Gambia: Umuhungu wa ‘Perezida’ Adama Barrow yishwe n’imbwa

Umuhungu wa Perezida Adama Barrow watorewe kuyobora Gambia yitabye Imana nyuma yo kuribwa n’imbwa nk’uko bivugwa n’ikinyamakuru Banjulnews.

Habibou Barrow w’imyaka umunani gusa biravugwa ko yitabye Imana bari kumujyana kwa muganga kuri iki cyumweru mu mujyi wa Manjai hafi y’umurwa mukuru Banjul.

Adama Barrow ntabwo yabashije kwitabira imihango yo gushyingura umuhungu we kuko yagiriwe inama yo kuguma mu buhungiro ku bw’umutekano we.

Barrow yatsinze amatora y’umukuru w’igihugu umwaka ushize ariko Perezida Jammeh wari kubutegetsi arabugumana yanga ibyavuye mu matora nubwo yari yabanje no kubyemera cyane.

Ubu abayobozi b’umuryango w’ibihugu by’uburengerazuba bwa Africa ECOWAS bagiriye inama Barrow kuba agumye mu buhungiro muri Senegal kugeza nibura umunsi yagombaga kurahiriraho, kuwa kane w’iki cyumweru.

UM– USEKE.RW