Inyogosho nshya ya Robert Mugabe iri kuvugwaho cyane

Perezida Robert Mugabe wa Zimbabwe kuri uyu wa gatatu yagaragaye afite inyogosho nshya, hari mu gihe bashyinguraga umwe mu bahoze mu ngabo.

Mugabe yagaragaye yogoshe umusatsi we wose, nubwo n’ubundi atagiraga mwinshi.

Bamwe batekereza ko ari ubwa mbere uyu musaza yiyogoshesheje akamaraho gutya.

Abantu benshi muri Zimbabwe no hanze yayo bagize icyo bavuga ku nyogosho nshya y’uyu mukambwe.

Bamwe bakavuga ko iyi nyogosho imugaragaza nk’ugifite agatege kurusha iyo yari afite.

Nubwo hari abibaza ko hari indi mpamvu yatumye amaraho umusatsi we.

Si kenshi abayobozi b’ibihugu uzabona bahindagura uko biyogoshesha.

Perezida Kabila wa DRCongo ariko we mu cyumweru gishize yagaragaye mu Nteko Ishinga amategeko afite inyogosho nshya afite aho yateretse umusatsi mu buryo bita ‘afro’.

UM– USEKE.RW