota niyo mpamvu ubona kuri kariya gapapuro hariho amazina 10