Urubanza rwa INGABIRE Victoire rwakomeje kuri uyu wa gatatu
Urubanza rukaba rwakomeje humvwa ibisobanuro bya Ingabire, aho yisobanuraga ku bimenyetso birimo inyandiko(E-mail) yagiye yandikirana n’abasirikare baregwa mu rubanza rumwe akaba ari nabo bamushinja kuba barakoranaga muri FDLR.
Kuri uyu wa gatatu abunganira INGABIRE Victoire aribo, Maitre Gatera Gashabana na IAN Eduard batangarije urukiko ko ibimenyetso barega INGABIRE ko ari ibihimbano kugira ngo INGABIRE afungwe. Gusa bijeje urukiko ko bafite impuguke zirimo zirashakisha ibimenyetso by’uko ibyo INGABIRE Victoire yagiye yandikirana na bariya basmushinja ari ibinyoma ndetse bigiye gushyirwa ahagaragara mu minsi ya vuba.
Abunganira Victoire bagize bati : « Dufite impuguke ziri hafi gushyira ahagaragara ibimenyetso by’uko INGABIRE Victoire atigeze yandikirana n’abo basirikare bamushinja » nkuko ubushinjacyaha bwagiye bushinja INGABIRE.
Muri uru rubanza hagiye hagaragara kwisobanura gutandukanye ku mpande y’abunganira ingabire victoire, aho maitre IAN Eduard avuga ko ibimenyetso bavuga ko INGABIRE yagiye yandikirana na bariya basirikare kuri we abona ko bitigeze bibaho.
Ian aragira ati, urebye ni inzandiko zakozwe na bamwe munzego zishinzwe iperereza, ubushinjacyaha ndetse na polisi ariko hano yirinze kugira uwo ashinja ngo yemeze ko ariwe.
Ku ruhande rwa maitre Gashabana we avuga ko, ubushinja cyaha bwa bikoze kugirango babone uko bufunga INGABIRE victoire. Yagize ati : « n’ikimenyi menyi hari inzandiko zigaragaza ko ubushinjacyaha bwasabaga Yahoo niba koko izo E-mail arizo ibi bikagaragaza ko nabo bari bafite ugushidikanya ko izo E-mail atari zo ».
Urukiko rubasobanura kuri iki rwatangaje ko ntakuntu waba wariyandikiye inyandiko warangiza ukajya kubaza yahoo niba izo nyandiko arizo, bigaragara ubushinjacyaha buza kuba bwaranditse ziriya E-mail ntabwo bwari kujya kubaza Yahoo niba izo E-mail arizo.
Ikigaragara muri uru rubanza ibisubizo by’abahagarariye INGABIRE Victoire batangaga byari binyuranye kandi bitwa ko bakorana, urebye nibyo byakomezaga gutera urujijo urukiko. Aho Maitre Eduard atigeze yemeza ko ari ubushinjacyaha, we avuga ko ari umwe muri bariye bashinzwe iperereza, polisi cg ubushinjacyaha.
Urubanaza rwa INGABIRE Victoire ruzakomeza ku munsi w’ejo aho azakomeza kwisobanura kubyaha aregwa.
Jean Noel Mugabo
UM– USEKE.COM
English
0 Comment
Ariko se wowe harya ngo ngwiki? ngo urarengana! shyuhuhuuuuuuuuun warenagnye ubwo wirenganyaga ngo uje kubohoza abo wise abanyarwanda bawe kandi batagufasheho.
U Rwanda ntirwayoborwa nakanwa, abazungu bargushutse ngo genda turebe icyo bagukoraho none se ubu bari he?
Icecekere mugenzi wanjye ikubise mukeba uyirenza urugo. Nawe nturi umushinjacyaha cg Imana ngo uramenya ukuri aho kuri.
Erega bucya bwitwa ejo ntiwamenya ikigutegereje.
Kami nta marangamutima akenewe ku bibazo biri sensible nk’ ibi. Uyu mugore ntiyavuze amagambo yoroheje na gahoro. Uzakurikire ama emission ye kuri za BBC n’ahandi. Yashakaga kugarura gahutu na gatutsi! Aho byatugejeje ntiwahabonye?
Kami se yitendtese kuri nshoberwe? abaye anyitendetseho yaba ari igipfamatwi
Kuri ziriya email, yaba abashinzwe iperereza cyangwa ubushinjacyaha , nihagaragare gusa ko ari impimbano ruraba rwiciye. Kuki ministere publique yishora mu manyanga kandi ariyo jisho rya society!
saba imbabazi kuko uri kudusubiza inyumma
IVU yashatse akaduruvayo mu Rwanda none karamugarutse. Nta kintu na kimwe watekereza cyagirira siciety nabi ngo kikugwe amahoro. Yatsinda , yatsindwa kuri jye ni kimwe, ariko yatakaje igihe cye atekereza ibibi.
IVU ni akomeze arushye iminsi amaherezo y’inzira ni mu nzu.akarimi ke ni kabi cyane karuta uburozi.
ariko Kami uvuze ko nyirurugo yapfuye ntago aba ariwe umwishe,kandi abantu bameze nkamwe muba muri babi cyane,muba mushaka kwigira beza muterekana ibitekerezo byanyu,ubwo rero uba uri akazuyazi kandi utuzuyazi n’Imana itwanga urunuka,rero Ingabire arazira amagambo yivugiye ubwe nibindi,wowe uzirinde guhimbira umuntu gusa,kandi niba nta nicyo uzi wicecekere ntugire icyo uvuga.
yego rata mimi buriya ngo yari yitendtese kuri nshoberwe, abazungu baramushutse aremera none se ubu ari he?
ariko njye baranansetsa ese ibyo yavugiraga kuri radio babaga bapfutse amatwi?Niyangane ahubwo uwamushutse ngo naze ni we wamukozeho.
ntibizoroha
Ariko se yewe Kami, niki gituma utega abantu iminsi? Tegereza nabo nibitwara nka Ingabire muburyo bwo gushaka kuvutsa banyarwanda umudendezo wabo namahoro bari bibereyemo azabibazwe. Umudamu arimo kubazwa ibyo yatekerejje, akavuga ndetse akabishyira mubikorwa aho yagiranaga ihuriro nifatanya bikorwa numutwe uri kurutonde rw`ibyihebe. Ari nabo bamushinja. Abafatanya bikorwa kandi babazungu nabo baramushinja ibyo bamushoragamo nawe yumva ko ngo arinyoza mubanyarwanda bari mu mahanga ngo arashaka gukora izina ahangana nuwo Imana yatoranyije wemerwa nabanyarwanda hafi yabose ndetse nabanyamahanga usibye abirengagiza ukuri.
Mujye mushyiea mu gaciro ibyo yivugiye ku maradiyo international,ibyo yiyandikiye ubwe,inyandiko zirikuri email ye na FDU muzazisome murebe ko z’ubaka igihugu cg abanya rwanda murebe aho tuvuye ,amateka twanyuzemo n’ibiteye murebe aho tugeze naho tujya mu gishe umutima inama ,muyoborwe n’ukuri mureke amarangamutima mabi yokamye bamwe mu banyanyarwanda muhitemo neza mureke ubucamanza bukore akazi kabwo murakoze
iby yivugiye nibyo bizamwitsindira nareke kuburana urwandanze kuko burya si buno.
Comments are closed.