Police FC itsinze Marines 2 – 0. Ishoje ku mwanya wa 3

Rubavu – Kuri stade Umuganda, ku mugoroba wo kuri iki cyumweru Police FC yabashije gutsinda Marines ibitego bibiri ku busa. Iyi kipe ya Police y’u Rwanda ikaba irangije ikiciro cy’imikino ibanza (phase aller) iri ku mwanya wa gatatu n’amanota 31 inyuma ya Rayon Sports (36Pts) na APR FC ya kabiri (34Pts).

Police FC yarushije bigaragara Marines yari iri mu rugo nubwo nayo yagerageje kenshi kwihagararaho igahanahana neza umupira ndetse ikagerageza gutsinda ariko bikanga.

Ku munota wa 27 Songa Isaie yahereje umupira Mico Justin uyu arekura ishoti rikomeye ritabashije kugarurwa n’umuzamu wa Marines.

Igice cya mbere cyarangiye ari kimwe ku busa.

Mu gice cya kabiri Marines yagerageje kwishyura ariko birananirana, Police FC ahubwo ikomeza kongera imbaraga mu gusatira no gushaka gutsinda ikindi.

Igitego cya kabiri cyabonetse ku munota wa 70 gitsinzwe na Danny Usengimana ku mupira yari ahawe na Japhet Imurora.

Iki cyahise kiba igitego cya 12 Danny Usengimana atsinze mu mikino 15, ubu akaba ari we urangije iki kiciro cy’imikino ya mbere arusha abandi bakinnyi ibitego.

Umukino warangiye gutya Marines itabashije kureba mu izamu rya Police FC.

Imikino yo kwishyura izatangira tariki 12 Gashyantare, Police FC ikazatangira ikina na Rayon Sports ya mbere, aka ariwo mukino unakomeye witezwe kuri uwo munsi.

Uko amakipe ahagaze ubu:

No     Team          Pg      W       D       L        GF     GA     GD    PTS

1        Rayon         15      11      03      01      31      07      24      36

2        APR FC       15      10      04      01      22      08      14      34

3       Police FC     15      09      03      03      24      12      12      31

4        AS Kigali     15      09      02      04      20      11      09      29

4        Police FC     15      09      03      03      24      12      12      31

5        Bugesera     15      07      05      03      19      09      10      26

6        Espoir         15      06      07      02      14      07      07      25

7        Musanze     15      06      03      06      14      16      -2      21

8        Etincelles    15      06      02      07      15      18      -3      20

9        Sunrise       15      04      06      05      13      13      00      18

10      Kiyovu        15      05      03      07      15      22      -7      18

11      Kirehe FC    15      04      04      07      15      20      -5      16

12      Mukura       15      03      06      06      11      18      -7      15

13      Amagaju     15      04      03      08      12      17      -5      15

14      Marines       15      04      02      09      09      18      -11    14

15      Gicumbi      14      02      02      10      12      26      -14    08

16      Pepiniere     14      00      02      12      08      29      -21    02

UM– USEKE.RW