President wa South Africa Zuma agiye kurongora umugore wa 4
Jacob Zuma ari kwitegura kurongora umugore ugira uwa kane mu mpera z’icyumweru gitaha nkuko byemejwe n’umuvugizi we ku cyumweru tariki 15 Mata.
Mu ntara ya KwaZulu-Natal agace ka Nkandla niho imihango gakondo y’ubukwe bwe na Ms Bongi Ngema, izabera nkuko tubikesha SABC.
Zuma ngo birazwi cyane ko yikundira abagore benshi, yatanye n’uwitwa Nkosazana Dlamini, undi mugore we witwaga Kate yariyahuye mu 2000.
Usibye uwo batanye n’uwo wiyahuye, ubu Zuma asanganywe abagore batatu (Gertrude Sizakele Khumalo, Nompumelelo Ntuli na Thobeka Madiba), Bongi Ngema w’umucuruzikazi, azaba aje kuba uwa kane, asanga bariya bakeba .
Zuma wujuje imyaka 70 kuwa kane ushize, bivugwako afite abana 20 yabyaye. Ndetse Ngema uyu, wamuherekeje mu nama ya G20 muri S. Korea umwaka ushize, bafitanye umwana w’umuhungu.
Gukunda abagore benshi kuri Zuma byagiye bimuteza ibibazo. Mu 2006 yashinjwe gufata ku ngufu umugore w’inshuti y’umuryango we, wanduye Sida. Yiregura, yasekeje benshi ubwo yavugaga ko yahise akaraba vuba vuba nyuma yo kuryamana n’uyu mugore maze we ntiyandura Sida.
Mu 2009 yateye inda umukobwa w’umugabo wari uyoboye imyiteguro y’igikombe cy’Isi cya 2010, babyarana umwana habura umunsi umwe ngo igikombe cy’Isi bwambere muri Africa gitangire.
Ku isabukuru ye mu cyumweru gishize yabajijwe niba atazongera kurongora undi mugore mushya, asubiza ati: “ umenya ntazongera”
Jean Paul Gashumba
UM– USEKE.COM
English
0 Comment
icyo kigabo gisesagura umutungo w’igihugu kiwujyana mu bagore bagitoreye iki? mwari muzi ko zuma atize yagarukiye mu wa kane primaire niyo mpamvu atareba kure
n’abo bagore wikoma ni abanyafrika y’epfo.kandi umuco wabo urabimwemerera nta shyano akoze.
Ujye ugira ikinyabupfura ubwo wararezwe cyangwa?
courage musaza
Mpatisbihugu azababara. Uncle SAM yemera Homosexuality, ariko ntumukoze gushaka abagore barenze umwe. Niyo wagira indaya 1000 nta kibazo. People must know Uncle SAM.
Ngo yahise akaraba ntiyandura,keretse niba yarakarabye virus itarinjira mu maraso. NAKO NTIBISHOBOKA.
ESE UBUNDI MBAZE, VIRUS ITERA SIDA ISHOBORA KUMARA IMINOTA INGAHE ITARAPFA IRI HANZE Y’UMUBIRI W’UMUNTU?
wowe witwa liii urasebanya, mwariganye? mujye mwirinda Gusebya abakuru bibihugu kuko sibyiza abantu iyo bagiye kwiga ntago baguhamagara ngo abariwowe ubaha ibizamini cyawirinda kwinjira mubuzima bwumuntu , nuburenganzira bwe kurongora aba ashaka igihe bo babyemera cyane ko ntawe aba yafashe kungufu
Iki ni igihugu aho umugabo avuga rikijyana. Ubundi kuva kera byahozeho biriho kandi bizahoraho.Imana yaremye Umugabo igeze aho ibonako akeneye umufasha(umugore) nawe iramurema kugira ngo afasha umugabo byinzi, umunaniro, kumuganiriza, …
Iyo iyo uwo mugore akabashije kuzuza inshingano ze bitewe n’impamvu umugabo ashobora gushaka undi mufasha ( Soma korowani). Mu Rwanda kuki gutora amategeko batita ku byanditswe byera? Ubishaka yabikora utabishaka ntazirike abandi kuko byaragaragaye ko ibibazo dufite mu Rwanda bishingiye ku itegeko rifunze ribuza abagabo babishaka kugira abafasha benshi.
wowe se imana uyirusha ubwenge? kuki yamuremeye umufasha yari inaniwe kumuremera abafasha? niba yaramuremeye umugore umwe ni uko yari ibizi ko amuhagije, ibyo kugira abagore benshi byaje nyuma bizanywe na satani nyuma yuko adamu na eva pacumuye.gushaka abagore besnhi byaziye rimwe n,ibindi byaha birimo ubwicanyi,inzangano mu bantu…umugambi w’IMANA si uwo mukuremwa kwisi.gushaka abagore benshi n’cyaha nk’ibindi byose kuko bihabanye cyane n’amategeko n’amahame y’imana yo ku ntangiriro y’iremwa.Niba uvugako ukunda Imana ukwiye kuba ukunda amategeko yayo uko ari atari ayo abantu bishyiriyeho bakurikije irari ryabo barangiza bakabyitirira Imana, kandi Imana ntiyahindutse uko yari iri irema umugore n’umugabo kera, nanubu niko iri ntiyivuguruza, ntiyisubiraho, ntihinduka nubwo twe abantu duhinduka.SOMA BIBLE.
“Kayumba”…. umugore ntabwo ari umuja! Ikorowani simpamya ko nayo ibyemeza (nta niyo nzi sindi umuyisilamu)… gusa umuntu ni nk’undi: Niba umugabo akeneye umugore, n’umugore aramukeneye ku mpande zose kandi zireshya n’est-ce pas??? Ubwo bu”macho” bwanyu simbwemera! Niyo mpamvu se mu bihugu byiganjemo abayisilamu usanga abagore ari agatobero???! Imana ibirinde u Rwanda!
Lili uyu ni President w’igihugu wangu,sibyiza rero kumuvuga uko wiboneye nkaho ari mugenzi wawe,mujye mugira ikinyabupfura ngo ntiyize? ibyo birakureba!!!!!!!!!!!!!!!!ubwo se wowe wize angahe?????
Umugambi w’Imana ku muryango ni uko umugabo akwiye kubana n’umugorewe akaramata bombi bakaba umubiri umwe. Iyo biciye ukubiri n’umugambi w’Imana biteza ibibazo bitandukanye nkibi Zuma yagiye ahura nabyo.
Dukwiye kubaha Imana tukagira Imiryango igaragaza ishusho yayo. soma ibindi ku http://www.umuryangomwiza.4ove.com
ARIKO NDIZERA KO ATAZASHAKA UWUNDI URIYA NDABONA ARIKININI KIZAMUMARA IPFA KABISA. COURAGE IPFIZI Y’AFRIKA
jyewe ndumva ibyo bintu birenze ese ubwo abo bagore bo ntarwikekwe baba bafite iyo babona basanga ZUMA ku bwanjye nubwo ari president ndumva yarabaye impfizi ya rusange,kuko nta muntu utekereza wakora ibintu nkibyo.
NDABARONGORA MBA NDOGA NKOMOKOMO!!
i hate tha for really
Comments are closed.