Inararibonye mu gisirikare Dan Smith yakiriwe na Gen Kabarebe

Kuri uyu wa kabiri, Ministre w’ingabo Gen James Kabarebe yakiriye Ambasaderi Dan Smith ku kicaro cya Ministeri y’Ingabo ku Kimihurura.

Dan Smith na Gen Kabarebe baganiriye ku bufatanye hagati y’u Rwanda n’Umuryango w’Abibumbye muri gahunda yo kubungabunga amahoro muri Darfur.

Amb. Dan Smith yavuze ko yazanywe no gushimira igisirikare cy’u Rwanda umuhate kigira mu gushaka amahoro muri Darfur, ndetse no kureba uko bafasha ingabo z’u Rwanda kugirango  barusheho gukomeza ibikorwa byo gucungera amahoro  i  Darfur.

Amb. Dan Smith uje mu Rwanda ku nshuro ya kabiri, yahoze ari umusirikare wa Amerika w’ipeti rya Colonel, ni inararibonye mu bya gisirikare kuko yamaze imyaka irenga 30 mu ngabo za Amerika.

Uyu mugabo akaba ari umwanditsi w’ibitabo, yanditse igitabo cyitwa “CounterPunch”  ndetse n’inyandiko zitandukanye ku ntambara ya Irak.

Daddy SADIKI RUBANGURA
UM– USEKE.COM