Digiqole ad

Kigali: Abamotari baparika moto ku manywa bagakora ikoraniro rikomeye basenga

Kigali: Abamotari baparika moto ku manywa bagakora ikoraniro rikomeye basenga

Iyo ubabona batwaye moto zabo wakwibaza ko ari nka kwakundi ngo ‘iyo amagara atewe hejuru….’ buri wese aba ahugijwe cyane no gushaka ay’uwo munsi, yenda bahuzwa gusa n’imisoro y’ishyirahamwe, ariko abakorera rwagati mu mujyi wa Kigali nibura kabiri mu cyumweru bigomwa igihe kigera ku isaha imwe bagateranira muri gare bagasenga cyane.

Abamotari mu masengesho kuri uyu wa kane
Abamotari mu masengesho kuri uyu wa kane

Hagati ya saa tanu na saa sita abamotari babishaka bahagarika akazi bakajya muri aya materaniro iruhande rwa gare yo mu mujyi wa Kigali. Umunsi ku munsi ngo bagenda biyongera, iteraniro ryabo rya none Umuseke wahageze.

Ubu ngo bagiye kumara ibyumweru bibiri bakora iri teraniro, ribera kuri gare mu mujyi no ku Muhima wahoze ari uw’impyisi. Intego yabo ngo ni uguhinduka bakagandukira Imana kandi bagakorana umwuga wabo umutima w’ubuntu.

Abamotari harimo abavugwa mu ngeso z’ubujura, gufatanya n’abajura, kwambura abagenzi, kunywa cyane ibiyobyabwenge n’ibindi.

Olivier Dusabimana uyobora aya materaniro yabo yabwiye Umuseke ko Imana ntawe itahindura nubwo yaba akora ibyaha bisa bite, ko basenga nk’abamotari kugira ngo bagire uwo Imana ihindura ufite ziriya ngeso.

Japhet Muhozi umwe muri aba bamotari wari waje gusenga kuri uyu wa kane yavuze ko abamotari bagenzi be bakora ariya mabi basebya akazi kabo ariko gusenga byonyine aribyo byabahindura.

Muhozi ati “Hari abatumye tugira isura ko turi abambuzi, dufasha abajura n’andi mabi…batumye twamburwa agaciro kacu niyo mpamvu twahisemo kukazamura biciye mu ijambo ry’Imana no gusenga.”

Dusabimana wigisha ijambo ry’Imana akanabayobora ati “Imana itugirira ikizere cyo gutwara abantu bakomeye, aboroheje n’abanyamahanga niyo mpamvu tugomba gusenga kugira ngo tuve ku mazina mabi bamwe batwita.”

Abantu benshi bagendagenda hano usanga bavuga ko uyu muhate w’abamotari mu gushaka Imana ari mwiza bawushimye.

Aba bamotari bo mu mujyi kuva batangira guterana bamaze gukusanya amafaranga 100 000Frw buhoro buhoro, bavuga ko namara kugwira bazajya ku bitaro bya CHUK kuyafashisha abatishoboye barwariye muri ibi bitaro.

Bafata igihe kigera ku isaha basenga ubundi bakongera bakurira moto bagakomeza gushaka amafaranga
Bafata igihe kigera ku isaha basenga ubundi bakongera bakurira moto bagakomeza gushaka amafaranga
Olivier niwe ubigisha ijambo ry'Imana
Olivier niwe ubigisha ijambo ry’Imana
Aba avuga ati "nimureke duhinduke, duhindukirire Imana"
Aba avuga ati “nimureke duhinduke, duhindukirire Imana”
Umunsi ku munsi bagenda biyongera
Umunsi ku munsi bagenda biyongera
Usenga yari agize ati "uwagize intege nke akishora mu byaha muri iyi minsi nazamure ikiganza dusengane"
Usenga yari agize ati “uwagize intege nke akishora mu byaha muri iyi minsi nazamure ikiganza dusengane”
Aba bamotari biganjemo urubyiruko bazamuye atari bacye
Aba bamotari biganjemo urubyiruko bazamuye atari bacye
Nta ntungane ibarimo, nayo ngo bwira icumuye karindwi
Nta ntungane ibarimo, nayo ngo bwira icumuye karindwi
Barasenga cyane basaba Imana kubababarira no kubahindura
Barasenga cyane basaba Imana kubababarira no kubahindura
Hafi aho hari n'abatari abamotari biyunga nabo mu isengesho
Hafi aho hari n’abatari abamotari biyunga nabo mu isengesho
Barasaba Imana imbabazi n'imbaraga
Barasaba Imana imbabazi n’imbaraga
Nyuma yo gusenga uturisha muri bo abacamo na casquet ubishaka akagira icyo ashyiramo
Nyuma yo gusenga uturisha muri bo abacamo na casquet ubishaka akagira icyo ashyiramo
Ashinzwe gahunda yo gutura, aba agenda abanyuramo
Ashinzwe gahunda yo gutura, aba agenda abanyuramo bamaze gusenga
Ubu ngo bamaze kugira ibihumbi ijana, nyuma ngo bazayakoresha bajye gusura abarwayi badafite kirengera bari muri CHUK
Ubu ngo bamaze kugira ibihumbi ijana, nyuma ngo bazayakoresha bajye gusura abarwayi badafite kirengera bari muri CHUK
Japhet Muhozi avuga ko gusenga Imana byonyine aribyo byabahindura
Japhet Muhozi avuga ko gusenga Imana byonyine aribyo byabahindura

Photos © D.S Rubangura/Umuseke

Daddy SADIKI RUBANGURA
UM– USEKE.RW

50 Comments

  • Gilbert says:
    02/02/2017 at 15:44

    Bravo, Uwiteka abajye imbere!

    • Gigi says:
      02/02/2017 at 22:43

      Iyi ni imitwe yo kugira ngo bayabarye tu! Sha abarezi baracyari benshi koko!

      • maurix says:
        02/03/2017 at 11:25

        Gigi gabanya kuvuga nabi kuko gusenga ni byiza,kandi Imana izabibitura.BYOSE BIHIRA ABAKUNDA Imana

      • Christian says:
        02/07/2017 at 11:34

        Sinzi niba uri ibyo uvuga, Yesu ashobora byose, uzamwisunge urebe ko nawe ataguhindura

    • Emmanuel says:
      02/07/2017 at 15:01

      ni byiza pe

  • NTAKIRUTIMANA Janvier says:
    02/02/2017 at 15:56

    Aba bamotari n’abandi bose bakwiye kubigira ho kuko umuntu wese udafata umwanya ngo yibuke Imana cg azirikane Imana ni Utazi aho avuye cg aho yavuye!!!!Uyu rero bizanamugora kumenya aho yerekeza!!!
    Koko ubu hari umunyarwanda udakwiye gusenga Imana ngo dushime ibitangaza iri kudukorera koko!!!!

  • Kalisa says:
    02/02/2017 at 16:08

    Aba bamotari baranshimishije cyane. Imana ibagirire neza kandi ibongerere abakizwa

  • Eddy says:
    02/02/2017 at 16:27

    Imana Ibahe umugisha kuko burya Ikunda abayikunda kandi abayishakana umwete bazayibona. Nkozweho n’uyu murimo w’ububyutse Imana izanye muba motari

  • sung says:
    02/02/2017 at 16:30

    Baranshimishije IMANA ibahe umugisha

  • rere says:
    02/02/2017 at 16:31

    Mbega byiza biranejeje cyane kubona abamotari bagera aho bakibuka Imana rwose ibongerere abakizwa ndetse n’imigisha. Umurimo w’Imana ukomeze gutera imbere impande zose.

  • kabutura says:
    02/02/2017 at 16:49

    Mbega ibintu binshimishije courage muzagera kure

  • Clementine says:
    02/02/2017 at 16:55

    Ohhh!!!Byiza cyane ,nizereko basengana umutima utuje kdi rwose bahumure Imana irabumva kdi nabandi babigireho.

  • Diddy says:
    02/02/2017 at 17:11

    Ni ukuri Imana ibumve kdi ibagirire neza ibahe ibiraka byinshi, umugisha, ibarinde ababagonga kdi namwe mqitwararike mu nzira. Ndabikunze cyane pe

  • K says:
    02/02/2017 at 17:49

    Ameeeeeen

  • Daniel says:
    02/02/2017 at 17:53

    Nibyiza ariko…………Ahaaa amaturo ntabwo abura….

  • jolie says:
    02/02/2017 at 18:31

    Amen amen!bose bayobotse inzira y’isengesho wenda impanuka zagabanuka mu muhanda.
    Nyagasani abafashe rwose

  • Felix says:
    02/02/2017 at 18:51

    Aba ba motari nabo gushimwa byibutse twese ko uruhare rw’ Imana mu kazi kacu ka buri munsi turuzirikanye ari nokwiyongera kwimigisha byakwiyongera kuri bose rero twese duharanire kwera imbuto nziza tubana neza na bagenzi bacu twemera amakosa dukora tuyasabira imbazi guhana imbabazi no gusangira byose na bose dusurana twifurizanya ibyiza ………

  • Rucagu says:
    02/02/2017 at 18:54

    Isengesho..ryiza..niryo..usengeye..ahirengeye..wenyine..hamwe n’Imana..yawe..naho amateraniro..ni aho kujya kwigira..Bible cg corohani…aba bamotari..rero..nimigishwe..gusengera..mungo zabo mugitondo cya kare bazindutse

    • gasore says:
      02/02/2017 at 19:33

      Nonese nshuti yanjye Rucagu! Ko baba bari ku kazi bagafata akanya ko kwegerana basengera hamwe basengera akazi baba bakora ikibazo ni ikihe! Kandi Bible iravuga ngo aho babiri cg batatu bazaterana bavuga izina ryanjye nzaba ndi kumwe nabo.

    • agaciro peace says:
      02/03/2017 at 09:11

      Hhhh ubwo rero ukaba ubarushije ubwenge!! Kuki dukunda kwigira ba bamenya mu bintu byose? Abantu baraterana bagasenga, bakifuza gukora neza umwuga wabo, nawe uti ntibagiye ahirengeye!
      Wowe n’uburyo wandika ikinyarwanda byonyine byerekana level yawe!

  • Anonymouse says:
    02/02/2017 at 19:28

    Imana ibakomeze kandi ibabashishe gukomeza kuyegera buri munsi , kandi ibahe ibyo basaba ibona ko byabagirira umumaro!!!! much blessings!

  • gasore says:
    02/02/2017 at 19:29

    Yoooh!
    Iyi nkuru iranejeje cyane! Bajye bakomeza badusengere Imana iturinde mu nzira kuri moto!

  • Mbegeti says:
    02/02/2017 at 19:57

    Ikinyica rero muraya madini yomu Rwanda ubabajije ahwayo maturajya nta numwe waguha ibisobanuro bifatika.

    • Kalisa says:
      02/02/2017 at 21:39

      @Mbegeti, ikigaragara ni uko uba watanze comment utabanje gusoma inkuru! Iri wabonye ari idini? Amafaranga batanga soma inkuru urabona icyo amafaranga batura bazayakoresha!

  • plutonium says:
    02/02/2017 at 20:46

    ça s’appelle la comédie

  • M-- USENGE D says:
    02/02/2017 at 23:07

    Oooh Binkoze kumutima, Imana ibajye imbere inabahe icyo bayikeneyeho cyose. Nshimishijwe nabo.

  • Tonny says:
    02/03/2017 at 06:27

    Aba ba motari nukuri Imana ibahr umgisha utagabanije kuko aya masengesho yabo Ni ingirakamaro
    Cyane.

  • ntagisanimana says:
    02/03/2017 at 06:33

    ntagisa nabyo abasenga mu mwuka no mukuri IMANA IRABASANGA IKABEGERA
    Ikanumva gusenga kwabo nabo bakomereze aho.

  • gasore says:
    02/03/2017 at 07:33

    Mbegaaaa ibintu binkoze ku mutima. Imana ibahe umugisha pe!

  • Gahongayire says:
    02/03/2017 at 07:52

    Ndishimye cyane kandi intambwe abamotari bateye imana itere mirongo cyenda nicyenda ibasanga ibakureho icyasha, uwatanze ikigitekerezo imana nawe imuhe umugisha kandi imwagure mumitekerereze ye. Yesu abahe umugisha

  • Paul says:
    02/03/2017 at 08:03

    IMANA Ibakomeze ,ni umugambi mwiza .

  • jijia says:
    02/03/2017 at 08:37

    Mana ube hafi y’abanyantege nke; abashonji ubagwirize ibyiza abategetsi bakomeye ubahantanture ku ntebe zabo……………

  • Sage says:
    02/03/2017 at 08:47

    Mana we ndishimye cyane kubwaba bamotari Imana ibagirire neza, ibahe umugisha kandi ububyutse bafite bukomeze kuko bazazana benshi mugakiza.

  • Sage says:
    02/03/2017 at 08:49

    Mana we ndishimye cyane kubwaba bamotari Imana ibagirire neza, ibahe umugisha kandi ububyutse bafite bukomeze kuko bazazana benshi mugakiza.

  • Kizakinyambo says:
    02/03/2017 at 08:59

    Ahubworero, Ntubona ko ntawe utahinduka, gusa mwirinde kubyihisha inyuma ngo nimurangiza mugume mukora amakosa amwe kandi mwitwa ko musenga. Umuntu yitwaza Imana, agomba gukora ibyiza kurusha utayitirirrwa kandi akarangwa n’ururkundo.

    Ndabizeye, mukomere.

  • clemence says:
    02/03/2017 at 09:07

    ntimushobora kumva ukuntu nyuzwe naba bamotari birandenze nabahandi babigireho kuko mbere na mbere Imana n’ukuri!!!!!!

  • jojo says:
    02/03/2017 at 09:37

    yoooo mbegibintu binshimishije, inzira z’Imana ninyinshi wabona umugisha wayo kulikigihugu Iwunyujije murababamotaro kenshitunasuzugura. Cyakora Imana Ibahe imigishamyinshi Isubize ukwifuzakwabo (nalingiye kuifata nibutseko abenshimulibo icyifuzocyabo arukuva kulimoto wenda bagatwarimodoka, kandiwenda umugishawabo Imana Yarawuteganyilije muruwomwuga wabo bayiheramo icyubahiro). Cyakora murakozecyane mumpayisomo rikomeye, ukuntumwigomwa umwanyawanyu namafranga mwarigukorera muruwomwanya mukaryagusenga IMANA kandi haribenshi mulitwe tudashobora gufata numunota mucyumweru wokuyihimbaza tulikukazi, dufite nibiro bili confortable kubarusha ahushobora kuiherera n’Imana yawe ukayiramya, ahubwukilirwa utakazumwanya kuliza facebook nibindi bidafitagaciro. Mana utubabarire nukuli turigaye

  • Vivien says:
    02/03/2017 at 10:26

    Imana yumve gusenga kwabo!

  • URUGIYE KERA says:
    02/03/2017 at 11:31

    Yooo Nyagasani abagende imbere kandi abakomeze.isengesho rivuye ku mutima rigira imbaraga kandi ibihe turimo birakomeye cyane ni ugusenga dushyizeho umwete.turusheho kwiyegereza Nyagasani.

  • Jojo says:
    02/03/2017 at 12:15

    Ohhhh birashimishije kabisa Imana ikomeze ibabashishe. Nimutagwa isari muzasarura Uwiteka abane namwe muri byose kabisa. Bravooooo

  • Eddy says:
    02/03/2017 at 17:02

    Ibi bintu nibyiza ntawe utabishima cyeretse abahita bigira imbonerakure bagashakira ibibazo aho bitari nkaba gigi n’abandi..
    Imana ibakomeze rwose ba motari burya mu gusenga niho dusubirizwa wasanga harabo Imana izakirizamo amaboko ya satani. Njyewe ndi gusoma iyi nkuru numvise rwose ngiye kujya mu mwuka ngo mbahanurire nubwo ntabazi,hhh! Imana ibafiteho umugambi rwose mukomereze aho kd mwirinde ababaca intege. Amen

  • unkown says:
    02/03/2017 at 17:23

    Eucumenism (Impuzamadini, imyizerere imwe, gusenga kumwe, imana imwe, …) yateye intambwe ikomeye pe!
    Murabe maso, mutazagwa mu ruzi murwita ikiziba.
    Gusenga ni byiza; iyo bigamije guha Imana icyubahiro cyayo n’umwanya wabyo.
    Ni musange amategeko y’Imana n ibiyahamya, ngo nibatavuga ibijyanye nayo ntamuseke uzabatambikira.
    Kandi ngo nimunkunda muzitondera amategeko yanjye.
    IMANA IBAYOBORE

  • KWA JEUX says:
    02/04/2017 at 12:40

    KABISA NIBYIZA G– USENGA MOTO YICA NABI KABISA NA TWE DUTWARA MOTO NINI KIGALI FREEBIKERS IYO TUGIYE MURI TRIP TUBANZA KWIRAGIZA IMANA UBUNDI TUKA JYA ISAFARI

  • Rita says:
    02/05/2017 at 01:06

    Lord bless them, Guide them to your ways and bless the works of their hands.Let your name be glorified through them.I pray in Jesus name Amen

  • Fabrice says:
    02/05/2017 at 22:18

    Nta byiza nko kubona habaho abantu badatinya kugaragaza ibyo bemera, Mana ubarinde , wagure imbago zabo, bahore babona imbaraga zawe n’urukundo rwawe iteka ryose mw’izina Rya Yesu. Amen

  • Leon says:
    02/07/2017 at 14:07

    Kuko umuntu WESE uzambaza Izina ry’Uwiteka azakizwa. Abaroma 10.13

  • Emmanuel says:
    02/07/2017 at 14:54

    ijambo ry *Imana* rizavugwa na bose kugera ku impera z’isi bakomereza aho, kdi n ‘abandi bakora imirimo itandukanye cyane yo gutwara abantu barebere ho!.

  • Jadoness says:
    02/08/2017 at 07:26

    Njye ndumva bitangaje pe, kandi Imana ige ibafsha mu mwuga wabo kuko uburyo mbona banyuranamo n’ imodoka bagataha amahoro byonyine byabatera kuyishimira ku mugaragaro ndetse bikanabatera no kuyubaha

  • Remy says:
    02/08/2017 at 12:26

    Gusenga ni bwo buzima knd muri bibiliya haranditse ngo mubanze mushake ubwami bw’Imana ibindi bizaza ari mperekeza. Imana ibagurire imbago

  • jado says:
    02/20/2017 at 10:26

    nibyiza cyane umwami Yesu abafashe ntamuntu ukina asenga bajye banatura; mubaroma 10:9-10.niwatuza akanwa kawe yuko Yesu arumwami,ukizera mu mutima wawe yuko Imana yamuzuye uzakizwa…

Comments are closed.

© Since 2011, Umuseke. All rights reserved

en_USEnglish
en_USEnglish