APR na Police FC habura imikino ibiri ruracyageretse

Nyuma yo gutsinda imikino yazo zombi kuri iki cyumweru tariki 06 Gicurasi, Police FC na APR FC zikoeje guhanganira igikombe cya shampionat ibura imikino ibiri gusa ngo irangire.

Ku munsi wa 23 mu minsi 25 izakinwa, APR FC yatsinze Kiyovu Sport ibitego 3 ku busa, mu mukino waberaga kuri Stade Amahoro ibitego byatsinzwe na Papy Faty, Karekezi Olivier na Lionel  St Preux rutahizamu wabo ukomoka muri Haiti, ibi byatumye APR iguma imbere n’amanota 49.

Police nayo yitwaye neza i Rusizi nyuma yo kuhatsindira Espoir ibitego 2-1, ihita iguma inyuma ya APR amanota 2 gusa mu gihe Police yo imaze gukina imikino 21, ibi biyiha amahirwe menshi yo kwegukana igikombe niba idatsikiye mu mikino isigaranye.

Mu yindi mikino yabaye, ikipe ya Mukura nyuma yo gutsinda APR FC kuwa gatatu tariki 2 Gicurasi, ntabwo yabashije gutsinda AS Kigali kuri stade Kamena kuko uyu munsi zanganyije 1-1.

Imikino yakinwe kuri iki cyumweru tariki 06 Gicurasi:

Kiyovu Sports 0-3 APR FC
La Jeunesse 1-1 Amagaju FC
Nyanza FC 1-0 Etincelles FC
Espoir FC 1-2 Police FC
Mukura vs 1-1 AS Kigali
Marines (yaruhutse)

Urutonde rw’agateganyo:

No.      Amakipe          P                         PTS

1          APR FC          23                         49

2          Police FC        21                       47

3          Mukura VS     22                      43

4          Kiyovu Sport  22                     38

5          Rayon Sports  21                     37

6          ISONGA FC  20                        30

7          Etincelles FC   22                     25

8          As Kigali         22                      25

9          La Jeunesse     22                  24

10        Marines FC     21                    23

11        Amagaju FC    22                  22

12        Nyanza FC      22                   20

13        Espoir FC        21                    7

Ange Eric HATANGIMANA
UM– USEKE.COM